Портфель

Атышулы жол апатына қатысты жұмыстан кеткен экс-әкім жаңа қызметке тағайындалды

279
Үш жыл бұрын Өскеменнің бұрынғы әкімі Қуат Тұмабаев бір адам көз жұмған жол апаты бойынша істе куәгер ретінде жауап берген болатын

НҰР-СҰЛТАН, 22 сәуір — Sputnik. Үш жыл бұрын жол апатына қатысты басы дауға қалған Өскеменнің экс-әкімі Қуат Тұмабаев Қазақстанның сауда және интеграция министрлігінде жаңа қызметке тағайындалды.

Министрліктің ресми сайтындағы ақпаратқа сәйкес, Тұмабаев ведомствода экспортты алға жылжыту департаментінің директоры ретінде еңбек етуде.

Естеріңізге салсақ, Тұмабаев 2017-2018 жылдары аралығында Өскемен қаласы әкімінің қызметін атқарды. 2018 жылдың сәуірінде Шығыс Қазақстан облысындағы Риддерде қайғылы жол апаты болды. Көлік жүретін жол бойымен кетіп бара жатқан жас жігітті қағып өлтірген көлікті Риддер қаласы әкімінің орынбасары Бауыржан Құрманғалиев жүргізгені белгілі болды. Ал оның қасында Қуат Тұмабаев отырғаны анықталды.

Оқи отырыңыз: Риддердегі атышулы жол апаты: әкімнің орынбасарына үкім шықты

Жол апатынан кейін Тұмабаев көлікке отырып, оқиға орнынан кетіп қалған. Алайда оны көп ұзамай полиция қызметкерлері ұстады.

Тұмабаев сотта бұл әрекетіне қатысты түсініктеме берді. Экс-әкімнің айтуынша, ол жол апаты орнынан өтіп бара жатқан патрульдік полиция машинасын жедел жәрдем көлігі екен деп қалып, оны қуып жетпек болған.

Осы оқиғадан кейін Шығыс Қазақстан облысының әкімі Даниал Ахметов Тұмабаевқа қызметтен өз еркімен кетуді ұсынды. Ахметов мұндай жағдайдан кейін Тұмабаев "жоғары басшылық қызметте қала алмайтынын, оған моральдық құқығы жоқтығын" мәлімдеді. 

279
Кілт сөздер:
жол апаты, оқиға
Тақырып бойынша
Талдықорғанға жаңа әкім тағайындалды
Нұр-Сұлтан әкімі елордалықтарға үндеу жасады
Өскемен әкімі неге айыппұлдың жартысын төлегені белгілі болды
Қызылордаға жаңа әкім тағайындалды
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

59
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

59
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды - мемлекеттік корпорация

913
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

913
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс