Қоғам

Министр Цой төтенше жағдай режимі туралы айтты

© Photo : министерство здравоохранения Республики КазахстанАлексей Цой
Алексей Цой - Sputnik Қазақстан, 1920, 30.04.2021
Жазылу
Төтенше жағдай жариялауға елдегі ауыр санитарлық-эпидемиологиялық жағдай және төсек-орын қорының 70%-тен астамының науқастарға толуы себеп болады

НҰР-СҰЛТАН, 30 сәуір – Sputnik. Денсаулық сақтау министрі Алексей Цой төтенше жағдай режимі қай кезде енгізілуі мүмкін екенін айтты, деп хабарлайды Sputnik Қазақстан тілшісі.

"Қазіргі таңда төтенше жағдай режимі қарастырылып жатқан жоқ. Бірақ заңға сәйкес, бұл режим мемлекет басшысының жарлығымен енгізіледі және мемлекеттік комиссияда қабылданады. Төтенше жағдай жариялауға негізгі критерий – елдегі ауыр санитарлық-эпидемиологиялық жағдай және төсек-орын қорының 70%-тен астамының науқастарға толуы", - деді Цой халыққа есеп беру кездесуінде.

Яғни, оның айтуынша, денсаулық  сақтау жүйесіне ауыр салмақ түскен жағдайда қатаң шектеу шаралары үшін осындай шешім қабылданады.

Оқи отырыңыз: Қазақстан өңірлеріне таяуда қытайлық вакцина жеткізіледі – Цой 

Бұған дейін Алексей Цой қазақстандықтарға қашан масканы шешуге рұқсат берілуі мүмкін екенін айтқан болатын.

Жаңалықтар
0