Қазақстан мұсылмандары діни басқармасының төрағасы, бас мүфти Наурызбай қажы Тағанұлы

Бас мүфти: Рамазан адамды тақуалыққа үйрететін ай

75
ҚМДБ төрағасы мұсылман жамағатын Рамазан айында әдепсіз әрекет пен қате-кемшіліктен арылуға шақырды

НҰР-СҰЛТАН, 13 сәуір – Sputnik. Қазақстан мұсылмандары діни басқармасының төрағасы, бас мүфти Наурызбай қажы Тағанұлы барша мұсылманды қасиетті Рамазан айының басталуымен құттықтады, деп хабарлайды мүфтияттың баспасөз қызметі.

"Жаратушы Жаббар Иеміз әрбір ізгі амалдың сауабы еселеніп жазылатын берекелі айда ұстаған оразамызды, жасаған дұғамызды, оқыған намазымызды, орынды себептермен ауыз бекіте алмай қалған жандардың берген садақаларын қабыл еткей!", - деді бас мүфти.

Ол Рамазан айында ауыз бекіткен мұсылман баласы өзін ішіп-жеуден ғана шектемей, жаны мен тәнін жамандықтан сақтап, ізгілікке ұмтылатынын, іс-әрекетін мұсылманға тән әдеп аясында орындауға тырысатынын атап өтті.

"Өйткені, Рамазан – кез келген ізгі амалды риясыз ниетпен жасауға тәрбиелейтін, адамды тақуалыққа үйрететін ай. Аштық пен шөлге төзіп, Алла разылығын алуды шынайы ниет еткен адамға берілетін сый мен құрмет ерекше болмақ", - деп жалғастырды Тағанұлы.

Бас мүфти Қазақстан мұсылмандары діни басқармасы "Ихсан ілімін" кеңінен насихаттап жүргенін тілге тиек етті. Айтуынша, Ихсан – пенденің иманын бекемдеп, құлшылыққа деген құлшынысын арттыратын, адамгершілікке тән игі қасиеттерді кемелдендіре түсетін, әр амалды көркем түрде орындауға үйрететін рухани ілім.

"Осы ретте рухани кемелдену айы – Рамазанда барынша әдепсіз әрекет пен қате-кемшіліктен арылып, тұла бойымызда көркем мінез құндылықтарын қалыптастыруға тырысқанымыз абзал. Алла Тағала жер бетінен жұқпалы індетті жойып, адамзатты қауіп-қатерден аман еткей", - деді ол.

Бұған дейін мемлекет басшысы Қасым-Жомарт Тоқаев Қазақстан халқын Рамазан айының басталуымен құттықтады. Президент Рамазан айы биыл да күрделі кезеңде өтетінін атап өтті. Ол мұсылман жамағатын қауіпсіздік талаптарын сақтауға, ҚМДБ-ның ұсынымдарын мүлтіксіз орындауға шақырды.

Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Биыл пітір садақаның мөлшері жан басына 420 теңгені құрады.

Мешіттерде бес уақыт намаз, жұма намазы, тарауық намазы мен ауызашар әрбір өңірдің эпидемиологиялық жағдайына қарай өткізіледі.

75
Кілт сөздер:
Бас мүфти, Қазақстан мұсылмандары діни басқармасы, Ораза кестесі-2021, Рамазан-2021
Тақырып:
Рамазан - 2021 (26)
Тақырып бойынша
Ораза кезінде вакцина салдыруға бола ма – дәрігерлер кеңес берді
Рамазан - 2021: Ораза кестесі
Мүфтият ораза кезінде вакцина салуға қатысты түсініктеме берді
Ораза ұстап жүргенде ПТР-тест тапсыруға бола ма?  
Қасиетті Рамазан айы басталды
Тоқаев қазақстандықтарды Рамазан айының басталуымен құттықтады
Иллюстративті фото

Ұсынысынан бас тартқан: бойжеткен жауабын естіген Тараз тұрғыны ессіз әрекетке барды

206
(Жаңартылды 12:44 13.05.2021)
27 жастағы ер адам бейнебақылау камерасының көмегімен ұсталды. Оның облыс орталығындағы шағын ауданда тұратыны анықталды

АЛМАТЫ, 13 мамыр – Sputnik. Тараз тұрғыны жаңа танысқан қызды тонап кетті. Оқиға ер адамның қыдырып қайту туралы ұсынысынан бойжетке бас тартқан соң болған, деп жазады Polisia.kz.

