Алматыдағы митинг

Алматылықтар санкцияланбаған митингке шықты фото, видео

703
Бұқаралық іс-шаралар өткізуге тыйым салынғанына қарамастан Шоқан Уәлиханов ескерткішінің жанына 150-ге жуық адам жиналды

НҰР-СҰЛТАН, 24 сәуір – Sputnik. Алматыда бірнеше қоғамдық бірлестіктер мен ұйымдардың белсенділері рұқсат етілмеген митинг өткізді. Митингке келгендер Жер кодексіне енгізілген түзетулерге наразы. Олардың ойынша, өзгертулер шетелдіктерге жерді жалға беру мен сатуға мүмкіндік беруі мүмкін.  

Посмотреть эту публикацию в Instagram

Публикация от Sputnik Казахстан (@sputniknewskz)

Митингті ұйымдастырушылар бұл шараны өткізу жөнінде бірнеше күн бұрын жариялаған болатын. Оларды қала әкімдігінің күрделі эпидемиологиялық жағдайға байланысты жиын өткізуге рұқсат бермеуі де тоқтата алмады.

Шара қарсаңында Алматы қаласының прокуроры Берік Жүйріктаев тәртіп бұзушыларға әкімшілік шара қолданылатыны туралы ескерту жасады.

Земельный митинг в Алматы 24 апреля
© Sputnik / Александр Мироглов
Алматыда санкцияланбаған митинг өтті. Наразылық білдірушілерді тұтқындау немесе биліктің белсенді әрекеті байқалған жоқ.

Соған қарамастан, түске таман Шоқан Уәлиханов ескерткіші алаңына қолыңа плакат ұстаған 150-ге жуық адам жиналды.

Акция басталғаннан кейін бірден қалалық прокуратураның өкілі наразылық білдірушілерге шықты. Ол митингке қатысушылардың коронавирусқа байланысты карантиндік талаптарды бұзып жатқанын айтты. Алайда жиналғандар бұған айқайлап, наразылық білдірді.  

Земельный митинг в Алматы 24 апреля
© Sputnik / Александр Мироглов
Азаматтық позициясын білдіру үшін 150-ге жуық адам көшеге шықты

Прокурор кеткеннен кейін наразылық білдірушілер сөздерін жалғастырды. Жиырмаға жуық полицей ешқандай шара қолданбай, қоғамдық тәртіпті бақылаумен болды. Олар адамдардың жолға шығып кетпеуін қадағалады.

Белсенділер шамамен бір жарым сағатқа жуық сөз сөйледі. Барлығына сөз берілді. Кейін ұйымдастырушылар Алматы әкімдігі орналасқан Республика алаңына дейін шеру ұйымдастыруды ұйғарды.

Земельный митинг в Алматы 24 апреля
© Sputnik / Александр Мироглов
Наразылық білдірушілерге карантиндік талаптарды бұзғаны туралы ғана ескертілді

Акцияға қатысушылар Шевченко көшесімен қозғала берген бойда олардың жолын жедел әрекет ету бөлімі мен қалалық полицияның қызметкерлері кесті. Белсенділер қоршауды бұзып өтпек болғанымен, наразылық білдірушілерді "ұстап әкету" болмады.

Земельный митинг в Алматы 24 апреля
© Sputnik / Александр Мироглов
Тәртіп сақшылары адамдардың жолға шығып кетпеуін қадағалап тұр.

Жиналған жеріне қайта оралған олар сөздерін жалғастырды. Біраз уақыттан кейін акция ұйымдастырушылары митингті аяқтау туралы ұсыныс білдірді. Олар егер бірнеше аптадан кейін талаптары ел басшылығының құлағына жетпесе, қайтадан жиналатын болып келісті. Полицияның қадағалауымен наразылық білдірушілер тарап кетті.

Посмотреть эту публикацию в Instagram

Публикация от Sputnik Казахстан (@sputniknewskz)

703
Кілт сөздер:
Алматы, жер, митинг
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

97
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

97
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

46
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

46
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1239
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1239
Кілт сөздер:
Қазгидромет, ауа райы