Әсет Исекешев пен Нұрсұлтан Назарбаев

Назарбаев пен Исекешев ұлттық қауіпсіздік мәселелерін талқылады

2547
(Жаңартылды 19:19 23.04.2021)
Қауіпсіздік кеңесінің хатшысы Исекешев Назарбаевқа Душанбеде өтетін ҰҚШҰ қауіпсіздік кеңесі хатшылары комитетінің кезекті отырысына дайындық туралы да айтты

АЛМАТЫ, 23 сәуір – Sputnik. Қауіпсіздік кеңесінің төрағасы Нұрсұлтан Назарбаев кеңес хатшысы Әсет Исекешевпен 2025 жылға дейінгі ұлттық қауіпсіздік стратегиясын талқылады, деп хабарлады Elbasy сайты.

Исекешев Қауіпсіздік кеңесінің төрағасына ұлттық қауіпсіздік тәуекелдерін басқару жөніндегі іс-қимыл жоспары бойынша жүргізіліп жатқан жұмыстар туралы айтты. Сондай-ақ Қауіпсіздік кеңесінің 2030 жылға дейінгі Қарулы күштерді құру және дамыту тұжырымдамасының жобасы, шекара қауіпсіздігін қамтамасыз ету мәселелері талқыланатын кезекті отырысқа дайындық барысы сөз болды.

"Ұлттық қауіпсіздіктің барлық аспектісі, оның ішінде азық-түлік қауіпсіздігі және құқық қорғау жүйесінің жұмысы бойынша талдауды одан әрі де жүргізе беру қажет. Қауіпсіздік кеңесінің келесі отырысында Қарулы күшті дамыту мәселесі талқыланады. Кеңес отырысына сапалы дайындық жүргізу қажет", – деді Қазақстанның тұңғыш президенті.

Сонымен қатар кездесу барысында азаматтар мен бизнестің құқығын қорғауды күшейту, учаскелік полиция инспекторларының рөлін арттыру, құқық қорғау жүйесін реформалау, киберқауіпсіздік және ақпараттық кеңістікті қорғау саласында қабылданып жатқан іс-қимыл талқыланды.

Нұрсұлтан Назарбаев су тасқыны және селден қорғау, өртке қарсы қауіпсіздік секілді өзекті мәселелерге, пандемиядан кейінгі кезеңде ұлттық экономиканы одан әрі дамыту мәселелеріне назар аударды.

Қауіпсіздік кеңесінің хатшысы құқық қорғау жүйесін кезең-кезеңімен реформалаудың алғашқы нәтижелері туралы баяндады. Исекешевтің айтуынша, негізгі процессуалдық шешімдерді прокурормен келісу институтын енгізу қылмыстық процесте азаматтардың конституциялық құқығын бұзу санын үш есе азайтуға және негізсіз қамауға алынған адамдардың санын екі есеге қысқартуға мүмкіндік берді.

"Осы жылы қылмыс деңгейін төмендету үрдісі сақталады. Бірінші тоқсанда бұл көрсеткіш 13,3%-ке қысқарды", – деді ол.

Оқи отырыңыз: "Адамдар арасындағы сенімсіздік күшейді": Назарбаев бейнеүндеу жасады

Исекешев 28-29 сәуірде Душанбеде өтетін ҰҚШҰ қауіпсіздік кеңесі хатшылары комитетінің кезекті отырысына дайындық туралы хабарлады. Ол жерде өңірлік қауіпсіздік, терроризмге және есірткі қылмысына қарсы күрестің өзекті мәселелері, өзара іс-қимылдың басқа да аспектілері талқыланады.

Кездесу соңында Нұрсұлтан Назарбаев Қауіпсіздік кеңесінің аппаратына бірқатар нақты тапсырма берді.

2547
Кілт сөздер:
ұлттық қауіпсіздік, Назарбаев
Тақырып бойынша
Назарбаев Гагаринмен қалай кездесті: Нұр-Сұлтанда көрме ашылды
"Абай аренаға" Елбасының атын беру ұсынылды: Назарбаев өз ойын айтты
Назарбаев Қауіпсіздік кеңесінде тағайындау жасады
Қырғызстан президенті Назарбаев туралы не ойлайтынын айтты
Назарбаев латын әліпбиінің түркі әлеміндегі рөлі туралы айтты
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

79
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

79
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

39
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

39
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1087
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1087
Кілт сөздер:
Қазгидромет, ауа райы