Тапанша, архивтегі сурет

Үйінен қару табылған: "СК-Фармация" бұрынғы басшысына тағы бір айып тағылды

360
Елордалық сотта Шәріптің ісіне қатысты сот тыңдауы өтіп жатыр, оған бірден екі бап бойынша айып тағылды

НҰР-СҰЛТАН, 26 сәуір –  Sputnik. "СК-Фармацияның" бұрынғы басшысы Берік Шәріп 13 жыл бойы атыс қаруын заңсыз сақтаған. Осылайша ол Қазақстанның Қылмыстық кодексін бұзды.

Нұр-Сұлтан қаласы Есіл аудандық сотында "СК-Фармация" компаниясының бұрынғы басшысы Берік Шәріптің ісіне қатысты алғашқы сот отырысы өтті.

Судья Қанат Дүйсембиев Берік Шәріпке қатысты қылмыстық іс Қылмыстық кодекстің 361-бабы 4-тармағы 3-тармақшасы "Ауыр салдарға алып келген, лауазымдық өкілеттіктерді теріс пайдалану", сондай-ақ 287-бабы 2-тармағы "Жарақат салатын патрондармен ату мүмкіндігі бар ұңғысыз атыс қаруын, газды қаруды, қысқа тегiс ұңғылы атыс қаруын, сол сияқты оның патрондарын заңсыз иемдену, беру, өткізу, сақтау, тасымалдау немесе алып жүру" бойынша қаралып жатқанын мәлімдеді.

Прокурор Дастан Күпербаев Берік Шәріп қоғамдық қауіпсіздік пен қоғамдық тәртіпке қарсы қасақана қылмыс жасағанын мәлімдеді.

Мемлекеттік айыптаушы түсіндіргендей, Шәріп 2006 жылдың қазанынан 2008 жылдың сәуірі аралығында Оңтүстік Қазақстан облысында тұрған және облыстың денсаулық сақтау департаментінде қызмет еткен. Аталған кезеңде Шәріп Шымкенттің "Арсенал" ЖШС қару дүкенінен өзін-өзі қорғау тапаншасын – калибрі 18х45, ұңғысыз атыс моделі "Стражник" МР-461, сондай-ақ тапаншаға оқ-дәрі сатып алған.

Тағы оқыңыз: "СК-Фармация" экс-басшысының әрекеті дәрігерлердің вирус жұқтыруына әкелді – прокурор

"Қарудың жекелеген түрлерінің айналымын мемлекеттік бақылау туралы заңның 6-бабына сәйкес, ұңғысыз атыс қаруы қызметтік қаруға жатады. Азаматтық және қызметтік қаруды, оның патрондарын ішкі істер органдарынан қаруды сақтауға және өзімен бірге алып жүруге рұқсат алған заңды және жеке тұлғалар сақтай алады. Шәріп атыс қаруын сақтауға және өзімен ұстауға тиісті рұқсаты болмаса да, 2007 жылдың тамызынан 2020 жылдың 6 тамызы аралығында өзін-өзі қорғауға арналған тапаншаны заңсыз сақтаған", - деді прокурор.

2020 жылдың 6 тамызында Берік Шәріптің пәтерін тінту барысында аталған тапанша мен оны қолдану кітапшасы, сондай-ақ төрт патрон мен бір гильза табылып, тәркіленді.

"Кешенді баллистикалық және трассологиялық сараптама қорытындысына сәйкес, тапанша травматикалық атыс қаруы санатына жатады, оқ атуға жарамды, патрондар да жарамды. ІІМ ӘПК жауабына сәйкес, жоғарыда аталған қаруды иемденуге, сақтауға және өзімен бірге алып жүруге құжат берілмеген. Сонымен қатар Шәріп 2014 жылдан бастап 12 калибрлі МР-153 және ИЖ-27 екі тегіс ұңғылы қарудың иесі болып табылады", - деді Дастан Күпербаев.

Осылайша Берік Шәріп Қылмыстық кодекстің 287-бабы 2-тармағында (травматикалық патрондармен ату мүмкіндігі бар атыс қаруын заңсыз сақтау) қарастырылған қылмыстық құқықбұзушылықты жасады деп айыпталып отыр.

Бұған дейін прокурор Дастан Күпербаев "СК-Фармация" экс-басшысының заңсыз әрекеті салдарынан 2 мыңнан астам дәрігер коронавирус жұқтырғанын мәлімдеді. Оларға мемлекет тарапынан өтемақы төленді.

Денсаулық сақтау министрлігіндегі жанжал

"СК-Фармация" ЖШС-ның бұрынғы басқарма төрағасы Берік Шәріптің ұсталғаны 2020 жылдың тамызында белгілі болды. Ол пандемия уақытында  медициналық бұйымдарды сатып алу кезінде лауазымдық өкілеттігін теріс пайдаланды деген күдікке ілінді. Сыбайлас жемқорлыққа қарсы қызмет дәрігерлердің вирус жұқтыруын күдіктінің заңсыз әрекетінің салдары деп атады. Бұл заңбұзушылық бойынша жеті жылға дейін бас бостандығынан айыру жазасы көзделген.

360
Кілт сөздер:
айыптау, сот
Тақырып бойынша
"СК-Фармация" экс-басшысының әрекеті дәрігерлердің вирус жұқтыруына әкелді – прокурор
"СК-Фармация" басшысы атышулы фотосын не себепті алып тастағанын түсіндірді
Атырауда "СК-Фармация" қоймасында дәрі-дәрмек қоры жоқ болып шықты
"СК-Фармация" басшысы 1 миллион теңге жалақы алатын дәрігерлер туралы айтты
Алматы маңы

Найзағай ойнап, бұршақ жауады: синоптиктер ертең ауа райы қандай болатынын болжады

1025
(Жаңартылды 20:30 17.05.2021)
18 мамырда республиканың кей жерлерінде жел күшейіп, оңтүстік пен оңтүстік-батыста шаңды дауыл тұрады

НҰР-СҰЛТАН, 17 мамыр – Sputnik. Синоптиктер ертеңгі күннің ауа райын болжады, деп хабарлайды Қазгидромет.

Апта ортасында Қазақстанның басым бөлігінде ауа райы тұрақсыз болады, кей жерлерде найзағай ойнап, бұршақ жауады.

"Елдің солтүстігінде дауылды жел соғады. Тек, оңтүстік пен батыста жауын-шашын күтілмейді. Екі облыста дабылды ескерту жарияланды", – делінген хабарламада.

Республиканың кей жерлерінде жел күшейіп, оңтүстік пен оңтүстік-батыста шаңды дауыл тұрады.

Дабылды ескерту

Түркістан облысының кей жерлерінде шаңды дауыл тұрып, шығыстан секундына 15-20 метр жел соғады.

Ал Солтүстік Қазақстан облысының кей аудандарында найзағай ойнап, жел соғып, бұршақ жауады. Солтүстік-батыс пен батыстан соққан жел түнде секундына 15-20 метр жылдамдыққа дейін жетуі мүмкін.

Мегаполистердегі ауа райы

Нұр-Сұлтанда күндіз бұлтты болады, ауа температурасы 30-32 градусқа дейін көтеріледі. Түнде термометр +14, +16 градусты көрсетеді.

Алматыда жауын-шашынсыз бұлтты ауа райы қалыптасып, күндіз +24, +26 градус, ал түнде 9-11 градус жылы болады.

Оқи отырыңыз: Мамырда ауа райы қандай болады – Қазгидромет болжамы жарияланды

Шымкентте күн бұлтты және жауын-шашынсыз. Күндізгі ауа температурасы +29, +31 градус, ал түнде +15, +17 градусты көрсетеді.

