Армения нөмірі тағылған көлік

Армениядан әкелінген көліктерге екі салық салына ма қаржы министрлігінің жауабы

113
Қазақстанға жеткізілгенімен әлі де Арменияның уәкілетті органдарында тіркеу есебінен шығарылмаған көліктерге екі мемлекет те салық салуға үміткер бола алады

АЛМАТЫ, 19 сәуір – Sputnik. Армениядан әкелінген көліктерге екі рет салық салынбайды. Бұл туралы қаржы министрлігінің баспасөз қызметі хабарлады.

"2020 жылдың 1 ақпанына дейін Армениядан көлік әкелген және Қазақстан Республикасында есепке қойған қазақстандықтар өз еліміздің заңнамасына сәйкес көлік салығын төлейді", – делінген министрлік таратқан ақпаратта.

Министрліктің хабарлауынша, Қазақстан және Армения қаржы министрліктері қосарланған салық салуды болдырмау мақсатында көлікке салық салу бойынша өзара уағдаласқан. Ол 2006 жылдың 6 қарашадағы Табыс пен мүлiкке салынатын салыққа қатысты қосарланған салық салуды болдырмау және салық салудан жалтаруға жол бермеу туралы конвенцияда айтылған.

Қазақстан Республикасының аумағына әкелінген көліктер қазірге дейін Армения Республикасының уәкілетті органдарында тіркеу есебінен шығарылмағандықтан, екі мемлекет те көлікке салық салуға үміткер бола алады.

Алайда конвенцияның 21-бабы, 4-тармағының ережесіне сәйкес Армения Республикасынан 2020 жылдың 1 ақпанына дейін әкелінген, меншік құқығы бойынша Қазақстан Республикасының резиденттеріне тиесілі автокөліктерге Қазақстанда ғана салық салынады. Ереже көлік Қазақстан Республикасының ішкі істер органдарында тіркеу есебіне қойылған сәттен бастап күшіне енеді.

"Осы үшін екі мемлекеттің салық органдары Қазақстан Республикасында көліктің тіркелген күнін көрсете отырып, тіркелген көлік бойынша мәліметтер алмасады. Мұндай көлікке қатысты қосарланған салық салу мәселесі туындамайды", – деді қаржы министрлігі.

Оқи отырыңыз: Зейнетақы жинағын пайдалану: БЖЗҚ салық төлеу тәртібін түсіндірді

Қазақстан Республикасы салық кодексінің нормаларына сәйкес көлік салығын төлеу көлікті Қазақстан Республикасының мемлекеттік органдарында есепке қойған кезден бастап міндеттеледі.

113
Кілт сөздер:
көлік, көлік салығы
Тақырып бойынша
Қазақстандықтар онлайн аударымдар үшін салық төлей ме – министрлік түсініктемесі
Алматы қаласында Армениядан әкелінген көліктерді қалай тіркеуге болады
Кәсіпкерлерге мобильді қосымша арқылы аударылатын ақшаға салық салынады – Смайылов
Мемлекеттік кірістер комитеті өткен жылдың көлік салығы неге есептелгенін түсіндірді
Армениядан әкелінген көліктерді тіркеу мерзімі ұзартылды
пойыз жүргізушінің кабинасы

Желіде пойыз жүргізушісінің вакцинадан кейін құлап қалғаны туралы ақпарат тарады

34
(Жаңартылды 22:39 15.10.2021)
Компанияның әлеуметтік желідегі ресми парақшасында вакциналау нәтижесінде машинистің құлағаны туралы ақпарат жоқ

НҰР-СҰЛТАН, 15 қазан – Sputnik. Әлеуметтік желіде тәуекелі бар жұмыстарды орындайтын адамдарды екпе салдырмауға шақыратын хабарлама тарады.

Бұған мысал ретінде олар теміржол вокзалында жерге құлаған пойыз жүргізушісін келтіріп отыр. Видео авторының айтуынша, машинист COVID-19 қарсы вакцина алған.

Видеоның түпнұсқасы 9 қазанда BitChute видео хостингінде жарияланды. Портал зорлық-зомбылыққа, нәсілдік және діни негізде жеккөрушілікке шақырып, қастандық теорияларын таратуымен танымал. 

Видео авторының айтуынша, бұл оқиға Хьюстонда болған. MetroHouston қалалық көлік қызметінің ресми сайтында да бұл туралы жазылмаған, деп хабарлады stopfake.kz

"Видеоның шығуына қатысты және кадрларда не болып жатқандығы туралы сенімді ақпарат жоқ. Роликтің авторы белгісіз. Оның үстіне, видеода пойыз жүргізушісінің құлаған сәті көрінбейді. Ол сүрініп кетті немесе вакцинамен байланысты емес аурумен ауыруы мүмкін деп пайымдауға болады", - деп жазды сайт.

Компанияның әлеуметтік желідегі ресми парақшасында да вакциналау нәтижесінде машинистің құлағаны туралы ақпарат жоқ.

