Сауд Арабиясы

Бірнеше елде Рамазан айының басталуы кейінге қалдырылды

214
(Жаңартылды 11:21 20.04.2021)
Сауд Арабиясындағылар жаңа айдың тууын көре алмады. Кешке елдің Жоғарғы Соты Рамазанның басталуына байланысты тағы бір рет жиналады

НҰР-СҰЛТАН, 12 сәуір – Sputnik. Рамазан айының басталуы Парсы шығанағы елдерінде жаңа айдың тууын бақылаудағы сәтсіздіктерге байланысты кейінге қалдырылды, деп хабарлады РИА Новости.

Сауд Арабиясының Жоғарғы Соты 11 сәуір қарсаңында бұл күні ешкімнің жаңа туған айды көре алмағанын, сондықтан Парсы шығанағы елдеріндегі қасиетті Рамазан айы дүйсенбіде басталмайтынын мәлімдеді. Бұл туралы Сауд Арабиясы жариялаған хабарламада айтылған. Хабарламаны SPA жаңалықтар агенттігі жариялады.

"Жаңа туған айдың пайда болуын көре алмауына байланысты сот Рамазан айының басталуы туралы шешім қабылдау үшін ертең кешке жиналады", - делінген хабарламада.

Сауд Арабиясының бұл мәселедегі ұстанымын көптеген басқа араб елдері ұстанады. Дегенмен олардың әрқайсысы өз астрономдары мен дін маманының сөзіне сүйенеді.

Катардың вакууфтар және ислам істері министрлігінің мәлімдемесінде "Шаабан айының 29-ында комитеттің жаңа айдың тууын бақылау, оның пайда болуына куә болу туралы үндеуіне ешкім жауап бермеді. Сондықтан комитеттің жұмысы дүйсенбіде жалғасады және ертең олар өз пікірін айтады" делінген.

Осылайша, 12 сәуірде ораза айы Мысыр, Ирак, Тунис, Ливан, Кувейт, Йемен, Оман, БАӘ-де басталмайды.

Оқи отырыңыз: Рамазан-2021: маңызды 10 сұрақтың жауабы

Егер бұл елдерде айдың тууы дүйсенбіде көрінбесе, Рамазан айы көптеген араб елдерінде сейсенбіде, 30 күннен тұратын Шаабан айы аяқталған кезде басталуы мүмкін. Дегенмен кей елде, оның ішінде Сауд Арабиясында Шаабан айының басталу күніне қатысты күмән бар. Бұл уақытта ауа райының шаңды болуына байланысты жаңа айды көре алмады, сондықтан Рамазан сәрсенбіде басталуы да мүмкін.

Сонымен қатар 2021 жылы Парсы шығанағы елдерінде өткен жылдағыдай коронавирусты жұқтыру қаупіне байланысты Рамазанда қатаң шектеулер сақталады. Кувейт пен Оманда коменданттық сағат енгізілді, ол кешке енгізіліп, таң атқанша жалғасады. Катарда дүкен мен дәріханадан басқа барлық мекеме жабылды. Саябақ, жағалау мен жағажайларда жүруге тыйым салынған.

Айта кетейік, Қазақстан мұсылмандары діни басқармасы бұған дейін қасиетті Рамазан айы кезіндегі ораза және намаз кестесін жарияланған болатын. 2021 жылы республикада Рамазан айы 13 сәуірде басталып, 12 мамырда аяқталады.

214
Кілт сөздер:
Ораза
Тақырып:
Рамазан - 2021 (27)
Тақырып бойынша
Рамазан-2021: жұма, тарауық пен ауызашар өткізу тәртібі жарияланды
Қазақстанның Бас мүфтиі халыққа үндеу жолдады
Ораза ұстап жүргенде ПТР-тест тапсыруға бола ма?  
Кімдер пітір садақаны мөлшерінен артық береді – мүфтият жауап берді
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

63
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

63
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

33
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

33
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

957
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

957
Кілт сөздер:
Қазгидромет, ауа райы