Телефон, иллюстративті фото

Желіде тараған ақпарат қазақстандықтарды алаңдатып қойды

3315
(Жаңартылды 18:29 22.04.2021)
Хабарламада Паркинсон, Альцгеймер аурулары иммундауға арналған препараттардың құрамындағы алюминий салдарынан пайда болатыны айтылған

НҰР-СҰЛТАН, 22 сәуір — Sputnik. Әлеуметтік желіде қазақстандықтар вакциналар Паркинсон, Альцгеймер және Лу Гериг ауруларының дамуына себеп болуы мүмкін деген ақпарат таратып жатыр. Stopfake порталы бұл жалған мәлімет екенін жазды.

Хабарламада мұндай аурулар иммундауға арналған препараттардың құрамындағы алюминий салдарынан пайда болатыны айтылған.

Алюминий адъюванты кейбір вакциналарда қолданылады. Бұл препарат құрамындағы әлсіреген патогеннің аз мөлшеріне күшті иммундық реакция тудыру үшін қажет. Мұндай адъюванттар 1930 жылдары қолданыла бастады. Сол кезден бері Паркинсон, Альцгеймер және Лу Гериг аурулары түріндегі кешіктірілген жанама әсерлер тіркелмеген.
Сонымен қатар, вакциналардың құрамындағы алюминий мөлшері рұқсат етілген нормалардан аспайды және адам денсаулығының жай-күйіне әсер ете алмайды, деп жазды Stopfake.

АҚШ-тың Тамақ өнімдері мен дәрі-дәрмек сапасын санитарлық қадағалау басқармасының қаулысына сәйкес, алюминийдің тәуліктік нормасы 25 микрограммнан аспауға тиіс. Алайда бұл норма тек парентеральды тамақтану жүйесіне қосылғандарға (қоректік заттарды тікелей қанға енгізу) және емшек сүтін алмастырғыштармен қоректенетін сәбилерге қатысты. Вакцинамен алюминийдің осындай дозасын алу және оны тері астына енгізу мүмкін емес.

Күнделікті өмірде адамдар күніне 25 микрограммнан артық алюминий тұтынады. Бұл металл қара бидай мен бидай ұны, картоп, қырыққабат, баялды, қызылша, бұршақ, күріш, киви және т.б. кеңінен қолданылатын өнімдерде кездеседі.
Айта кетейік, Паркинсон, Альцгеймер және Лу Геринг аурулары егде жастағы адамдар арасында өте жиі кездеседі. Оның үстіне, Паркинсон мен Альцгеймер аурулары алюминий қосылған вакциналар мен адъюванттар ойлап табылғанға дейін анықталған және толық сипатталған.

3315
Тақырып:
COVID-ке қарсы вакцина (196)
Иллюстративті фото

Ұсынысынан бас тартқан: бойжеткен жауабын естіген Тараз тұрғыны ессіз әрекетке барды

4
(Жаңартылды 12:44 13.05.2021)
27 жастағы ер адам бейнебақылау камерасының көмегімен ұсталды. Оның облыс орталығындағы шағын ауданда тұратыны анықталды

АЛМАТЫ, 13 мамыр – Sputnik. Тараз тұрғыны жаңа танысқан қызды тонап кетті. Оқиға ер адамның қыдырып қайту туралы ұсынысынан бойжетке бас тартқан соң болған, деп жазады Polisia.kz.

Тараз қаласының полициясына 27 жастағы тұрғын арызданды. Айтуынша, бейтаныс жігіт 116 мың теңге тұратын телефонын ұрлап кеткен. Сонымен қатар, телефон қабында 46 мың теңге болған.

Полиция ақпаратына сәйкес, бойжеткен жігітпен сол кеште танысқан. Қыдырып қайту туралы ұсынысты қабылдамағанына ашуланған ер адам күш қолдану арқылы оның телефонын тартып алып, қашып кеткен.

