Кісен, архивтегі сурет

Қазақстан шет елдерден 2 341 адамды іздестіріп жатыр

39
Бүгінде Қазақстан 20 мемлекетпен ұстап беру туралы шарт жасады. Ал болашақта Малайзия, Доминикан, Перу, Аргентинамен осындай шарттарға қол қойылмақ

НҰР-СҰЛТАН, 22 сәуір – Sputnik. Қазақстанның құқық қорғау органдары әртүрлі қылмыс жасаған 2 341 адамды іздестіріп жатыр. Бұл туралы сенаттың жалпы отырысында айтылды, деп хабарлайды Sputnik Қазақстан тілшісі.

"Осы жылдың 1 сәуіріндегі жағдай бойынша еліміздің құқық қорғау органдары 2 341 адамды іздестіруде. Оның ішінде мемлекетаралық іздестіруде – 750, халықаралық іздестіруде – 1 591 адам", – деді сенат депутаты Нұрлан Бекназаров Қазақстан мен Солтүстік Македония арасындағы адамдарды ұстап беру туралы шартты ратификациялау туралы заң жобасын талқылау барысында.

Жалпы 2016 жыл мен 2021 жылдың 1 тоқсаны аралығында Қазақстан іздеуде жүрген 518 адамды басқа елдерге берді. Ал Қазақстанға 346 адам қайтарылды.

Бас прокурордың бірінші орынбасары Берік Асыловтың айтуынша, Қазақстан мен Солтүстік Македония арасындағы адамдарды ұстап беру туралы шарттың негізгі мақсаты – іздеуде жүрген адамдарды қылмыстық жауапқа тарту үшін экстрадициялау мәселесін реттеу.

Шартта ұстап берудің келесі негіздері көзделген:

  • екі елдің де заңына сәйкес әрекет қылмыс болып саналуы тиіс;
  • қылмыстық жауапқа тартылатын адам кемінде 1 жылға бас бостандығынан айыру жазасын алуы қажет;
  • сот үкімін орындау үшін іздеудегі адамның өтелмеген жаза мерзімі кемінде 6 ай болуы керек.

Ол қандай жағдайда адам ұстап берілмейтінін де түсіндірді:

  • егер сұратушы тараптың заңнамасы бойынша қылмыс үшін өлім жазасы көзделсе;
  • іздеудегі адам ақталса немесе оған қатысты қылмыстық қудалау тоқтатылса;
  • ескіру мерзімі өтіп кетсе;
  • іздеудегі адам сол елдің азаматы болса;
  • сұратылған адам әскери қылмыс жасаған болса.

"Қазіргі уақытта Солтүстік Македония мен Қазақстанда жасырынып жүрген адамдар жоқ", – деді Асылов.

Айтуынша, бүгінде Қазақстан 20 мемлекетпен ұстап беру туралы шарт жасады. Болашақта Малайзия, Доминикан, Перу, Аргентинамен осындай шарттарға қол қойылмақ.

Оқи отырыңыз: Астана LRT-ның бұрынғы басшысына халықаралық іздеу жарияланды

Парламент аталған шартты бірауыздан ратификациялады.

39
Кілт сөздер:
халықаралық іздеу, іздеу шаралары
Тақырып бойынша
Халықаралық іздеу жарияланды: Нұр-Сұлтан полициясы 37 жастағы әйелді таба алмай жатыр
Испанияда халықаралық іздеу жарияланған қазақстандық ұсталды
Қазақстандық екі экс-банкирге халықаралық іздеу жарияланды
Нұр-Сұлтанда халықаралық іздеу жарияланған қылмыскер ұсталды
Алматыда қаржы пирамидасының басшысына халықаралық іздеу жарияланды
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

79
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

79
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

40
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

40
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1100
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1100
Кілт сөздер:
Қазгидромет, ауа райы