Ауызашар

Алматыда Рамазан айында күн сайын 500 адамға ауызашар қоржыны жеткізіледі

203
Ауызашар дастарқаны әдетте мешіттер жанында өткізілетін еді, биыл үйге жеткізіледі, дейді қаланың бас имамы

АЛМАТЫ, 12 сәуір – Sputnik. Алматыда Рамазан айында орталық мешіт күн сайын 500 ауызашар қоржынын қала тұрғындарына жеткізуді жоспарлап отыр. Бұл туралы қаланың бас имамы Еркінбек Шоқай мәлімдеді, деп хабарлайды Sputnik Қазақстан тілшісі.

"Биыл Рамазан айы 13 сәуірде басталып, 12 мамырда аяқталады. Орталық Азия мүфтилерімен кеңесіп, ғылыми-зерттеу жұмыстарының нәтижесіне сүйеніп, осындай шешім қабылданды.  Алғашқы тарауих намазы 12 сәуірде оқылады. Биыл да қаламыздағы эпидемиолоиялық жағдайдың күшеюіне байланысты мешіттерде уақытша жамағатпен тарауық намазы оқылмайды", - деді қаланың бас имамы.

Сонымен қатар Рамазан айында айтылатын уағыз-насихат, жамағаттың сауалдарына жауап беру онлайн форматта өтеді.

Қаладағы қарилар онлайн форматта Құран хатым оқиды. Оған әлеуметтік желідегі Azan.kz парақшасы арқылы күнделікті сағат 14.00-де онлайн қатысуға болады.

"Бұл – қайырымдылық айы. Биыл да қалада қайырымдылық қоржындары мұқтаж жандардың үйіне жеткізіледі. Оны "Берекелі Рамазан тосынсыйы" деп отырмыз. Ауызашар дастарқаны әдетте мешіттер жанында өткізілетін еді. Биыл үйлеріне жеткізіп беруді ұйымдастырамыз. Орталық мешіттің өзінде бір күнде 500 адамға ауызашар қоржынын үйіне жеткізіп береміз деп жоспарлап отырмыз. Ауызашар беретін – мешіт жамағаты, қаладағы қайырымды азаматтар", - деді Шоқай.

Сонымен қатар "Рамазан керуені" атты қайырымдылық іс-шарасы ұйымдастырылады. Бұдан бөлек, намаз, құран оқып үйренгісі келетіндерге арнайы ойлайн форматта сабақтар өтеді. Ол әрбір мешіттің әлеуметтік желідегі парақшасы арқылы көрсетіледі.

Рамазан айында 8 (727) 329 0966, 8 700 719 7622 байланыс телефондары арқылы Алматы Орталық мешітінің пәтуа Call-орталығы тұрғындардың сұрақтарына жауап береді.

Пітір садақа

Қазақстан мұсылмандар діни басқармасы шариғат және пәтуа бөлімі баршаға ортақ пітір садақа мөлшерін 420 теңге деп бекітті.

Пітір садақасын мейізбен беруге ниетті адамдар үшін пітір садақа мөлшері 3 580 теңге, құрмамен есептесе 7 300 теңге деп бекітілген.

"Ораза ұстауға денсаулығы жарамайтын және үлкен жастағы қарт кісілер әрбір күні үшін фидия төлеп, оразасын өтесе болады. Фидия құны – 2 500 теңге. Пітір садақасын мешіттерге келіп беруге болады. Сондай-ақ kaspi қосымшасы арқылы да өзі қалаған мешіттің шотына жібере алады. Қала мешіттерінің жанына kaspi QR қойылды", - деді қаланың бас имамы.

ПЦР оразаны бұза ма?

Қазақстан мұсылмандары діни басқармасы ғұламалар кеңесінің мүшесі Бауыржан Әлиұлының айтуынша, ПЦР тест тапсыру барысында адамның ішіне ештеңе кірмейді, сондықтан адамның оразасы бұзылмайды.

"ПЦР тест оразаны бұзбайды. Оразаны ішке, асқазанға түскен нәрселер бұзады. Ораза кезінде ПЦР тест тапсыруға болады", - деді Әлиұлы.

Сондай-ақ, вакцина салдыру да оразаны бұзбайды.

"Вакцина тері арқылы салынатындықтан, асқазанға түспейтіндіктен және ол адамға қуат бермегендіктен оны салу оразаны бұзбайды", - деді ол.

203
Кілт сөздер:
ауызашар, Ораза, Рамазан-2021
Тақырып:
Рамазан - 2021 (27)
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

66
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

66
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

33
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

33
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

965
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

965
Кілт сөздер:
Қазгидромет, ауа райы