Сенатор Талғат Мұсабаев

"Зардабы ауыр оқиғаға куә боламыз": Мұсабаев премьердің назарын маңызды мәселеге аударды

63
Сенатордың айтуынша, мемлекеттік функциялар іс жүзінде ішкі құжаттар негізінде шетелдік азамат басқаратын "Қазақстанның авиациялық әкімшілігі" АҚ коммерциялық компаниясына берілген

НҰР-СҰЛТАН, 22 сәуір – Sputnik. Сенат депутаты Талғат Мұсабаев ұшу қауіпсіздігі саласындағы проблемаларды көтерді. Сенатор авиациялық оқиғалар мен жағдайларды тергеу бойынша функцияларды төтенше жағдай министрлігінің құзыретіне беру керек деп санайды, деп хабарлайды Sputnik Қазақстан тілшісі.

Талғат Мұсабаев премьер-министрдің атына жолдаған сауалында азаматтық авиация және ұшуды ұйымдастыру саласындағы қауіпсіздік мәселелерін қозғады.

Ол заң бойынша азаматтық авиацияда сертификаттау, қадағалау және бақылаумен индустрия және инфрақұрылымдық даму министрлігінің Азаматтық авиация комитеті айналысуы керек екенін атап өтті. Алайда бұл мемлекеттік функциялар іс жүзінде ішкі құжаттар негізінде шетелдік азамат басқаратын "Қазақстанның авиациялық әкімшілігі" АҚ коммерциялық компаниясына берілген.

Сенатор мәселені зерек ақылға салып, оның шешімін заңды арнаға бағыттауды ұсынады. Сондықтан да азаматтық авиациядағы қадағалау және бақылау жөніндегі мемлекеттік функцияларды азаматтық авиация комитетіне қайтару қажет деп санайды.

"Ал "Қазақстанның авиациялық әкімшілігі"АҚ құрылғандықтан, оған тек сертификаттау жөніндегі функцияларды қалдыру керек немесе оған коммерция субъектісі емес, барлық туындайтын заңнамалық салдары мен жауапкершілігі бар мемлекеттік орган мәртебесін беріп, мемлекеттік функцияларды орындауды жүктеу қажет", – деді Мұсабаев.

Сонымен қатар ол  авиациялық және азаматтық авиациядағы оқиғаларды тергеуді төтенше жағдайлар министрлігіне немесе тәуелсіз халықаралық аймақтық тергеу органдарына беруді ұсынды.

Айтуынша, бұл мүдделер қақтығысына жол бермеу және тергеудің сапасы мен объективтілігін қамтамасыз ету үшін қажет.

"Әйтпесе біз зардабы ауыр кезекті авиациялық оқиғалар мен жағдайлардың куәсі болуымыз мүмкін", – деді Мұсабаев.

Оқи отырыңыз: Республикалық санитарлық авиация орталығы басшысының орынбасары парамен ұсталды

Депутат аталған проблемаларды шешу үшін тәуелсіз комиссия құру қажет екенін айтты. Оның құрамына ұлттық қауіпсіздік комитеті де кіруге тиіс.

63
Кілт сөздер:
Талғат Мұсабаев, Мемлекетаралық авиациялық комитет
Тақырып бойынша
Алматыдағы Азаматтық авиация академиясына қатысты екі іс қозғалды
Атамқұловтың көңілі толмады: Авиация академиясына түсуге іріктеу күшейтіледі
Мұсабаев: Қазақстанда ғарыш саласын дамытудың екі жолы болды
Ғарышкер Мұсабаев пен экс-әкім Сұлтанов ант берді
Қазақтан шыққан ғарышкер Талғат Мұсабаев туралы не білеміз?
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

83
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

83
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

41
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

41
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1133
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1133
Кілт сөздер:
Қазгидромет, ауа райы