ASHYQ мобильді қосымшасы

Қазақстандықтарды түстерге бөлетін Ashyq қосымшасы қалай жұмыс істейді

186
(Жаңартылды 19:43 18.04.2021)
Қазақстандықтар коронавирус жұқтырып-жұқтырмағанына байланысты қызыл, сары, көк және жасыл түстерге "бөлініп", кейбір мекемелерге QR-код арқылы кіргізіледі

НҰР-СҰЛТАН, 18 сәуір – Sputnik. Ashyq мобильді қосымшасы пилоттық режимде 17 қаңтарда іске қосылды. Алдымен оған үш қала – Алматы, Нұр-Сұлтан және Қарағанды қатысты. Ал бүгінде Ақтөбе, Тараз, Талдықорған, Ақмола облысының кәсіпкерлері тартылды. Түркістан, Павлодар, Өскемен кәсіпкерлері де жобаны сынақтан өткізіп жатыр. Жоба карантинге байланысты қызметі шектелген бизнес субъектілеріне жұмысын қайта бастауға мүмкіндік береді.

Ashyq деген не

Ashyq – кәсіпкерлерге карантин кезінде жұмыс істеуге мүмкіндік беретін қосымша. Мобильді қосымша қоғамдық орындарға баратын адамдарды тіркеп, кәсіп иесіне коронавируспен ауырған адамдар туралы ақпарат береді. Қандай да бір мекемеге кірмес бұрын пайдаланушы арнайы QR-кодты сканерлейді де, оны кіреберісте тұрған әкімшіге көрсетеді. Код әлгі адамның статусын анықтайды. Азаматтардың статусы денсаулық сақтау министрлігіндегі мәліметтер базасымен салыстырғаннан кейін белгілі болады.

QR-код кімдерге беріледі

QR-код тек бизнес субъектілеріне беріледі. Кәсіпкерлер жобаға қатысу үшін InfoKazakhstan.kz платформасы арқылы өзінің QR-кодын алады.

Бір нысанға кіруді және шығуды тіркеу үшін кем дегенде екі QR-код беріледі. Егер ғимараттың бірнеше есігі болса, әрбіріне жеке QR-код қарастырылады.

Келушілер не істеуі керек

  • Ashyq мобильді қосымшасын телефонға жүктеу;
  • телефон нөмірі арқылы авторизация жасау;
  • ЖСН енгізу;
  • өзінің келгенін тіркеу үшін мекеменің QR-кодын сканерлеу.

Сондай-ақ ғимараттан шығар кезде де QR-кодты сканерлеу қажет.

"Ashyq" мобильді қосымшасын App Store және Play Market-тен жүктеуге болады.

Смартфон болмаған жағдайда

Егер келген адамның өзімен бірге телефоны болмаса немесе қосымшаны жүктеу кезінде қиындықтар туындаса, мекеме қызметкері ЖСН арқылы ақпараттық базадан оның статусын тексереді.

Кімдер ғимаратқа кіргізілмейді

Мекеменің QR-кодын сканерлегеннен кейін келген адамның статусы түрлі-түсті форматта көрсетіледі.

"Қызыл" статус – адам вирус жұқтырды деген сөз. Яғни оның тапсырған ПТР-тесті оң нәтиже көрсеткен. Мұндай статустағы адамдар үйден шықпауы тиіс.

"Сары" статус – келушінің ауру жұқтырғандармен байланыста болғанын білдіреді. Оларға үй маңындағы азық-түлік дүкендеріне немесе дәріханаларға баруға рұқсат етілген.

Тағы оқыңыз: Екпе салдырған қазақстандықтар жұмыстан босатыла ма

"Көк" түс шықса, ПТР-тест міндетті саналатын орындарды қоспағанда, жүріп-тұруға ешқандай шектеу жоқ деген сөз.

"Жасыл" түс ПТР-тест тапсырып, нәтижесі теріс шыққан адамдар үшін жанады.

"Қызыл" немесе "сары" статус шыққан клиенттер мекемеге кіргізілмейді.

Тұрғындар өз статусын қалай біле алады

Ashyq жобасының әр қатысушысына QR-код беріледі. Тұрғындар оны скриндеп немесе суретке түсіріп, смартфонына сақтай алады. Кейін QR-коды бар суретті басқа телефонға жіберіп, өз смартфонымен сканерлеп, статусын біле алады.

Ashyq жобасы

Ashyq жобасы Қазақстанның бірнеше қаласында пилоттық режимде жұмыс істеп тұр. 26 сәуірден кейін оған барлық өңірдің кәсіпкерлері қосыла алады.

Қазір Ashyq мына нысандарда қолданылады:

  • фитнес-клубтар, йога-орталықтары;
  • СПА-орталықтар;
  • сауналар, бассейндер;
  • компьютерлік клубтар, PlayStation клубтарын қоса алғанда (16 жасқа толмағандарға шектеу бар);
  • боулинг клубтары;
  • кинотеатрлар;
  • театрлар мен филармониялар;
  • банкет залдары, асхана, фастфуд, стрит-фуд сияқты орындарды есепке алмағанда қоғамдық тамақтану нысандары.

21 сәуірден бастап жобаға мыналар қатыса алады:

  • облысаралық және қалалық тұрақты емес (туристік) тасымалдар;
  • бильярд клубтары;
  • концерт залдары.

5 мамырдан бастап қатысатындар:

  • караоке;
  • "жасыл" аймақтағы банкет залдары (бір залда 50 адамнан көп болмауы керек және бір келушіге кемінде төрт шаршы метр аумақ қарастырылуға тиіс).
186
Кілт сөздер:
бизнес, карантин, мобильдік қосымша, коронавирус
Тақырып:
Төтенше жағдай және карантин (819)
Тақырып бойынша
Жандарбек Бекшин Ashyq мобильді қосымшасы қалай жұмыс істейтінін түсіндірді
Ashyq қосымшасында адам денсаулығына қатысты деректер 14 күн сайын өзгереді
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

78
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

78
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

38
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

38
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1082
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1082
Кілт сөздер:
Қазгидромет, ауа райы