Әйел сұлбасы

Үйінде босандырып алған: құлдықта болған алматылық келіншек әділдік іздеп жүр

2446
(Жаңартылды 14:58 01.05.2021)
Қаладағы көлік жуу орталығына жұмысқа орналасқан Раданың аянышты тағдырын естіген әріптестері оған қоғамдық қорға жүгінуге кеңес берген

НҰР-СҰЛТАН, 1 мамыр – Sputnik. Бар-жоғы 18 жастағы алматылық Рада өмірінің соңғы 6 жылын тозаққа теңейді, деп хабарлайды "Астана" арнасы.

Айтуынша, ес біле сала, құлдық қамытын киген. 11 жасында анасы мен әжесіне еріп, Өзбекстаннан қоныс аударған ол көрмеген қорлығым қалмады деп еске алады.

Қазақстанға келгеннен кейін Раданың шешесі өз анасы мен қызын тастап кеткен. Құжатсыз, үйсіз далада қалған кейуана мен немере күн көріп, жан бағу үшін шұлық сата бастайды. Сол кезде 24 жастағы бейтаныс жігіт оларға көмектесетінін айтып, бірге тұрайық деп үйіне алып барған.

Бірге тұруға жігіттің ата-анасы бастапқыда қарсылық танытқанымен, кейін әжесіне күнделікті үй шаруасын, ал кішкентай қызға сырттың жұмысын тапсырыпты.

"Әжем сол үйдің тазалығына, ал мен 15-20 шақты алабай итке тамақ берумен айналыстым. Сөйтіп жүргенде сол үйдің ұлы – бізді үйіне ертіп барған баласы мені зорлады, ұрып-соқты. Мұрнымды сындырды. Күнде қорлық көрдім, 14 жасымда жүкті болып қалдым", – дейді Рада.

Жігіттің әке-шешесі бұлт жайтты полиция естімеу үшін барын салған көрінеді. Әжесін туыстарының үйіне жіберіп, ал өзіне сес көрсеткен. Құжатсыз болғандықтан, отбасы мүшелері үйде босандырып алды деп отыр.

Екі жылдан кейін екінші нәрестесін дүниеге әкелген. Бірақ шақалақ 3 айдан кейін шетінеп кетіпті. Тек, былтыр ғана үйде ешкім жоғын пайдаланып, отбасынан қашып шыққан. Қаладағы көлік жуу орталығына жұмысқа орналасқан Раданың аянышты тағдырын естіген әріптестері оған қоғамдық қорға жүгінуге кеңес берген.

"Жыл басында Рада біздің қордан көмек сұрап хабарласты. Ол өзін құлдықта ұстаған отбасынан 4 жастағы қызын алып әрең қашып шыққанын, бірақ қорқынышпен жүргенін айтты. Бұл жерде оны зорлап-қорлаған жігіт қана емес, оның ата-анасы да әділ жазалануы тиіс", – дейді қоғамдық қордың директоры Алмат Мұхамеджанов.

Қоғамдық қордың демеуімен, Рада құқық қорғау органдарына арыз жазды. Күдікті қазір қамауға алынған. Облыстық полиция департаменті оған қатысты тергеуді бастап кетті.

"Қазіргі кезде отыз бір жастағы күдікті қамауға алынды. Қылмыстық іс жүргізу кодексінің 300-бабы негізінде зерделеу үшін іс материалдары прокуратураға жолданды", – дейді Алматы облыстық полиция департаментінің ресми өкілі Ақбота Қуанышбекқызы.

Оқи отырыңыз: "Ыстық сумен күйдіретін": Сексуалдық құлдықта болған қыз азапты күндерін еске алды – видео

Осы күндері Рада қызымен бірге көлік жуу орталығында тұрып жатыр. Жергілікті атқамінерлер оның 4 жастағы қызына туу туралы куәлік жасап берген.

Сондай-ақ келіншек қайырымды жандардың көмегімен Өзбекстанға барып құжаттарын да реттеп келген. Әжесін де тауып алыпты. Оның ендігі мақсаты азаматтық алу. Енді ол құлдықта өткен өмірін санадан өшіріп, өмірін жаңа парақтан бастауды көздейді. Ал күдіктілердің кінәсі дәлелденсе, 5 жылға дейін бас бостандығынан айырылуы мүмкін.

2446
Кілт сөздер:
құлдық, адам құқығы
Тақырып бойынша
"Бала 200 сомға құлдыққа сатылады": қырғыз халқы дүрлігіп кетті
Тұрғындарды үрейде ұстаған дәмхана қожайыны 17 жылға сотталды
Қазақстанның оңтүстігіндегі қыздарды құлдыққа сатқан қылмыстық топ ұсталды
Он жыл құлдықта болған қазақстандық әйел көрген азабын айтып берді
Ақтөбе облысында 58 жастағы шетелдік бір жыл бойы құлдықта болған
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

51
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

51
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды - мемлекеттік корпорация

878
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

878
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс