Маска таққан әйел

Вакцинадан кейін коронавирус жұқтырғандар бар комитет жауабы

6016
(Жаңартылды 17:46 15.04.2021)
Вакцинаның екінші дозасын алғаннан кейін алты апта өтуі керек. Сол кезде коронавирусқа қарсы иммунитет қалыптасады

НҰР-СҰЛТАН, 15 сәуір — Sputnik. Қазақстанда 16 адам вакцина алғаннан кейін коронавирустық инфекцияны жұқтырды. Sputnik Қазақстанға сұхбат берген санитарлық-эпидемиологиялық комитеттің ресми өкілі Ержан Байтанаев осы ақпаратты растады.

"Бүгінде вакцина (бірінші және екінші дозасын) алғаннан кейін коронавирустық инфекцияны жұқтырудың 16 жағдайы тіркеліп отыр. Олардың ішінде соңғы дозасын алғаннан соң төрт аптадан кейін инфекция жұқтырған адам да бар. Бұл – екпеден кейінгі ең ұзақ уақыт", - деді Байтанаев.

Оның айтуынша,  COVID-19-ға қарсы вакцинаның екінші дозасын алғаннан кейін алты апта өткен соң иммунитет қалыптасады. Осы орайда комитеттің ресми өкілі екпенің өзі коронавирустық инфекцияға себеп бола алмайтынын де жеткізді.

"Біз қолданып жүрген вакцинаның құрамында тұтас әрі тірі вирус жоқ. Сондықтан екпенің өзі инфекцияны жұқтыруға себеп бола алмайды. Вакцинада коронавирустың бөлшегі ғана бар. Соның арқасында ауруға қарсы антиденелер бөлінеді. Ал иммунитет қалыптасқаннан кейін жаңағы антиденелер ағзаға түскен вирусты бірден таниды да, оны жойып отырады", - деп атап көрсетті Байтанаев.

Оқи отырыңыз: Қазақстанда балаларға коронавирусқа қарсы вакцина салынуы мүмкін бе

Ресми мәліметке сәйкес, бүгінде республика бойынша коронавирусқа қарсы вакцинаның екінші дозасын 107 970 адам салдырды. Ал бірінші компонентін алғандардың саны жарты миллионнан асты. Әзірше, ресейлік "Спутник V" вакцинасы егіліп жатыр. Сәуірдің соңында қазақстандық "QazVac" екпесінің алғашқы партиясы – 50 мың дана емханаларға таратылады.

6016
Кілт сөздер:
коронавирус
Тақырып:
COVID-ке қарсы вакцина (222)
Тақырып бойынша
Министрлік елге жеткізілетін 500 мың доза қай өндірушіге тиесілі екенін айтудан бас тартты
Қазақстандық вакцина халыққа қашан егілетіні белгілі болды
QazVac пен "Спутникті" бір айда салдырса не болады
Коронавирус созылмалы ауруға айналуы мүмкін – академик
Қылмыскер, көрнекі фото

Топпен зорлаған: Шымкентте 7 жыл бойы жасырынып келген күдікті ұсталды видео

5
(Жаңартылды 18:45 21.06.2021)
Бұған дейін полиция оның үш серіктесін тұтқындап, қылмыстық жауапкершілікке тартқан

АЛМАТЫ, 21 маусым – Sputnik. Жеті жыл бұрын топпен бірге зорлық жасап, сот төрелігінен жасырынып жүрген күдікті Шымкентте ұсталды, деп хабарлады ішкі істер министрлігінің баспасөз қызметі.

Бұған дейін полиция оның үш серіктесін тұтқындап, қылмыстық жауапкершілікке тартқан. Олар 2014 жылдың наурызында Шымкент қаласының Игілік ауылында Москвич 412 автокөлігінің салонында 23 жастағы қызды зорлаған.

Полиция күдіктінің тұрған жерін анықтап, оны ұстау үшін көршілері мен туыстарынан, жақын достары мен таныстарынан, бұрынғы серіктестерінен жауап алды.

Оқи отырыңыз: Павлодарда күдікті өзін полицей зорлағанын мәлімдеді - департамент түсініктеме берді

Оған мемлекетаралық, содан кейін халықаралық іздеу жарияланды. Ол бой тасалауы мүмкін Қырғызстан, Өзбекстан, Тәжікстан және Ресей Федерациясының ішкі істер министрліктеріне бағдарлар жолданған.

"Қылмыс жасалғанға дейін күдікті Ресей аумағына бірнеше рет барған. Соған байланысты қазақстандық детективтер көрші елге іссапарға барды. 7 жыл іздеуден кейін жедел полиция қызметкерлері қашқынның орналасқан жерін анықтап, оны Шымкент қаласында "Эврика" сауда орталығының жанында тұтқындады", - деп хабарлады министрлік.

Күдікті бой тасалап жүргенде туыстары және достарымен араласуын тоқтатқан. Әртүрлі қалаларда жалдамалы пәтерлерде тұрып, пәтер мен үйлерді жөндеумен айналысқан.

Әшкере болып қалмас үшін үнемі баскиім, қара көзілдірік тағып, мұрт пен сақал өсірген.

Адамдар көп жиналатын жерлерге, қоғамдық орындарға бармаған. Қазір күдікті Шымкент қаласы полиция департаментінің уақытша ұстау изоляторына қамалды.

5
Кілт сөздер:
Шымкент, зорлау
халыққа қызмет көрсету орталығы

eGov.kz порталында цифрлық құжаттар пайда болды

20
Жеке куәлік, жүргізуші куәлігі, туу туралы куәлік, COVID-19 бойынша ПТР-тест нәтижесі - енді бұл құжаттардың цифрлық нұсқасы eGov.kz порталында қолжетімді

НҰР-СҰЛТАН, 21 маусым – Sputnik. Электронды үкімет порталында цифрлық құжаттарды алуға мүмкіндік бар. Бұл туралы eGov.kz порталының операторы - "Ұлттық ақпараттық технологиялар" АҚ-сы мәлімдеді, деп хабарлайды Sputnik Қазақстан тілшісі.

"Азаматтардың көптеген сұранысы бойынша біз цифрлық құжаттарды eGov.kz порталына шығардық", - делінген ресми хабарламада.

Цифрлық құжаттарды көру үшін алдымен порталда авторизациядан өту керек. Одан кейін "Жеке кабинетке" кіріп, жоғарғы жақта тұрған "Цифрлық құжаттар" бөлімін басу қажет. Сол кезде құжаттардың тізімі шығады. Олар:

  • Жеке куәлік;
  • Жүргізуші куәлігі;
  • Туу туралы куәлік;
  • Неке туралы куәлік;
  • Аты-жөні мен текті ауыстыру туралы куәлік;
  • Некені бұзу туралы куәлік;
  • Техникалық төлқұжат;
  • COVID-19 бойынша ПТР-тесттің нәтижесі;
  • Студенттік билет;
  • Диплом;
  • Зейнеткердің куәлігі;
  • Қандастың куәлігі;
  • Көлік құралын тіркеу туралы куәлік;
  • Әлеуметтік ID;
  • Вакцинация төлқұжаты.
20