НҰР-СҰЛТАН, 13 сәуір - Sputnik. Сауда және интеграция министрі Бақыт Сұлтанов арнайы порталдың іске қосылғанын хабарлады. Ораза ұстағандар бұл жерден мемлекеттік уақыт пен жиілік эталонымен синхрондалған нақты уақытты біліп отырады.
"Барша мұсылмандарды қасиетті Рамазан айының басталуымен құттықтаймын! Мереке қарсаңында Қазстандарт арнайы ресурсты мемлекеттік уақыт пен жиілік эталонымен синхрондалған сағатты іске қосты - ramazan.ksm.kz. Қазақстаннның барлық өңірлерінің тұрғындары бұл ресурс арқылы күннің шығуы мен батуының нақты уақытын біле алады. Өйткені, ораза ұстайтындар үшін әр минут маңызды", - деп жазды министр.
Оқи отырыңыз: Рамазан-2021: маңызды 10 сұрақтың жауабы
Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.