1025
Кілт сөздер:
ауа райы болжамы, ауа райы
Лев Гумилев атындағы Еуразия ұлттық университеті

Еуразия ұлттық университеті қайта құрылымдаудан өтеді: үкімет қаулы жобасын жариялады

47
Қайта құрылымдаудан өту процесіне қаржы министрлігі мен білім министрлігі жауапты болып табылады

НҰР-СҰЛТАН, 17 мамыр – Sputnik. Гумилев атындағы Еуразия ұлттық университеті Қазақстанда қайта құрылымдаудан өтетін болды. Мұндай қаулы жобасы ашық нормативтік құқықтық актілер порталында жарияланды.

Қазақстанның Азаматтық кодексіне және "Мемлекеттік мүлік туралы" заңның 11-бабының 4-тармақшасына сәйкес республика үкіметі коммерциялық емес акционерлік қоғамды қайта құру туралы шешім қабылдады.

"Л.Н.Гумилев атындағы Еуразия ұлттық университеті" коммерциялық емес акционерлік қоғамын оған еншілес ұйым "Қаржы академиясы" акционерлік қоғамын қосу арқылы қайта ұйымдастырылсын", – делінген қаулы мәтінінде.

Академияның қайта құрылымдаудан өту процесіне қаржы министрлігінің мемлекеттік мүлік және жекешелендіру комитеті мен білім министрлігі жауапты болып табылады.

Ал ашық құқықтық актілер порталындағы бұл құжатты қоғамдық талқылау 31 мамырға дейін жалғасады.

Қаржы академиясы туралы

Қаржы академиясы елордада 50 жылдан астам бері жұмыс істеді. Оның негізі Қазақ КСР қаржы министрлігінің Целиноград қаржы-экономикалық колледжінде 1965 жылы қаланды.

Жарты ғасыр ішінде академия өз атауын бірнеше рет өзгертті. 2009 жылы министрлер кабинетінің шешімімен жаңа типтегі мамандандырылған университет – қаржы министрлігі жанындағы қаржы академиясы ретінде құрылды.

Оқи отырыңыз: Тоқаевтың көлік жүргізушілерге қатысты жаңалығы: үкімет арнайы қаулы дайындады

Академия қаржы, есеп және аудит, экономика, менеджмент және ақпараттық жүйелер саласындағы мамандарды дайындайды. Қаржы академиясының президенті – Наталья Коржова, ол Қазақстанның қаржы министрлігін басқарған алғашқы әйел.

47
Кілт сөздер:
академия, ЖОО
Тақырып бойынша
Әйелді ұруға болады деген университет оқытушысы жұмыстан қуылды
Лицензиясынан айырылған университет студенттері не істейді – министрлік жауабы
Түркістан қаласында жаңа университет ашылды
ҚазҰУ университет жерінің сатылғанына қатысты ақпаратқа жауап берді
Қазақстанда бір университет бас лицензиясынан айырылды
Газ терминалы

АҚШ сұйылтылған табиғи газ экспортын арттырды

0
Америкалық сұйылтылған табиғи газ экспорты (СТГ) рекордтық көрсеткішке жетті. Бірақ Вашингтон бұл дүрбелең жақында басылады деп қауіптеніп отыр

Өйткені, "Солтүстік ағын – 2" жобасы іске қосылғаннан кейін Еуропаға ресейлік арзан отын жеткізіле бастайды, деп жазды РИА Новости.

Наурызда америкалықтар шетелге күніне 10,5 миллиард текше фут сұйылтылған газ жөнелтіп отырды, деп хабарлады АҚШ энергетика министрлігінің энергетикалық ақпарат басқармасы (ЕІА). Сәуірде бұл көрсеткіш 9,2 болатын. Оның өзі көктем басындағы мінсіз максимум болды.

Баяндамада көрсетілгендей, өткен жылы және осы жылдың қаңтарында АҚШ-тан жеткізілетін СТГ экспортының басым бөлігі Азияға тиесілі болды. Бірақ ақпан мен наурызда ол газдың жартысын Еуропа сатып алып тұрды. Себебі ол жақтағы спотта баға азиялықпен теңесті.

