Алла Пугачева мен Скриптонит Максима Галкиннің бағдарламасында

"Қазақтарды өте жақсы көремін": Алла Пугачева қазақстандық рэпердің өнеріне тәнті болды

760
Алла Пугачева рэпер Скриптониттің талантына баға беріп, оның әндерінен адалдық сезілетінін айтты

НҰР-СҰЛТАН, 16 сәуір – Sputnik. Ресейлік танымал әнші Алла Пугачева "Музыкалити" YouTube-бағдарламасында қазақстандық рэпер Скриптониттің шығармашылығына баға берді.

Бағдарламаны Максим Галкин жүргізеді. Әнші бұл бағдарламаға бұрын да қонақ болған. "Музыкалити" бағдарламасын атақты әртістер мен жас буынның музыкалық талғамының қақтығысы деп атауға болады. Бұл жолы Алла Пугачева Zivert-пен бірге жаңа тректерді бағалады.

Эфир барысында Скриптониттің "Чистый" әні де қойылды. Пугачева рэпердің шығармашылымен жақсы таныс екенін айтты. Сондай-ақ оны "сүйікті ақыным" деп атады.

"Өз ойын дұрыс жеткізетіні таңғалдырады. Мұндайды адалдық пен тазалыққа жақын, өтірікті жек көретін адамдар ғана жаза алады. Неге ақын деп атап отырмын? Оның нағыз болмысы сол. Оған бәрі ұнамайды, алайда бастысы  уайым-қайғыға салынбаса болды", - деді Алла Пугачева.

Әннің бірнеше жолын тыңдағаннан кейін Пугачева рэпердің қазір және дәл осы жерде шыңдықты жеткізе білу қабілетін ұнататынын айтты.

"Ол өзі туралы, сезімі, пайымы туралы ән салады. Кімді көріп тұрғанын, кімді жек көретінін, кімді жақсы көретінін айтады. Бойында тұлға бар. Оның дәл бүгінгі күн туралы айтатыны ұнайды, ол көргенін айтады. Ол – ақын, нағыз ақын", - деді Пугачева.

Әнге баға беру кезінде Скриптониттің "Чистый" әніне Zivert 9 деген баға берді, ал Алла Пугачева оның қазақ екенін айтып, 10 деген балл қойды.

"10 қоямын. Ол – қазақ. Қазақтарды өте жақсы көремін", - деді Пугачева. Ал Zivert қазақстандықтардың талантты екенін айтты.

Оқи отырыңыз: "Олардың арасында президент болды": Imanbek Иван Ургантқа сұхбат берді - видео

Эфир соңында әншіні тосынсый күтіп тұрды. Рэпер гүлмен келіп Алла Пугачеваны 72 жасқа толуымен құттықтады.

Скриптонит – Қазақстаннан шыққан Әділ Жәлеловтің сахнадағы аты. Ол "Жыл жаңалығы" номинациясы бойынша "Жыл адамы GQ 2016" сыйлығының иегері. "Форматтан тыс" номинациясы бойынша "Реальная премия Musicbox 2016" сыйлығының иегері атанды.

2020 жылы Ресейдегі Apple Music музыкалық сервисінде әні көп тыңдалған әнші болды.

760
Кілт сөздер:
Скриптонит, өнер
Тақырып бойынша
Тойларға шықпайды: Ержан Максимнің әкесі ұлының шоудан кейін не істейтінін айтты
Танымал продюсер: Скриптониттің жасап жүргенін өнер деп айтуға болмайды
"Олардың арасында президент болды": Imanbek Иван Ургантқа сұхбат берді - видео
Тоқаев Роза Рымбаеваға құрметті атақ берді
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

168
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

168
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды

2126
(Жаңартылды 14:11 14.05.2021)
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

2126
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс
Жолдағы көлік қозғалысы

Туысының көлігін ұрлап мінген: Шымкентте жасөспірім сұмдық жол апатын жасады видео

0
(Жаңартылды 14:19 14.05.2021)
Жүйткіген көліктің соққысынан ауыр жарақат алған 21 жастағы бойжеткен аурухана реанимациясына жатқызылды

НҰР-СҰЛТАН, 14 мамыр – Sputnik. Кәмелет жасқа толмаған жасөспірім Шымкентте көлікті ұрлап мініп, бойжеткенді қағып кетті, деп хабарлайды жергілікті "Отырар" телеарнасы.

Жантүршігерлік жол апаты бейнебақылау камерасына түсіп қалған. 

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

"Бойжеткен жолдың арғы бетіне өтіп жатқанда жоғары жылдамдықпен келген жеңіл көлік оны қағып кетті", – делінген ақпаратта.

Кейбір деректер бойынша, зардап шеккен қыз автобуста бейресми кондуктор болып жұмыс істеген және сол күні құрбысының жұмысына уақытша шыққан көрінеді.

Ал жаяу жүргіншіні қаққан көлік тізгінінде кәмелетке толмаған жас жігіт болып шықты. Ол туысының көлігін ұрлап мініп, қала көшесінде жүйткіген.

Қатты соққы нәтижесінде 21 жастағы қыз ауыр жағдайда реанимацияға жеткізілді. Дәрігерлер мидың 1-2 дәрежелі контузиясын, сондай-ақ кеуде қуысының жарақаттарын және жамбас сүйектерінің сынғанын анықтады.

"2000 жылы туған науқас үшінші дәрежелі травматикалық шокпен ауруханаға жеткізілді. Ауыр жағдайдағы оған шокқа қарсы және симптоматикалық терапия жүргізілді. Қазіргі кезде жағдайы ептеп түзеле бастады", – деп хабарлады қалалық денсаулық сақтау басқармасының баспасөз қызметі.

Оқи отырыңыз: Рөлде шенеуніктің ұлы болған: Нұр-Сұлтанда жетім баланы көлік қағып кетті

0
Кілт сөздер:
Шымкент, жол апаты
Тақырып бойынша
Мектептен келе жатқан: Ақмола облысында баланы пойыз қағып кетті
Алматы облысында жантүршігерлік жол апаты екі адамның өмірін қиды – фото
Алматыда автобус бойжеткенді қағып кетті
Ақтөбе облысында жантүршігерлік жол апаты болды: екі адам көз жұмды
Денесі әр жерде шашылып жатыр: Таразда жантүршігерлік жол апаты болды