Марат Омаров

"Тойды ұйымдастырған мен емес": Марат Омаров жалған ақпарат таратқандарды іздеп жатыр

575
Бұған дейін әлеуметтік желіде тараған видеоға желі қолданушылары Марат Омаровтың Зүлфия есімді қызын ұзатқанын жазған болатын

НҰР-СҰЛТАН, 13 сәуір – Sputnik. Әлеуметтік желіде әнші-композитор Марат Омаровтың тойда жүрген видеосы тарады. Шымкент қаласы санитарлық-эпидемиологиялық бақылау департаменті әншінің тойды ұйымдастырғанын мәлімдеді. Алайда әнші ол тойға бірер минутқа кіріп шыққанын айтып отыр, деп хабарлайды Sputnik Қазақстан.

Бұған дейін әлеуметтік желіде тараған видеоға желі қолданушылары Омаровтың Зүлфия есімді қызын ұзатқанын жазды. Видеода жас жұбайлар Марат Омаровпен бірге фотоға түседі. Қонақтардың арасында волейболшы Сәбина Алтынбекова, әнші Қайрат Түнтеков жүр.

Содан кейін Марат Омаров Sputnik Қазақстан тілшісіне видеоның монтаж екенін, тойдың ұйымдастырушысы өзі емес екенін айтты.

Алайда қаланың санитарлық-эпидемиологиялық бақылау департаменті қыз ұзату тойының ұйымдастырушысы Марат Омаров пен мейрамхана иесі екенін мәлімдеді.

"Әлеуметтік желіде видеосы жарияланған той Шымкент қаласының "Караван" мейрамханасында өткен. Мерекелік іс-шара өткізуге тыйым салынғанына қарамастан, әнші Марат Омаров пен мейрамхана иесі – жеке кәсіпкер той ұйымдастырған", - деп хабарлады басқарма.

Сонымен қатар әлеуметтік желіде тараған видео негізінде басқарма Шымкент қаласы Әл-Фараби ауданының әкімдігіне және полиция департаментіне құқық бұзушыларға қатысты әкімшілік іс қозғау үшін хат жолдаған.

Марат Омаровтың айтуынша, той Шымкентте 10 сәуірде күндіз өтті. Әнші анасының жылдық асынан кейін қызының өтінішін жерге қалдырмай, бата беру үшін барған.

"Тойды ұйымдастырған мен емес... Видеодағы қызым ғой. Мен бата бердім. Қазір өз отбасым бар. Қызымның анасымен ажырасып кеткенбіз. Оның да өз отбасы бар. Тойды ұйымдастырған Зүлфияның (Марат Омаровтың қызы – Sputnik) анасы, отбасы. Әкелік парызым деп, екі минутқа кіріп шықтым. Бата беру қанымызда бар. Ән де айтқан жоқпын, бата беріп, кіріп шықтым", - деді Марат Омаров Sputnik Қазақстан тілшісіне.

Оқи отырыңыз: "Бала-шағамды зейнетақымен асырап отырмын": Роза Рымбаева карантиндегі өмірі жайлы

Сонымен бірге әнші мамандардың жалған ақпарат таратқандарды іздеп жатқанын айтты.

Айта кетейік, ҚР еңбек сіңірген әртісі, әнші, композитор Марат Омаров үш рет үйленген. Зарина, Мәдина, Азамат Омаровтар алғашқы некеден дүниеге келген. Екінші некеден Зүлфия есімді қызы бар.

