Акция аясында үлестірілетін азық-түлік көмегі

"Елбасы жылуы" қайырымдылық акциясы басталды: алты облыс тұрғындарына көмек көрсетіледі

114
"Дегдар" қорының директоры Лаура Ахметова "Елбасы жылуы" акциясы Нұрсұлтан Назарбаевтың бастамасымен қолға алынғанын айтады

АЛМАТЫ, 30 сәуір – Sputnik. Қазақстанда Елбасының бастамасымен "Елбасы жылуы" ауқымды қайырымдылық акциясы басталады, деп хабарлайды Нұрсұлтан Назарбаев қорының баспасөз қызметі.

Нұрсұлтан Назарбаев қоры мен "Дегдар" қайырымдылық қоры акция аясында республикадағы мұқтаж жандарға көмектеседі. Акция аясында Маңғыстау, Шығыс Қазақстан, Ақмола, Солтүстік Қазақстан, Алматы және Түркістан облысынан 681 отбасыға азық-түлік, алғашқы қажетті тауарлар жеткізіледі.

Тұрмысы төмен көпбалалы отбасыларға, ерекше қажеттілігі бар балаларды тәрбиелеп отырған отбасыларға және Ұлы Отан соғысының қатысушылары бар жанұяларға көмек көрсетіледі.

Мұқтаж 681 отбасының әрқайсысы 132 келі шамасында азық түлік тауарын алады. Оның ішінде 25 келі ұн, 25 келі картоп, жеміс, күріш, қарақұмық, шай, қант, күнбағыс майы, гигиеналық құралдар бар.

Коронавирус пандемиясы әлем елдері үшін ауыр сынақ болды. Әрі қамқор жандардың қайырымдылық бастамасының көбеюіне айтарлықтай серпін берді.

"Кейінгі жылдары ұйымның мұқтаж жандарға қалай көмектескеніне мыңдаған адам куә болды. Бұған қоса Елбасы бастамасымен құрылған "Birgemiz" қорының аясында миллиондаған жерлесімізге азық-түлік, медициналық құрал-жабдық және қаржы түрінде көмек көрсетілді", – деді Нұрсұлтан Назарбаев қоры атқарушы директорының орынбасары Әлкей Марғұланұлы.

Ол қордың карантиннің алғашқы күнінен бастап дәрі-дәрмек сатып алуға және медицина қызметкерлерін қолдауға 200 миллион теңге бөлгенін атап өтті.

Мақсат – мұқтаж жандарға көмектесу

"Дегдар" қорының директоры Лаура Ахметова "Елбасы жылуы" акциясы Нұрсұлтан Назарбаевтың бастамасымен қолға алынғанын айтты. Оның мақсаты – мұқтаж жандарға көмектесу.

"Дегдар" қоры Нұрсұлтан Назарбаев қорымен бірге талай шаруаны қолға алды. Мұқтаж жандардың өтінішіне құлақ түріп, талдау жасап, тауарды сатып алу мен жеткізуді қамтамасыз етті. Қайырымды бұл істі өзгелер де жалғастырып, насихаттайды деп сенеміз. "Елбасы жылуы" акциясы басқа ұйымдарға үлгі-өнеге болады деп үміттенеміз", – деді Ахметова.

Оқи отырыңыз: "Қиналып кеттім": қазақстандықтар жалғызбасты әкеге бір бума ақша жинап берді – видео

Айта кетейік, 2020 жылы қатаң карантиндік шектеулер кезінде Нұрсұлтан Назарбаевтың бастамасымен құрылған Birgemiz қоры мұқтаж отбасыларға 50 мың теңге мөлшерінде бір реттік көмек берді.

114
Кілт сөздер:
Елбасы, қайырымдылық
Тақырып бойынша
Әлемдік азық-түлік экспорты: шектеу енгізудің зардабы мен пайдасы қандай?
"Бәріне шыдап келеді": депутат әлеуметтік наразылыққа әкелуі мүмкін мәселені көтерді
Министрлік атаулы әлеуметтік көмекке қатысты жаңа мәлімет таратты
Қазақстан Сирияға 500 тонна гуманитарлық көмек жеткізді
Елордада тұрмысы төмен отбасыларға 50 азық-түлік себеті жеткізілді
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

90
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

90
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

45
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

45
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1207
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1207
Кілт сөздер:
Қазгидромет, ауа райы