Люди в масках на улице в Нур-Султане

Қазақстанның бас санитар дәрігері жаңа қаулыға қол қойды: қандай өзгеріс енгізіледі

1905
(Жаңартылды 11:15 01.05.2021)
2021 жылдың 3 мамырынан бастап күшіне енетін қаулыда мешіттер мен басқа да діни орындар аумағындағы ашық аспан астында кейбір талаптарды сақтай отырып, ұжымдық іс-шаралар өткізуге рұқсат етілген

НҰР-СҰЛТАН, 1 мамыр – Sputnik. Қазақстан республикасының бас мемлекеттік санитар дәрігері Ерлан Қиясов карантиндік шектеулер туралы жаңа қаулыға қол қойды, деп хабарлайды Sputnik Қазақстан.

Қаулыға сәйкес, вакциналанған азаматтардан Қазақстан шекарасынан өту кезінде ПТР анықтамасы талап етілмейді (егер вакцина салдырғаны туралы құжаты болса). Сон сияқты шетелден Қазақстанға келетін адамдар мемлекеттік шекараны кесіп өткен кезде, теріс нәтиже көрсетілген ПТР анықтама (қазақ, орыс немесе ағылшын тілінде) ұсынуы керек. 5 жасқа дейінгі балаларды қоспағанда, оларды алып жүретін адамдардан да анықтама сұралады және құжаттағы көрсетілген мерзім шекарадан өту кезінде 3 күннен асып кетпеуі тиіс.

"Егер пациенттен COVID-19 диагнозы расталса, оған медициналық көмек көрсеткен қызметкерлер үй карантинінде оқшауланып, COVID-19-ға қарсы зертханалық тексеріс жүргізіледі. Егер нәтиже оң болса, оны жұмыстан шеттетіп емдеуге жібереді. Ал теріс нәтиже көрсетсе, ол өз міндеттерін орындауды жалғастырады және 14 күн бойы дәрігердің бақылауында болады", - делінген қаулыда.

Мемлекеттік органдардың (ұйымдардың), ұлттық кампаниялар мен басқа да кеңселердің COVID-19-ға қарсы вакциналанбаған және соңғы 6 айда COVID-19 ауруымен ауырмаған қызметкерлері қашықтан жұмыс істеу форматына ауыстырылады. Ал ондай міндеттерді қашықтан орындау мүмкін болмаған кезде, жұмыс қалыпты жағдайда жалғасады.

Мұндай талап мәдени нысандар мен санаторийлердің, демалыс үйлері мен мектепке дейінгі ұйымдардың қызметкерлеріне де қатысты.

Өнеркәсіптік кәсіпорындар мен өндірістік объектілердің жұмыс берушілері, оның ішінде вахталық әдіспен жұмыс жасайтындар, сондай-ақ COVID-19-ға қарсы вакцина алмаған және соңғы 6 айда COVID-19-бен ауырмаған жұмысшыларды қашықтан істеуге жіберуге міндетті. Олардың өндірістік объектіде болуы талап етілмейді.

Оқи отырыңыз: Қарағанды облысында карантин күшейтілді

Медицина қызметкерлері еңбек демалысынан, іссапардан, сырқаттанғандықтан жұмыс орнында болмауына байланысты, медициналық жоғары оқу орындарының және медициналық колледждердің студенттері медициналық ұйымдардажұмысқа кіріспес бұрын медициналық ұйымға COVID-19 сынағының теріс нәтижесі көрсетілген анықтама болғанда ғана жұмыс істеуіне рұқсат етіледі. Сондай-ақ олардың ПЦР анықтамасы 3 күннен аспауы тиіс және COVID-19 вакцинациясының толық курсын алғандығын растайтын құжаты болуы керек.

Мешіттердің, православие шіркеулерінің және басқа да діни орындардың аумағында ашық аспан астында ұжымдық діни іс-шараларды (жұма намазы, күнделікті православтық дұғаларды және басқаларын қоса алғанда) өткізу маска режимі мен әлеуметтік арақашықтықты ескере отырып жүзеге асырылады. Бір адамға 4 метр.

Қаулы 2021 жылдың 3 мамырынан бастап күшіне енеді.

Құжаттың толық нұсқасымен мына жерде танысуға болады.

1905
Кілт сөздер:
шектеу, карантин
Тақырып:
Төтенше жағдай және карантин (817)
Тақырып бойынша
"Карантин шараларын жеңілдетудің жалғыз жолы – вакциналау": иммунолог пікір білдірді
Блок бекеттер мен түнгі қозғалысқа шектеу: тағы бір облыста карантин күшейтіледі
Цой Қазақстанда вакцинаны тағы кімдер тегін салдыра алатынын хабарлады
Қарағанды облысында карантин күшейтілді
Нұр-Сұлтанда карантин күшейтіледі
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

4
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

4
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды - мемлекеттік корпорация

648
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

648
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс