Медицина қызметкері

Вакцинадан соң COVID жұқтырған: елордалық тұрғын басынан кешкен жағдайды айтып берді

1248
(Жаңартылды 12:58 26.04.2021)
Ерлі-зайыптылар екпені бір мезетте салдырғанымен, Талғаттың келіншегі мен ұлы ауырмаған. Ал ПТР-тест тапсырғанда қызы екеуінде оң нәтиже көрсеткен

НҰР-СҰЛТАН, 26 сәуір – Sputnik. Қазақстанда ақпан айынан бері вакциналау шаралары жүргізіліп жатыр. Алайда екпе алғаннан кейін коронавирус жұқтырған жағдайлар да жоқ емес. Мамандар осы мәселенің негізгі себебі сақтық шараларын сақтамау деп отыр. Вакцина салдырған соң, біршама уақыт өтуі керек. Сол кезде вирусқа қарсы иммунитет қалыптасады. Sputnik Қазақстан тілшісі Нұр-Сұлтан қаласында вакцинадан кейін коронавирус жұқтырған адамды тауып, инфекцияны қалай жұқтырғанын білді. Бірақ ол өзінің атын-жөнін көрсетпеуді сұрады.  

Ресейлік вакцинадан басқа ештеңе болмады

Астаналық Талғат Әбілмансұров вакцинаға дейін коронавируспен ауырмаған. Былтыр бір рет қана тұмауратып қалды. Соның өзінде көп ауырған жоқ. Коронавирустың белгілері де байқалмады. Соған қарамастан, ол вакцина салдыруға шешім қабылдады.

"Негізі, мен вакцина салдырғанға дейін біраз ойландым. "Коронавируспен ауырып шықсам, иммунитет болады ғой" деген ой да болды. Ал вакцина салдырғаннан антиденелер бөлініп, иммунитет қалыптасқанға дейін бәрібір сақтық шараларын ұстау қажет. Оған дейін инфекцияны жұқтыру қаупі сақтала береді", – дейді Әбілмансұров.

Талғат вакцинаның көбірек болғанын қалады. Сонда таңдау мүмкіндігі болады. Бірақ ол кезде емханаларда ресейлік "Спутник V"-ді ғана салған.

"Осы вакцина туралы толық ақпарат шыққаннан кейін сенім пайда болды. Мен шетелдік басылымдарды да оқып шықтым. Ол жерде екпенің тексерістен өткені туралы жазылды.

Pfizer, Moderna сияқты вакциналарды да зерттедім. Бірақ ол екпелердің әлі келмейтіні белгілі. Ал уақыт өтіп барады. Оған қоса, коронавирустың неше түрлі мутациялары шыға бастады. Демек, екпе салдырмасаң, инфекцияны жұқтыру қаупі күшейе береді. Сөйтіп, ресейлік вакцинаны салдыруға бардым", – деп атап көрсетті Әбілмансұров.

Коронавирустың симптомдары шыға бастады

Талғат туған-туыстарына да үлгі болуды көздеді. Сөйтіп, олардың көзқарасын өзгертуге тырысып, вакцинаның екінші дозасын алған соң, коронавируспен өзі ауырып қалды.

"Мен ауырып қалғанымды жасырған жоқпын. Бәрін ашық айттым. Негізі, вакцинаның бірден көмектеспейтіні белгілі ғой. Алдымен бірінші дозасын алу керек. Сол кезде дәрігерлер ағзаның реакциясын байқайды. Ал үш аптадан кейін екінші дозасы салынады. Иммунитет болса, екі айдың ішінде қалыптасады. Демек, вакцинаның бірінші дозасынан кейін вирусты жұқтыру қаупі қала береді", – деді Әбілмансұров.

Оқи отырыңыз: Ораза кезінде вакцина салдыруға бола ма – дәрігерлер кеңес берді

Ол вакцинаның екінші дозасын келіншегімен бірге салдырған. Сол кезде кішкентай қызы тұмауратып жүрген. Бірақ ата-анасы мән бермеді. Артынан ПТР-тестпен инфекцияның бар екені расталды. Ал екі күннен кейін Талғатта коронавирустың симптомдары шыға бастады.

"Біз вакцинаның екінші дозасын сәрсенбі күні салдырдық. Бір күн бұрын кішкентай қызымыздың дене қызуы көтеріліп тұрған. Бейсенбі күні бәрі жақсы болған сияқты еді. Ал жұма күні менде коронавирустың белгілері пайда болды. Өзімді әлсіз сезіне бастадым. Артынан иіс сезу қабілеті жоғалды. Демек, мен вакцина алғанға дейін коронавирусты үйде жұқтырдым, я болмаса, екпеге барғанда ауырып қалдым", – дейді Әбілмансұров.

Иммунитетіміз екі есе мықты болады...

Талғаттың дене қызуы екі күн бойы түспей тұрған. Ал келесі күні иіс сезбей қалды. Дегенмен, бес күннің ішінде жазылып шықты.

"Мен қатты емделген жоқпын. Әдеттегідей сұйықтықты көп іштім. Қанды сұйылту үшін аспириннің бір таблеткасын төртке бөліп қабылдадым. Сонымен қатар дәрумендер іштім. Басқа ештеңе істеген жоқпын. Төртінші күні парацетамол ішіп алдым да, ертеңінде дене қызуым басылды. Өзімді жақсы сезіне бастадым. Бесінші күні иіс сезу қалпына келді", – деп еске алады Әбілмансұров.

Талғат отбасымен бірге оқшауланған болған. Қазір дәрігерлер далаға шығуға рұқсат берді.

"Бір қызығы, бәріміз бір үйде отырдық. Бірақ менімен бірге вакцина салдырған келіншегім ауырған жоқ. Ұлым да коронавирусты жұқтырмады. Олар ПТР-тест тапсырған, ештеңе шықпады. Ал қызым екеуміздікі оң нәтиже көрсетті. Осылайша, вакцина да алдым, коронавируспен де ауырып шықтым. Енді, иммунитетім екі есе мықты болатын шығар (күлді)", – дейді Талғат.

Айта кетейік, 1 ақпанда республика бойынша ресейлік "Спутник V" вакцинасын ерікті түрде егу шаралары басталды. Ал бүгіннен бастап қазақстандық "QazVac" (бұрынғы атауы – QazCovid-in) екпесі денсаулық сақтау ұйымдарына түсті. Алексей Цой отандық вакцинаны алғашқылардың бірі болып салдырды.

1248
Кілт сөздер:
вакцина, екпе
Тақырып:
COVID-ке қарсы вакцина (199)
Тақырып бойынша
Вакцина салдырған соң бетпердесіз жүруге бола ма – сарапшы пікірі
Қазақстанда балаларға коронавирусқа қарсы вакцина салынуы мүмкін бе
Вакцина салдырғаннан кейін екпе куәлігін ашып көрген елорда тұрғыны аң-таң болды
Вакцина салдырған соң бала көтеруге бола ма – дәрігерлер не дейді
QazVac салына бастайды: қазақстандықтар отандық вакцина туралы не білуге тиіс
Нұр-Сұлтанда тағы екі сауда орталығында вакцина егу пункті ашылды
Алматы маңы

Найзағай ойнап, бұршақ жауады: синоптиктер ертең ауа райы қандай болатынын болжады

1008
(Жаңартылды 20:30 17.05.2021)
18 мамырда республиканың кей жерлерінде жел күшейіп, оңтүстік пен оңтүстік-батыста шаңды дауыл тұрады

НҰР-СҰЛТАН, 17 мамыр – Sputnik. Синоптиктер ертеңгі күннің ауа райын болжады, деп хабарлайды Қазгидромет.

Апта ортасында Қазақстанның басым бөлігінде ауа райы тұрақсыз болады, кей жерлерде найзағай ойнап, бұршақ жауады.

"Елдің солтүстігінде дауылды жел соғады. Тек, оңтүстік пен батыста жауын-шашын күтілмейді. Екі облыста дабылды ескерту жарияланды", – делінген хабарламада.

