Бұқар жырау тұрғын үй кешенінде полицейлер жұмысын жалғастыруда

"Даудың басы - диван": атыс болған үйдің тұрғындары оқиғаға не себеп болғанын айтты

111
"Бұқар жырау тауэрс" тұрғын үй кешенінде оқ атқан ер адамды көршілері ашушаң әрі бүкіл ақыл-санасымен дін жолына түскен адам ретінде сипаттады. Олар дәл сол күні оның не себепті ашуға берілгенін айтып берді

НҰР-СҰЛТАН, 26 сәуір — Sputnik. "Бұқар жырау тауэрс" тұрғын үй кешенінің тұрғындары Sputnik Қазақстан тілшісіне 17-ші қабаттан секіріп өлген ер адамның мұндай әрекетке баруына не түрткі болғаны жайлы әңгімелеп берді. 

Көз жұмған ер адамның көршілері даудың басы дивандардан шыққанын айтты. Ол жиһазды ғимараттың бірінші қабатындағы дәлізге қойып қойған. Олардың айтуына қарағанда ер адам бірнеше ай бұрын белгісіз себептермен  дивандарды өрт кезіндегі эвакуациялау есігінің алдына қалдырған.

Диваны, стоявшие в подъезде ЖК Бухар Жырау
© Sputnik / Тимур Батыршин
"Бұқар жырау" тұрғын үй кешенінде тұрған дивандар

"Бұл дивандар 2020 жылдың қыркүйегінен бері сол жерде тұрды. Ол жиһазды ешқайда жылжытқан жоқ, алып та кетпеді. Дивандар өрт кезінде шығатын есікті, жалпы жолды жауып тұрды. Қатты ыңғайсыз болатын. Біз пәтер иелерінің кооперативіне бірнеше рет шағымдандық. Содан кейін бір апта бұрын кооператив қызметкерлері келіп, дивандарды далаға шығарып тастады. Ал өткен аптада қар мен жаңбыр жауды. Нәтижесінде жиһаз зақымдалды. Сенбі күні бұл оның ашуын келтіріп, күзетшіге оқ атты", - дейді аталған үйдің тұрғыны Татьяна Молдашева.

Жительница дома Татьяна Молдашева
© Sputnik / Тимур Батыршин
"Бұқар жырау" кешенінің тұрғыны Татьяна Молдашева

Тұрғындар ер адамды кез келген түсініксіз жағдайда алдында тұрған адамның бетіне түкіруге дайын ашушаң адам ретінде сипаттайды.

Кейбірінің айтуынша, ол 10 жыл бойы жалғыз тұрмаған. Оның әйелі және төрт баласы болған. Алайда бірнеше жыл бұрын олар бұл үйден кетіп қалған көрінеді.

"3-4 жылдан бері жалғыз тұрып келді. Бұрын отбасы бар болатын. Бірақ әйелін ұрып-соғып, дұға жасауға кедергі жасайды деп балаларын түн ауғанша далаға қуып шығатын. Басымен дінге кірген адам еді. Әйелі мен балаларын туыстары келіп алып кетті. Себебі соңғы рет ұрғанда әйелінің тісін сындырды", - деді Татьяна.

Әлеуметтік желі пайдаланушылары кешен тұрғындары неге полиция шағымданбағанына таңданыс білдірді.

"Біз неге бұрыннан бері арызданбағанбыз деп жазып жатыр. Неге біз шағымдану керекпіз? Біз тұрғын үйге қатысты шығындарды төлеп тұрамыз. Оның ішіне күзет те кіреді. Біртүрлі плакаттардың ілініп тұрғаны жайлы айттық та. Бұл адамға мүмкін көмек қажет шығар деп пәтер иелерінің кооперативіне ескерттік. Көңіл бөлген жоқ. Біз қауіпсіз әрі күзетілетін тұрғын үй кешенінде тұрғымыз келеді. Дивандар жайын айтсам, олар кіреберіске шығарылды. Себебі кедергі келтіріп тұратын. Алайда өз беттерінше әрекет етіп, далаға шығара салмай, ол азаматқа ескерту керек еді", - дейді Айжан Мұхаммедиева.

Жительница дома Айжан Мухаммедиева
© Sputnik / Тимур Батыршин
"Бұқар жырау" кешенінің тұрғыны Айжан Мұхаммедиева

Барлық көрші дәл осы дивандар даудың басы болғанына сенімді. Кейбір тұрғындардың айтуынша, атылған оқ дыбыстары бұған дейін де болған. Пәтер иелерінің кооперативі төрағасына бұл жай ескертілгенмен, ешбір шара қолданылмаған.

"Біз оған жиһазды алып тастау туралы айттық. Себебі бірнеше ай бойы жүріп-тұруға қолайсыздық тудырып келді. Ол маған дивандарды алып тастауға уәде берді. Уақыт өтіп жатты, жиһаз тұрған орнында тұра берді. Сосын мен пәтер иелерінің кооперативіне шағымдандым. Жұмысшылар келді де, дивандарды далаға шығарып тастады. Ол осыған қатты ашуланды. Менің білуімшше, ол ескі жиһазды қалпына келтірумен айналысып, осы кәсіппен табыс тауып отырды", - дейді Нуриля есімді тағы бір тұрғын.