Компанияның ресми сайтында COVID-19 жұқтырған қызметкерлер туралы хабарламалар ұдайы жаңартылып отырады. Соңғы ақпарат 7 қазанда жарияланған. Онда федералды заңға сәйкес, көлік компаниясының барлық қызметкерлері жолаушылар сияқты, бетперде тағуға тиіс делінген. Мәтінде қызметкерлерді міндетті түрде вакцинациялау туралы айтылмаған.

Оқи отырыңыз: 

34
Кілт сөздер:
пойыз, вакцина, әлеуметтік желілер
Нұр-Сұлтан келбеті

+23°C жылы: Қазақстанда демалыс күндері ауа райы қандай болады

1598
Қазақстанның батысы мен оңтүстігінде демалыс күндері жел күшейіп, шаңды дауыл болады

АЛМАТЫ, 15 қазан – Sputnik. Қазгидромет мамандары 16-18 қазанға ауа райы болжамын жариялады.

Оған сәйкес, алдағы демалыста бүкіл республика бойынша құрғақ, жылы ауа райы қалыптасады. Тек елдің батыс бөлігінде жаңбыр жауады.

Қазақстанның батысы мен оңтүстігінде демалыс күндері жел күшейіп, шаңды дауыл болады.

Ауа температурасы күндіз республиканың батысында, солтүстік-батысында +12...+22°C жылы, республиканың солтүстігінде, шығысында және орталығында +13...+20°C жылы, елдің оңтүстігінде, оңтүстік-шығысында +13...+23°C жылы болады.

Мегаполистегі ауа райы

Алматыда 16-18 қазан аралығында күн ашық болады. Ауа температурасы түнде +5...+8°C, күндіз +14...+15°C көрсетеді.

Ал елордада күн ашық, ауа температурасы түнде -1°C, күндіз +10...+12°C болады. Тек 17 қазанда күн бұлтты болуы мүмкін.

Шымкентте үш күн қатарынан күн ашық болып, ауа температурасы түнде +5...+6°C, күндіз +20...+22°C көрсетеді.

Оқи отырыңыз:

 

1598
Кілт сөздер:
ауа райы, демалыс күндері
жер

Жері заңсыз сатылып кеткен университет маңындағы тұрғындар үйсіз қалудан қорқады

0
(Жаңартылды 23:29 15.10.2021)
Халық университет мен әкімдік арасындағы соттың шешімі дұрыс болмай, үйсіз қаламыз деп үрейленіп отыр

НҰР-СҰЛТАН, 15 қазан – Sputnik. Қазақ ұлттық қыздар  педагогикалық университетіне тиесілі жерді заңсыз саудалағандар ұсталды, деп хабарлады "Астана" телеарнасы. 

Алматы облыстық сыбайлас жемқорлыққа қарсы қызмет агенттігі күдіктілердің 9 гектар жер телімін сатқандарын мәлімдеді.

Ал талан-таражға кеткен учаскілерді кезінде сатып алып, үй салған халық қайда барарын білмейді. Жер телімдері тұрғындарға 3 жыл бұрын сатыла бастаған. Учаскілерді олар заңды құжатпен алғандарын айтады.

Халық ҚызПУ мен әкімдік арасындағы соттың шешімі дұрыс болмай, үйімізді тартып ала ма деп үрейленеді.

"Өзім 2019 да алдым жерді. Наурызда келіп фундамент құйдым. 80 процент халық тұрады осы жерде. Газ, су жүргізілді, өзіміздің ақшамызға жолды жөндеттік. Әр үй 40 мың теңгеден шығардық", - дейді Кемертоған ауылының тұрғыны Алмас Нұртазин.  

Ал облыстық сыбайлас жемқорлыққа қарсы қызмет агенттігі жерді заңсыз сатқандарды анықтады. Күдікті ретінде білім ордасының бұрынғы қызметкері, "Азаматтарға арналған үкімет" облыстық филиалының Қарасай аудандық тіркеу және жер кадастры бөлімі, Қарасай ауданы әкімдігінің жер қатынастары бөлімі басшылары ұсталған.

"Біз де жәбірленуші тараптанбыз. Университеттің балансындағы меншік жоғалып отыр", - дейді университеттің ресми өкілі Жандарбек Асан.

Облыстық сыбайлас жемқорлыққа қарсы қызметі агенттігі күдіктілерге қатысты тиісті тергеу шаралары жүріп жатқанын айтты.

Білім ордасының басшылары тергеу амалдарының әділ жүргізілетіне үмітті. Ал халық маңдай терімен алған жер телімінің бір қарысын да қайтармауға бекінген. Олар енді қол жинап президент атына хат жазбақшы.

Оқи отырыңыз: 

0
Кілт сөздер:
жер, заң бұзу, видео
Тақырып бойынша
Қазақстанда тағы бір университет бас лицензиясынан айырылды
Қазақстанда 3,5 мыңға жуық студент оқыған университет жабылды
Вакцина салдырған студенттерге сыйлық беретін университет көбейді
Тағы бір университет жабылудың аз-ақ алдында тұр