575
Кілт сөздер:
коронавирус, карантин
Тақырып бойынша
Шымкент басшылығы танымал әншілерді неге қызметке шақырып жатыр
Шу тудырған видео: Қайрат Нұртас айыппұл төлейді
"Хит ән шығармаймын": Өнер адамдары қалай күн көріп жүргендерін айтты
"Қорқыныш бар": әншілер мен спортшылар вакцина салдыруға қатысты пікір білдірді
пойыз жүргізушінің кабинасы

Желіде пойыз жүргізушісінің вакцинадан кейін құлап қалғаны туралы ақпарат тарады

36
(Жаңартылды 22:39 15.10.2021)
Компанияның әлеуметтік желідегі ресми парақшасында вакциналау нәтижесінде машинистің құлағаны туралы ақпарат жоқ

НҰР-СҰЛТАН, 15 қазан – Sputnik. Әлеуметтік желіде тәуекелі бар жұмыстарды орындайтын адамдарды екпе салдырмауға шақыратын хабарлама тарады.

Бұған мысал ретінде олар теміржол вокзалында жерге құлаған пойыз жүргізушісін келтіріп отыр. Видео авторының айтуынша, машинист COVID-19 қарсы вакцина алған.

Видеоның түпнұсқасы 9 қазанда BitChute видео хостингінде жарияланды. Портал зорлық-зомбылыққа, нәсілдік және діни негізде жеккөрушілікке шақырып, қастандық теорияларын таратуымен танымал. 

Видео авторының айтуынша, бұл оқиға Хьюстонда болған. MetroHouston қалалық көлік қызметінің ресми сайтында да бұл туралы жазылмаған, деп хабарлады stopfake.kz

"Видеоның шығуына қатысты және кадрларда не болып жатқандығы туралы сенімді ақпарат жоқ. Роликтің авторы белгісіз. Оның үстіне, видеода пойыз жүргізушісінің құлаған сәті көрінбейді. Ол сүрініп кетті немесе вакцинамен байланысты емес аурумен ауыруы мүмкін деп пайымдауға болады", - деп жазды сайт.

Компанияның әлеуметтік желідегі ресми парақшасында да вакциналау нәтижесінде машинистің құлағаны туралы ақпарат жоқ.

Компанияның ресми сайтында COVID-19 жұқтырған қызметкерлер туралы хабарламалар ұдайы жаңартылып отырады. Соңғы ақпарат 7 қазанда жарияланған. Онда федералды заңға сәйкес, көлік компаниясының барлық қызметкерлері жолаушылар сияқты, бетперде тағуға тиіс делінген. Мәтінде қызметкерлерді міндетті түрде вакцинациялау туралы айтылмаған.

Оқи отырыңыз: 

36
Кілт сөздер:
пойыз, вакцина, әлеуметтік желілер
Нұр-Сұлтан келбеті

+23°C жылы: Қазақстанда демалыс күндері ауа райы қандай болады

1704
Қазақстанның батысы мен оңтүстігінде демалыс күндері жел күшейіп, шаңды дауыл болады

АЛМАТЫ, 15 қазан – Sputnik. Қазгидромет мамандары 16-18 қазанға ауа райы болжамын жариялады.

Оған сәйкес, алдағы демалыста бүкіл республика бойынша құрғақ, жылы ауа райы қалыптасады. Тек елдің батыс бөлігінде жаңбыр жауады.

Қазақстанның батысы мен оңтүстігінде демалыс күндері жел күшейіп, шаңды дауыл болады.

Ауа температурасы күндіз республиканың батысында, солтүстік-батысында +12...+22°C жылы, республиканың солтүстігінде, шығысында және орталығында +13...+20°C жылы, елдің оңтүстігінде, оңтүстік-шығысында +13...+23°C жылы болады.

Мегаполистегі ауа райы

Алматыда 16-18 қазан аралығында күн ашық болады. Ауа температурасы түнде +5...+8°C, күндіз +14...+15°C көрсетеді.

Ал елордада күн ашық, ауа температурасы түнде -1°C, күндіз +10...+12°C болады. Тек 17 қазанда күн бұлтты болуы мүмкін.

Шымкентте үш күн қатарынан күн ашық болып, ауа температурасы түнде +5...+6°C, күндіз +20...+22°C көрсетеді.

Оқи отырыңыз:

 

1704
Кілт сөздер:
ауа райы, демалыс күндері
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр