Дәрігер коронавирусқа қарсы екпе дайындап жатыр

Нұр-Сұлтан мен Алматыда қанша адам вакцинадан бас тартты

183
Елордада 229 адам, Алматыда 153 тұрғын вакцинадан бас тартқан. Олар медициналық себептерге, жеке көзқарасына байланысты екпе салдырмайтынын айтқан

НҰР-СҰЛТАН, 9 сәуір — Sputnik. Нұр-Сұлтан мен Алматының қоғамдық денсаулық сақтау басқармалары вакцинадан бас тартқан адамдардың санын жариялады, деп хабарлайды Sputnik Қазақстан тілшісі.

Елорданың басқарма басшысы Тимур Мұратовтың айтуынша, бұған дейін инфекцияны жұқтыру қаупі жоғары санатқа кіретін адамдарға коронавирусқа қарсы вакцина салынды. Олардың ішінде мұғалімдер, медицина қызметкерлері мен полицейлер бар.

"Осы топқа кіретіндердің арасында 229 адам вакцина алмады. Олардың жартысына уақытша екпе салуға болмайды. Біреуі жүкті, енді біреуі респираторлық ауруға шалдыққан. Басқалары жеке көзқарасына байланысты әзірше вакцина салдырмаймыз деді. Меніңше, олар артынан екпе салады", - деді Мұратов орталық коммуникациялар қызметінде өткен онлайн брифингте.

Алматыда 11 мыңнан астам педагог вакцина алады деген жоспар болған. Осы уақытқа дейін жартысына екпе салынды. Қоғамдық денсаулық сақтау басқармасының басшысы Нариман Табынбаевтың айтуынша, қалған мұғалімдер 13-15 сәуірге дейін алып бітеді.

Оқи отырыңыз: Үш бірдей вакцина салдырдым – білім министрі

"Дәл қазір вакцина алмаған 5,5 мың педагог бар. Бүгінгі статистика жоқ. Бірақ сәуірдің басында болған есепке сәйкес, 153 педагог вакцинадан бас тартқан. Олардың ішінде медициналық себептерге және өз еркімен бас тартқан адамдар бар", - деп атап көрсетті Табынбаев.

183
Кілт сөздер:
Нұр-Сұлтан, Алматы, коронавирус
Тақырып:
COVID-ке қарсы вакцина (195)
Тақырып бойынша
Цой не себепті вакцина салдырмай жүргенін түсіндірді
Цой Қарағандыда өндірілген "Спутник V" вакцинасын отандық өнім деп атады
Ораза ұстап жүргенде ПТР-тест тапсыруға бола ма?  
Вакцина салу процесін видеоға түсіруге бола ма – министрлік жауап берді  
Алматыда жаппай вакциналау қайта басталады – денсаулық басқармасы мерзімін атады
телефон

Мамандар телефон арқылы ақша ұрлаудың әдістері туралы айтты

16
(Жаңартылды 13:20 10.05.2021)
Сарапшылардың айтуынша, смартфонды ұрлап кетсе, алаяқтар иесінің барлық қаржылық операциясына кіре алады. Сол себепті ұялы телефонды үнемі бұғаттап отыру қажет

НҰР-СҰЛТАН, 10 мамыр - Sputnik. Ресейлік мамандар картасыз төлем жасау жүйесі арқылы ақша ұрлаудың әдіс-тәсілдері туралы айтты. Алаяқтар оны жиі қолданып жатады.

"Синергия" университетінің "Банк ісі" кафедрасының аға оқытушысы Антон Рогачевскийдің айтуынша, барлық төлем телефон арқылы жасалса, ақшаны кәдімгідей терминалдың көмегімен кез келген жерде ұрлауға болады.

"Біз телефонды ылғи шалбардың калтасына салып жүреміз. Терминалды да сөмкеге салып, қажетті соманы енгізу арқылы ақшаны ұрлап кетуге болады. Ол үшін қарбалас сәтті пайдаланып, қоғамдық көлікте ме, басқа жерде ме, адамға жақын тұрып, телефонға сөмкені жақындатып өткізсе де жеткілікті", - деді Рогачевский "Прайм" агенттігіне берген сұхбатында.

Ал Еуропалық заң қызметінің заңгері Евгений Иванов NFC арқылы төлем жасаудың басты кателігін атады. Оның айтуынша, телефонмен ақша аударғанда операцияны саусақтың ізімен немесе пин-кодпен растау қажет. Бірақ смартфонды ұрлап кетсе, алаяқтар иесінің барлық қаржылық операцияларына кіре алады. Сол себепті ұялы телефонды үнемі бұғаттап отыру қажет. Ал картасыз төлем жасау жүйесіне мобильді аударымның шекті сомасын енгізіп қойған дұрыс.

Бұған дейін SafeNet аймақтық инжинирингтік орталығының директоры Денис Кувиков телефон алаяқтарының қалай қылмыс жасайтынын айтқан еді. Олар алдымен сан алуан интернет-дүкендерінің сайттарын бұзып, адамдардың жеке мәліметтерін алады. Сөйтіп әрбір адамның мекенжайын, аты-жөнін, қандай банкте тіркелгенін және тағы басқа ақпаратты алып, алаяқтық әрекеттер жасайды.

Оқи отырыңыз: "Мобильді аударым жасаңыз!": кәсіпкерлер халықты қалай алдайды

 

16
Екпені тасымалдау

Денсаулық министрлігі отандық вакцинаға қатысты тараған ақпаратты жоққа шығарды

769
(Жаңартылды 12:46 10.05.2021)
Ресми мәліметке сәйкес, стикерлеу жұмысы СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүргізілген

НҰР-СҰЛТАН, 10 мамыр – Sputnik. Әлеуметтік желіде қазақстандық студенттерді Қытайдан әкелінген вакцинаның жапсырмасын қазақстандық екпеге ауыстыруға мәжбүрлейтіні туралы ақпарат тарап кетті. Денсаулық сақтау министрлігі оны жоққа шығарды, деп хабарлайды Stopfake.kz сайты.  

WhatsApp мессенджерінде тараған аудиожазбада әйел медициналық оқу орнында оқитын студентті кездестіргенін айтады. Оның айтуынша, студенттерді сабақ уақытында жасырын түрде "СК-Фармацияның" қоймасына алып барады да, қытайлық вакцинаға қазақстандық екпенің стикерлерін жабыстыруға мәжбүрлейді. Сөйтіп шетелдік препаратты отандық өнім ретінде ұсынады. Қоймаға ұялы телефонмен кіргізбейді және орындалуы тиіс күнделікті жоспар бекітілген.

Денсаулық сақтау министрлігі қытайлық вакцинаны QazVac стикерлеріне ауыстыру туралы қауесетті жоққа шығарды.

Ресми мәліметке сәйкес, 30 сәуірде Қазақстанға "Hayat-Vax" вакцинасының 400 мың қаптамасы жеткізілді. Бұл – Біріккен Араб Әмірліктерінде шығарылған қытайлық екпе.

Вакцинаның нұсқаулығы мен белгілері араб және ағылшын тілінде жазылған. Ал "Халық денсаулығы және денсаулық сақтау жүйесі туралы" кодекстің 242-бабына сәйкес елімізде барлық дәрілік заттар қаптамасына қазақ және орыс тіліндегі нұсқаулық анық таңбамен жазылып, айналымға түсуі тиіс.

"Қажетті белгілерді қоюға және нұсқаулығы бар парақтарды буып-түюге ерікті студенттер көмектесті", – дейді министрлік мамандары.

Стикерлеу СК-Фармацияның Алматы, Нұр-Сұлтан, Ақтөбе мен Шымкент қаласындағы хабтарында жүзеге асырылды. Әр қоймада 20-40 штаттық қызметкер жұмыс істеді. Жұмысты тездету мақсатында еріктілердің көмегі ұсынылды. Соның ішінде Нұр-Сұлтан қаласында – 2 адам, Алматы қаласында – 5 адам, Ақтөбе қаласында – 10 адам.

Оқи отырыңыз: Қытайлық вакцина туралы не білеміз – маңызды 10 сұрақтың жауабы

Қоймаға кірердің алдында барлық келушіге тиісті ережелер түсіндірілді. Қауіпсіздік техникасы бойынша нұсқаулық та берілді. Ал стикерлер мен аннотацияларды дайындау, сондай-ақ стикерді қаптамаға жабыстыру волонтерлік қызмет негізінде жасалғандықтан қандай да бір келісімдер мен шарттарға қол қою көзделмеген.

769
Кілт сөздер:
екпе, вакцина
Тақырып:
COVID-ке қарсы вакцина (195)
Тақырып бойынша
Осы айда екі миллион адамға вакцина егеміз – Мамин
"Вакцина салдырмасаң, анықтама бермейміз": Түркістан облысында болған оқиға
Вакцина салдырғандардан қай кезде ПТР-анықтама талап етілмейді
Коронавирусқа қарсы әлемдегі ең үздік вакцина анықталды
Вакцина салдырмағандарға талап өзгерді – Қызылордада жаңа қаулы жарияланды