"Мамырда тәулігіне 8,6 миллиард футқа дейін қысқарады деп күтіп отырмыз. Жаз айларында Еуропа мен Азиядағы сұранысты қанағаттандыру аясында бұл көрсеткіш 9 миллиардтан жоғарылайды деген болжам бар", – дейді ведомствода.

Халықаралық энергетика агенттігі 2024 жылға қарай америкалықтар осы сегментте көшбасшы боулы мүмкін екенін жоққа шығармады. ХЭА есебі бойынша АҚШ, Австралия және Ресейдегі табиғи газды сұйылту бойынша бірлескен қуат ол уақытқа дейін СТГ әлем экспортының 90%-ін құрайды.

Алайда Катар сынды ірі экспорттаушы Азия нарығына АҚШ-қа жол бере қоюы екіталай. 2020 жылы таяушығыстық бұл мемлекет 77,6 миллион тонна СТГ экспорттады. Бұл жалпы жеткізулердің 26,5 процентін құрайды. 2024 жылға қарай Парсы шығанағы жағалауындағы кішкентай монархияның газ өндіру көлемі екі есе артады. Ақпанда Дохада Солтүстік кен орнының шығыс бөлігін пайдалану бойынша инвестициялық соңғы шешім қабылданды.

Катардан кейінгі орында 26 проценттік көрсеткішпен Австралия тұр. Үшінші орынға АҚШ (14,7) және төртінші орынға Ресей (10) жайғасты.

Солтүстік мұзды мұхиттағы мұнай және газ ресурстарын жоспарлы түрде игеру он бес жылдан бері ресейлік биліктің әлеуетінде тұр. Наурызда Ресейдің министрлер кабинеті сұйылтылған табиғи газ өндірісін дамытудың ұзақ мерзімді бағдарламасын бекітті. Ол пайдлы қазба көздерін әртараптандыруға, ең алдымен Арктика қайраңы мен Қиыр Шығысты пайдалануға бағытталған.

OilPrice америкалық басылымы жазғандай, егер АҚШ тақтатас өндірісі есебінен ірі экспорттаушының біріне айналса, Ресейге Арктика көмектеседі. Аймақтағы пайдалы қазба қоры үлкен: табиғи газ – 35,7 миллиард текше метр, мұнай мен конденсат – 2,3 миллиард тонна.

Ресей энергетика министрі Александр Новактың айтуынша, 2025 жылға қарай Ресей жылына 68 миллион тонна сұйылтылған табиғи газ өндіріп, әлем нарығындағы үлесін 25 процентке арттыра алады.

OilPrice аналитиктері еуропалықтар үшін ресейлік құбыр желілік газ ғана емес, сондай-ақ сұйылтылған табиғи газ да тартымды екенін атап өтті.

"Ұзақ мерзімді келешекте Ресейдегі СТГ Еуроодақ тұтынушылары үшін оң шешім болады. Себебі АҚШ-қа қарағанда жеткізу жылдамырақ және арзан. Энергетикалық тәуелсіздікті қалайтын Литваның да Ресейден СТГ сатып алуы бекер емес", – деп санайды өнеркәсіптік тәуелсіз сарапшы Леонид Хазанов.

Оның айтуынша, америкалық жеткізушілер үшін Қытай мен Жапония басымдылыққа ие. Себебі бұл мемлекеттерде баға жоғары. Сондықтан ресейлік СТГ мұхиттың арғы жағынан жеткізілетін газды Еуропа нарығынан ысыруы мүмкін.

Қалай болғанда да сын-қатер де жоқ емес. 2025 жылға дейін сұйылтылған табиғи газдың әлем нарығында шамадан тыс көп болуы есебінен бағаның аса жоғары болуын күтудің қажеті жоқ.

0
Кілт сөздер:
мұнай, газ