Жергілікті пәтер иелері кооперативінің өкілі Әлібек Нұрғали Sputnik Қазақстан тілшісіне осы жағдайға байланысты пікірімен бөлісті. Сұқбат барысында ол оқ атқан ер адамның есімі Руслан екенін айтты.

"Алдымен оған мінездеме берер болсам, ол психологиялық тұрғыдан тұрақсыз, қызба адам болатын. Оның үстінен көп тұрғын шағымданатын. Ол да балалар мен тұрғындарға арызданатын. Бізбен әңгімелесуге құлқы жоқ еді. Бізден жасырынып, әңгімеден басын ала қашатын", - дейді Әлібек Нұрғали.

Представитель местного КСК Алибек Нургали (справа)
© Sputnik / Тимур Батыршин
Жергілікті пәтер иелері кооперативінің өкілі Әлібек Нұрғали

Пәтер иелерінің кооперативі өкілінің айтуынша, ол пәтер ер адамның өзінікі емес. Жылжымайтын мүлік иелері әзірше байланысқа шықпаған.

"Бірақ пәтер иелері – оның әйелінің туыстары деген ақпарат бар. Қазір олар осы жаққа келе жатыр екен", - деді Нұрғали.

Оның айтуынша, марқұм үнемі спорт алаңындағы балаларды қуып, олардың ойнауына мұрша бермеген. Осы әрекеті үшін тұрғындар да жиі шағымданған.

"Диванға қатысты да шағым көп болды. Біз диванды сыртқа шығаратынымыз жайлы оған ескерттік. Ол кезде оның тарапынан қандай да бір наразылық болған жоқ. Бұған дейін оқ атылғаны өтірік. Егер расында да оқ атылса, күзет пен консьерж шара қолданар еді. Ия, плакаттар ілінетін. Тұрғындар суреттерін жіберетін. Мен оны күзетшіге жолдайтынмын. Бірақ ол мән-жайды анықтауға барған күзетшіге есік ашпайтын. Менің білуімше, оның басқарушы компаниямен арасында да кикілжің болған. Бұл басқа басқарушы компанияның кезінде болған оқиға", - деп айтып берді Әлібек Нұрғали.

Оқи отырыңыз: "Мені қауіпті жермен өткізіпті": Алматы тұрғыны полицияның жұмысын сынға алды

Оның айтуынша, пәтер иелерінің кооперативі қауіпсіздікті арттыруы үшін тұрғындар қызмет ақысына қатысты қомақты қарызды өтеулері керек.

"Бүгінде тұрғындар мүлік иелерінің бірлестігін құрды. Қазір қабылдау-тапсыру процесі жүріп жатыр. Барлық мәселе сот процесіне тіреліп тұр: тұрғындар қарызы шамамен 40 миллионға жуықтайды. Шағымданып отырған да осы қарызы бар тұрғындар. Олар екі жылдан бері тиісті төлем жасамай келеді. Осы қарыз өтелсе, біз лифтілерге камера орнатып, күзетті де күшейтер едік, периметр бойынша көбірек камера қояр едік. Қарыз көп болғандықтан, мүмкіндік те жоқ", - деді Нұрғали.

Ал тұрғындар пәтер иелері кооперативінің төрағасы осындай қайғылы жағдайдың болуына жол бергені үшін жауап беретініне сенімді.

"Олар тұрғындармен етене байланысып жұмыс жүргізулері керек. Бар ойы ақшада, бұл ұйым кетсін. Марқұмға жолығып, дұрыстап сөйлесуге болар еді. Ал олар болса дивандарды қар мен жауын астына қалдырып қойды", - дейді "Бұқар Жырау Тауэрс" тұрғындары.

Еске салсақ, "Бұқар жырау" тұрғын үй кешені №3 блоктың Валентина есімді консьержі бірнеше күн бұрын атыс ашқан ер адам туралы айтып берді.

Оқ атқан ер адам жайлы не білеміз

Алматы полициясы тұрғын үйде оқ атқан ер адам 1963 жылы туған және Ресей азаматы екенін хабарлады. Кейбір деректер бойынша, ол пәтер жалдап тұрған. Сондай-ақ полиция департаментінің баспасөз қызметі біраз уақыт бұрын оның әйелі мен бала-шағасы одан кетіп қалғанын мәлімдеді. Ер адамның мұндай қылмыстық әрекетке баруының себебі әзірше белгісіз.

Тұрғындардың айтуынша ер адамның күзетшімен дауласуына далаға шығарылған дивандар себепші болған. Көршілері оның ашушаң болғанын және дөрекілігі үшін оны үй тұрғындарының чатынан шығарып тастағанын айтып берді.

111
Кілт сөздер:
Алматы, атыс
Тақырып бойынша
Алматыда күзетшіні атып, терезеден секіріп өлген ер адам Ресей азаматы болып шықты
Алматыдағы атыс: "Бұқар Жырау" тұрғындарының зәресін ұшырған оқиға қалай өрбіді - фото
"Бетіне түкірді": атыс болған үйдің қызметкері секіріп өлген ер адам туралы айтты
Атыс пен арнайы операциядан кейінгі "Бұқар жырау" тұрғын үй кешенінің кейпі – фото
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

146
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

146
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды

1739
(Жаңартылды 13:38 14.05.2021)
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

1739
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

10
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

10
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды