Медицина қызметкері

Қазақстандық профессор қандай жағдайда вакцинаның еш пайдасы болмайтынын айтты

3453
(Жаңартылды 14:37 23.04.2021)
"QazVac" пен "Спутник V" вакциналарын араластырып егуге болмайды, өйткені олар мүлде екі түрлі, дайындалу әдісі өзгеше, деп түсіндірді Ләззат Ералиева

НҰР-СҰЛТАН, 23 сәуір – Sputnik. Коронавирусқа қарсы антидененің қажетті деңгейіне қол жеткізу үшін вакциналау курсын бір препаратпен аяқтау қажет. Бұл туралы денсаулық сақтау министрлігі ұлттық фтизиопульмонология ғылыми орталығы директорының клиникалық және ғылыми жұмыстар жөніндегі орынбасары, профессор Ләззат Ералиева айтты, деп хабарлайды Sputnik Қазақстан тілшісі.

"Антиденелердің қажетті деңгейі түзілуі үшін вакциналауды бір вакцинамен аяқтау қажет. Өйткені QazVac пен Спутник V мүлде екі түрлі, дайындалу әдісі өзгеше. Егер бір вакцинадан екіншісіне жүгіріп, вакциналау курсын біреуімен аяқтамасақ, онда ешқандай пайда болмайды", - деді Ерғалиева баспасөз мәслихатында.

Қазақстанда бірінші ақпанда халықты вакциналау науқаны басталды.

23 сәуірдегі жағдай бойынша "Спутник V" вакцинасының бірінші компоненті 823 498 адамға егілген, екінші компоненті 132 603 адамға салынды.

Оқи отырыңыз: Тоқаев отандық вакцина өңірлерге жеткізіле бастағанын хабарлады  

Санитарлық-эпидемиологиялық сараптама және мониторинг ғылыми-практикалық орталығы филиалы директорының орынбасары Манар Смағұлдың айтуынша, бірінші компонентті салдырғандар арасында созылмалы аурулармен ауыратын 32 314 адам бар. Соның ішінде 8 397 адам вакциналау курсын толығымен аяқтады.

26 сәуірде республика халқына отандық QazVac вакцинасы егіле бастайды. Қазір препараттың алғашқы 50 мың дозасы өңірлерге жеткізілуде.

3453
Кілт сөздер:
коронавирус, вакцина
Тақырып:
COVID-ке қарсы вакцина (199)
Тақырып бойынша
Қазақстандық QazVac вакцинасы бірінші кімдерге салынады
Қазақстанда QazVac-пен вакциналау 26 сәуірде басталады
Тоқаев Атырау облысындағы арнайы экономикалық аймақтың жұмысын сынға алды
Тоғжанов QazVac вакцинасын шығаратын зауыт қашан іске қосылатынын айтты
Желіде тараған ақпарат қазақстандықтарды алаңдатып қойды
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

83
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

83
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

41
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

41
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1131
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1131
Кілт сөздер:
Қазгидромет, ауа райы