Қызылорда қаласы

Қазақстандықтарға мереке күндері адам көп жиналатын жерге бармауға кеңес берілді

172
(Жаңартылды 15:31 01.05.2021)
Қазір елімізде бірнеше өңір "қызыл" аймақта тұр. Соған байланысты бұқаралық шараларға тыйым салынған

АЛМАТЫ, 30 сәуір – Sputnik. Денсаулық сақтау министрлігі санитарлық-эпидемиологиялық бақылау комитетінің ресми өкілі Ержан Байтанаев қазақстандықтарға мамырдағы мерекелерді үйде атап өтуге шақырды.

"Мереке күндері қазақстандықтарды бұқаралық іс-шараларды ұйымдастырмауға, адамдар көп жиналатын жерге бармауға және демалыс күндерін шағын отбасылық шеңберде өткізуге шақырамын", – деді Байтанаев.

Ол сондай-ақ бүкіл әлемдегі эпидемиологиялық жағдайдың тұрақсыз екенін еске салды.

Көптеген елде коронавирус жылдам таралып, пандемия құрбандарының саны күн сайын артып келеді. Мамандар Covid-19 коронавирусының мутациясы мен жаңа штамдары екі есе тез таралатынын және сырқат ауыр өтетінін айтып жатыр.

"Адам көп жиналатын жерде инфекция жұқтыру қаупі өте жоғары. Барлық мерекені және өзге де іс-шараларды онлайн форматта өткізуге немесе отбасыңызбен бірге үйде болуға шақырамын. Сауда ойын-сауық орталықтарына, қоғамдық тамақтану орындарына барып, өз денсаулығыңызға, жақындарыңыздың, сондай-ақ айналаңыздағы адамдардың өміріне қауіп төндірмеңіз", – деп толықтырды комитет өкілі.

Қазақстандықтарға барлық санитарлық ұйғарымдарды, жеке сақтық шараларын қатаң сақтап, коронавирусқа қарсы вакцина салдыру қажет. Тек, осылай ғана инфекцияны жеңуге болады, деп атап өтті Байтанаев.

"Қазір Қазақстанның көптеген өңірі "қызыл" аймақта тұр. Сол себепті салтанатты, мерекелік және басқа да бұқаралық іс-шараларды ұйымдастыруға қатаң тыйым салынады. Алайда қойылған талаптардың сақталмай отырғанын көріп отырмыз. Оны сақтамайтын азаматтар мен бизнес өкілдері. Құрметті қазақстандықтар, сақтық шараларына жауапсыздық танытпауларыңызды сұраймын. Осы жарқын мерекені – Қазақстан халқының бірлігі күнін жақындарыңыздың арасында өткізіңіз, өзіңізді күтіп, үйде болыңыз", – деді ол.

Оқи отырыңыз: Сағынтаев карантин кезінде кәсіпкерлерге қандай көмек көрсетілетінін айтты

Айта кетейік, 1 мамыр – Қазақстан халқының бірлігі күні. Биыл мереке сенбіге түсті, сондықтан қазақстандықтар дүйсенбіде демалады.

172
Кілт сөздер:
карантин, денсаулық сақтау
Тақырып:
Төтенше жағдай және карантин (819)
Тақырып бойынша
Алматыда карантин талаптарын жиі бұзатын мейрамханалар белгілі болды
"Карантин шараларын жеңілдетудің жалғыз жолы – вакциналау": иммунолог пікір білдірді
Қазақстанда қатаң карантин енгізіле ме?
Блок бекеттер мен түнгі қозғалысқа шектеу: тағы бір облыста карантин күшейтіледі
Қарағанды облысында карантин күшейтілді
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

79
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

79
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

39
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

39
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

1086
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1086
Кілт сөздер:
Қазгидромет, ауа райы