Жігіт бейнебақылау камерасының көмегімен ұсталды. 27 жастағы ер адамның облыс орталығындағы шағын ауданда тұратыны анықталды. Ол өзінің әрекетін мойындады және қолды болған заттарды иесіне қайтарды.

Оқи отырыңыз: Үйлену тойында түсініксіз әрекет жасаған күйеужігіт ұятқа қалды - видео

Осы дерек бойынша қылмыстық кодекстің 191-бабы бойынша (тонау) қылмыстық іс қозғалды. Сотқа дейінгі тергеу амалдары жүргізіліп жатыр.

4
Кілт сөздер:
Тараз, оқиға
Тақырып бойынша
Желідегілер қалыңдық тойға жалаңаш келді деп ойлап қалды – жұртты шулатқан фото
Назарбаев Ақышевқа: батыл әрекет ет, ешкімнен қорықпа
Тойға полицей болып кіріп келген асаба жауапқа тартылады – видео
"Алланы ашуландыратын әрекет жасамаңыздар": Құрбан айтта не істеуге болмайды - видео
Боксшы жекпе-жек алдында біртүрлі әрекет жасап, ұятқа қалды - видео
Архивтегі сурет

Қазақстан мен Қырғызстан арасында тауар айналымы неге түсіп кетті

9
Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткеніне сенімді

НҰР-СҰЛТАН, 13 мамыр – Sputnik. Былтыр Қазақстан мен Қырғызстан арасында тауар айналымы 2019 жылмен салыстырғанда 15,3%-ке төмендеген. Сауда және интеграция министрі мұның себебін түсіндірді, деп хабарлайды Sputnik Қазақстан тілшісі.

Сенаттың жалпы отырысында депутат Бауыржан Қаниев Қазақстан мен көрші қырғыз елі арасында тауар айналымы неге кемігенін сұрады.

"Министрліктен алған ақпаратқа сәйкес, Қазақстан мен Қырғызстан арасында былтыр тауар айналымы 2019 жылмен салыстырғанда 15,3%-ке төмендеген. Экспорт 9,9%-ке, импорт 26%-ке кеміген. Ал сауда балансы, керісінше, 20,6 миллион АҚШ долларына өскен. Бұл немен байланысты", - деді сенатор.

Сауда және интеграция министрі Бақыт Сұлтанов пандемия мен коронадағдарыс салдарынан екі елдің экономикасы да минусқа кеткенін айтты.

"Жалпы біздің экспортымыз да, импортымыз да төмендеді. Бірақ импорттың төмендеуі көбірек болды. Экспорт 62 миллион долларға, ал импорт 92 миллионға қысқарды. Сондықтан арадағы айырмашылық сауда балансының жақсаруына тікелей әсер етіп тұр", - деп түсіндірді министр.

Осы ретте ведомство басшысы нақты қандай тауарлардың экспорты мен импорты азайғанына тоқталды.

Оқи отырыңыз: Қазақстан мен Ресей арасындағы тауар айналымы пандемияға дейінгі деңгейге жетті - Мамин

Айтуынша, бидай экспорты 18 миллион долларға, темекі өнімдері 11,5 миллион долларға, металл конструкциялар 6 миллион долларға қысқарған.

Ал импорт бойынша – былғарыдан жасалған аяқ киімдер 15 миллионға долларға, сәндік косметика 12 миллион долларға азайған.

9
Кілт сөздер:
Қазақстан, Қырғызстан, сауда, тауар, экономика
Тақырып бойынша
Министрлік қаңтар айында ел қазынасы қанша теңгемен толыққанын айтты
Қазақстан экономикасы қалпына келіп жатыр – министр
Парламент ЕАЭО аумағында тауарлардың қауіпсіздігін қамтамасыз ететін заңды қабылдады
Азық-түлік бағасы тағы да қымбаттап жатыр
Досаев бензин неге қымбаттағанын түсіндірді