Жол белгісі, архивтегі сурет

Алматыда электронды жаңа жол белгісі пайда болды

46
Мұндай белгі қазірше, бір ғана көше қиылысына орналастырылды. Тестілеуден кейін басқа көшелерге қою жоспарланған

НҰР-СҰЛТАН, 13 сәуір – Sputnik. Алматы көшелеріне тәулік уақытына қарай бағдар көрсететін электронды жол белгісі орнатылды.

Қалалық мобильділік басқармасы ұсынған ақпаратқа сәйкес, бұл жол белгісі эксперимент түрінде "Талғар тракті – Хан тәңірі көшесі" бағдаршам нысанына орналастырылды. 

Таңғы сағат 06.00-ден 11.00-ге дейін табло "Тура қозғалыс" белгісін, ал 11.00-ден 06.00-ге дейін "Тура немесе солға қарай қозғалыс" белгісін көрсетеді.

Басқармадағылар белгінің еуростандартқа сәйкес келетінін айтып отыр. Сондай-ақ, кескіннің қанықтығының жоғары болуы жүргізушілердің шатасуына жол бермейді.

"Жол белгісінің қажетті кескіні тәулік уақытына қарай (бағдарлама бойынша) немесе көлік жүктемесіне сәйкес басқару пунктінен арнайы электронды блок арқылы көрсетіледі", – деп жазылған хабарламада.

Қазірше бұл жаңашылдық эксперимент жүзінде тек бір ғана көше қиылысына орналастырылды. Тестілеуден кейін мұндай белгі Алматының басқа көшелерінде де пайда болады. Бұл күрделі жол тораптарындағы жағдайды басқаруға мүмкіндік береді.

Оқи отырыңыз: Көлік тізгінінде 61 жыл – жамбылдық полиция жүргізуші әжей туралы видео түсірді

46
Кілт сөздер:
көлік қозғалысы, жол
Тақырып бойынша
"Жұмабектің бажасымын!": полициядан қорықпайтын шымкенттіктің видеосы тарады
Алматыда он сағатта 70-тен аса жол апаты болды
Ақтөбеде жүргізуші куәлігі жоқ ер адам полицияны әбігерге салды
Жүк көлігі самокат мінген жігітті басып кете жаздады – видео
Жүргізуші куәлігіне байланысты жаңашылдық қалай жүзеге асырылады 
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

83
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

83
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

41
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

41
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1133
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1133
Кілт сөздер:
Қазгидромет, ауа райы