Республиканың кей жерлерінде жел күшейіп, оңтүстік пен оңтүстік-батыста шаңды дауыл тұрады.

Дабылды ескерту

Түркістан облысының кей жерлерінде шаңды дауыл тұрып, шығыстан секундына 15-20 метр жел соғады.

Ал Солтүстік Қазақстан облысының кей аудандарында найзағай ойнап, жел соғып, бұршақ жауады. Солтүстік-батыс пен батыстан соққан жел түнде секундына 15-20 метр жылдамдыққа дейін жетуі мүмкін.

Мегаполистердегі ауа райы

Нұр-Сұлтанда күндіз бұлтты болады, ауа температурасы 30-32 градусқа дейін көтеріледі. Түнде термометр +14, +16 градусты көрсетеді.

Алматыда жауын-шашынсыз бұлтты ауа райы қалыптасып, күндіз +24, +26 градус, ал түнде 9-11 градус жылы болады.

Оқи отырыңыз: Мамырда ауа райы қандай болады – Қазгидромет болжамы жарияланды

Шымкентте күн бұлтты және жауын-шашынсыз. Күндізгі ауа температурасы +29, +31 градус, ал түнде +15, +17 градусты көрсетеді.

1008
Кілт сөздер:
ауа райы болжамы, ауа райы
Лев Гумилев атындағы Еуразия ұлттық университеті

Еуразия ұлттық университеті қайта құрылымдаудан өтеді: үкімет қаулы жобасын жариялады

47
Қайта құрылымдаудан өту процесіне қаржы министрлігі мен білім министрлігі жауапты болып табылады

НҰР-СҰЛТАН, 17 мамыр – Sputnik. Гумилев атындағы Еуразия ұлттық университеті Қазақстанда қайта құрылымдаудан өтетін болды. Мұндай қаулы жобасы ашық нормативтік құқықтық актілер порталында жарияланды.

Қазақстанның Азаматтық кодексіне және "Мемлекеттік мүлік туралы" заңның 11-бабының 4-тармақшасына сәйкес республика үкіметі коммерциялық емес акционерлік қоғамды қайта құру туралы шешім қабылдады.

"Л.Н.Гумилев атындағы Еуразия ұлттық университеті" коммерциялық емес акционерлік қоғамын оған еншілес ұйым "Қаржы академиясы" акционерлік қоғамын қосу арқылы қайта ұйымдастырылсын", – делінген қаулы мәтінінде.

Академияның қайта құрылымдаудан өту процесіне қаржы министрлігінің мемлекеттік мүлік және жекешелендіру комитеті мен білім министрлігі жауапты болып табылады.

Ал ашық құқықтық актілер порталындағы бұл құжатты қоғамдық талқылау 31 мамырға дейін жалғасады.

Қаржы академиясы туралы

Қаржы академиясы елордада 50 жылдан астам бері жұмыс істеді. Оның негізі Қазақ КСР қаржы министрлігінің Целиноград қаржы-экономикалық колледжінде 1965 жылы қаланды.

Жарты ғасыр ішінде академия өз атауын бірнеше рет өзгертті. 2009 жылы министрлер кабинетінің шешімімен жаңа типтегі мамандандырылған университет – қаржы министрлігі жанындағы қаржы академиясы ретінде құрылды.

Оқи отырыңыз: Тоқаевтың көлік жүргізушілерге қатысты жаңалығы: үкімет арнайы қаулы дайындады

Академия қаржы, есеп және аудит, экономика, менеджмент және ақпараттық жүйелер саласындағы мамандарды дайындайды. Қаржы академиясының президенті – Наталья Коржова, ол Қазақстанның қаржы министрлігін басқарған алғашқы әйел.

47
Кілт сөздер:
академия, ЖОО
Тақырып бойынша
Әйелді ұруға болады деген университет оқытушысы жұмыстан қуылды
Лицензиясынан айырылған университет студенттері не істейді – министрлік жауабы
Түркістан қаласында жаңа университет ашылды
ҚазҰУ университет жерінің сатылғанына қатысты ақпаратқа жауап берді
Қазақстанда бір университет бас лицензиясынан айырылды
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