Қару

300 мың теңгеге дейін төленеді - министрлік акцияның басталу уақытын жариялады

1284
(Жаңартылды 14:42 12.04.2021)
Соңғы 13 жыл ішінде заңсыз қару-жарақ пен оқ-дәрілерді сатып алу акциясы он рет ұйымдастырылып, 1,7 миллиард теңгенің сыйақысы таратылды

НҰР-СҰЛТАН, 12 сәуір — Sputnik. Ішкі істер министрлігі заңсыз қару-жарақ, жарылғыш заттар мен оқ-дәрілерді сатып алу акциясының басталатынын мәлімдеді, деп хабарлайды Sputnik Қазақстан.

Әкімшілік полиция комитетінің бөлім бастығы Асылбек Ыдырысовтың айтуынша, соңғы 13 жылдың ішінде заңсыз қару-жарақ пен оқ-дәрілерді сатып алу акциясы он рет ұйымдастырылды. Соның нәтижесінде 53 мыңнан астам қару тапсырылды. Ал оқ-дәрілердің саны 2 миллионнан асты. Халыққа 1,7 миллиард теңгенің сыйақысы таратылды. Осының арқасында қару-жарақпен қылмыс жасау әрекеттері де азайып отыр. 

"Ал заңсыз сақталған қару-жарақ заттарын ерікті түрде тапсырған азаматтар қылмыстық және әкімшілік жауапкершіліктен босатылады. Биылғы акция 20 сәуірде басталады. Оны өткізу үшін республикалық бюджеттен 95 миллион теңгеден астам қаражат бөлініп отыр", - деді Ыдырысов ішкі істер министрлігінде өткен онлайн брифингте.

Министрліктің арнайы бұйрығына сәйкес, өтемақы заңсыз сақталған атыс қаруы, оқ-дәрілер мен жарылғыш заттарының техникалық жағдайына қарай төленеді. Әр бірлігіне 30 000-300 000 теңгенің сыйақысын алуға болады.

  • автоматты ойық қару – 291 700 теңгеге дейін (100 АЕК);
  • ойық ұңғылы мылтықтар мен карабиндер – 145 850 теңгеге дейін (50 АЕК);
  • тапаншалар мен револьверлер – 100 000 теңгеге дейін;
  • тегіс ұңғылы мылтықтар – 90 000 теңгеге дейін;

"Қару-жарақ пен оқ-дәріні ақшалай сыйақы үшін тапсыруға ниет білдірген адам кез келген полиция бөлімшесіне өтініш бере алады. Телефон арқылы хабар беруге де мүмкіндік бар. Қаруды бөлшектеуге немесе сындыруға, сол сияқты жарылғыш заттарды бөлшектеп тасымалдауға болмайды. Ол үшін арнайы оқытылған мамандар бар. Сондықтан қауіпсіздік шараларын барынша сақтаған жөн", - деп атап көрсетті бөлім бастығы. 

Оқи отырыңыз: Алматы тұрғыны бейтаныс жігітке оқ атты - күдікті ұсталды

Айта кетейік, төлемдер мөлшерін арнайы комиссиялар анықтайды. Мамандар қарудың техникалық жағдайына баға беріп, арнайы санатқа бөледі. Соның негізінде төлемақы беріледі.

1284
Кілт сөздер:
Ішкі істер министрлігі, қару-жарақ
Тақырып бойынша
Қару кезенген қарақшыға тап берді: павлодарлық бойжеткеннің әрекеті видеоға түсіп қалды
ҰҚК Алматыда бірлескен операция өткізді – видео
Байқоңырға қаруланған адамдар кірмек болды
ҰҚК бірнеше қалада арнайы операция жүргізді – видео 
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

68
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

68
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

35
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

35
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1026
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1026
Кілт сөздер:
Қазгидромет, ауа райы