Тараз қаласының полициясына 27 жастағы тұрғын арызданды. Айтуынша, бейтаныс жігіт 116 мың теңге тұратын телефонын ұрлап кеткен. Сонымен қатар, телефон қабында 46 мың теңге болған.

Полиция ақпаратына сәйкес, бойжеткен жігітпен сол кеште танысқан. Қыдырып қайту туралы ұсынысты қабылдамағанына ашуланған ер адам күш қолдану арқылы оның телефонын тартып алып, қашып кеткен.

Жігіт бейнебақылау камерасының көмегімен ұсталды. 27 жастағы ер адамның облыс орталығындағы шағын ауданда тұратыны анықталды. Ол өзінің әрекетін мойындады және қолды болған заттарды иесіне қайтарды.

Оқи отырыңыз: Үйлену тойында түсініксіз әрекет жасаған күйеужігіт ұятқа қалды - видео

Осы дерек бойынша қылмыстық кодекстің 191-бабы бойынша (тонау) қылмыстық іс қозғалды. Сотқа дейінгі тергеу амалдары жүргізіліп жатыр.

206
Кілт сөздер:
Тараз, оқиға
Тақырып бойынша
Желідегілер қалыңдық тойға жалаңаш келді деп ойлап қалды – жұртты шулатқан фото
Назарбаев Ақышевқа: батыл әрекет ет, ешкімнен қорықпа
Тойға полицей болып кіріп келген асаба жауапқа тартылады – видео
"Алланы ашуландыратын әрекет жасамаңыздар": Құрбан айтта не істеуге болмайды - видео
Боксшы жекпе-жек алдында біртүрлі әрекет жасап, ұятқа қалды - видео
Архивтегі сурет

Қазақстан мен Қырғызстан арасында тауар айналымы неге түсіп кетті

18
Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткеніне сенімді

НҰР-СҰЛТАН, 13 мамыр – Sputnik. Былтыр Қазақстан мен Қырғызстан арасында тауар айналымы 2019 жылмен салыстырғанда 15,3%-ке төмендеген. Сауда және интеграция министрі мұның себебін түсіндірді, деп хабарлайды Sputnik Қазақстан тілшісі.

Сенаттың жалпы отырысында депутат Бауыржан Қаниев Қазақстан мен көрші қырғыз елі арасында тауар айналымы неге кемігенін сұрады.

"Министрліктен алған ақпаратқа сәйкес, Қазақстан мен Қырғызстан арасында былтыр тауар айналымы 2019 жылмен салыстырғанда 15,3%-ке төмендеген. Экспорт 9,9%-ке, импорт 26%-ке кеміген. Ал сауда балансы, керісінше, 20,6 миллион АҚШ долларына өскен. Бұл немен байланысты", - деді сенатор.

Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткенін айтты.

"Жалпы біздің экспортымыз да, импортымыз да төмендеді. Бірақ импорттың төмендеуі көбірек болды. Экспорт 62 миллион долларға, ал импорт 92 миллионға қысқарды. Сондықтан арадағы айырмашылық сауда балансының жақсаруына тікелей әсер етіп тұр", - деп түсіндірді министр.

Осы ретте ведомство басшысы нақты қандай тауарлардың экспорты мен импорты азайғанына тоқталды.

Оқи отырыңыз: Қазақстан мен Ресей арасындағы тауар айналымы пандемияға дейінгі деңгейге жетті - Мамин

Айтуынша, бидай экспорты 18 миллион долларға, темекі өнімдері 11,5 миллион долларға, металл конструкциялар 6 миллион долларға қысқарған.

Ал импорт бойынша – былғарыдан жасалған аяқ киімдер 15 миллионға долларға, сәндік косметика 12 миллион долларға азайған.

18
Кілт сөздер:
Қазақстан, Қырғызстан, сауда, тауар, экономика
Тақырып бойынша
Министрлік қаңтар айында ел қазынасы қанша теңгемен толыққанын айтты
Қазақстан экономикасы қалпына келіп жатыр – министр
Парламент ЕАЭО аумағында тауарлардың қауіпсіздігін қамтамасыз ететін заңды қабылдады
Азық-түлік бағасы тағы да қымбаттап жатыр
Досаев бензин неге қымбаттағанын түсіндірді