Аурухана, архивтегі фото

Бір тәулікте коронавирус пен пневмониядан 32 адам қайтыс болды

54
(Жаңартылды 09:52 04.05.2021)
45 мыңнан астам адам коронавирустан ем қабылдап жатыр, олардың 15 мыңнан астамы стационарда

НҰР-СҰЛТАН, 4 мамыр — Sputnik. Қазақстанда бір тәулікте коронавирустан 29 адам, вирустық пневмониядан үш адам көз жұмды, деп хабарлады денсаулық сақтау министрлігі.

Қазір КВИ-ден 45 012 адам ем қабылдап жатыр (44 601 КВИ+ және 411 КВИ-). Оның 15 517 пациенті стационарда, ал 29 495 науқас амбулаторлық жағдайда емделуде.

КВИ+ және КВИ- науқастарының арасында:

  • ауыр жағдайда - 770 пациент,
  • өте ауыр жағдайда – 192 пациент;
  • жасанды тыныс алдыру аппаратына 130 науқас қосылған.

Оқи отырыңыз: Мөлдір Әуелбекова жағымсыз жаңалығын бөлісті

Өткен тәулікте 2 076 адамнан коронавирус инфекциясы, 10 адамнан пневмония анықталды. 

54
Кілт сөздер:
Қазақстан, қайтыс болды, коронавирус
Тақырып:
Коронавирус эпидемиясы (2329)
Тақырып бойынша
Қазақстандықтарға мереке күндері адам көп жиналатын жерге бармауға кеңес берілді
Қазақстанда тағы бір облыс коронавирустың "қызыл" аймағына енді
Қазақстанда коронавирус жұқтырғандар туралы ақпарат шықты
Коронавирустың таралуы бойынша "қызыл" аймаққа тағы екі өңір кірді
Қазақстанда коронавирус жұқтырғандардың саны біршама азайды
Жер, монета, иллюстративті сурет

Тоқаев жерді шетелдіктерге сатуға тыйым салатын заңға қол қойды

1140
Ауыл шаруашылығы жерлерін жалға беруге қатысты мораторийдің мерзімі осы жылдың соңында аяқталады

НҰР-СҰЛТАН, 13 мамыр – Sputnik. Мемлекет басшысы Қасым-Жомарт Тоқаев "Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы" заңға қол қойды, деп хабарлайды Ақорда.

Заңда ауыл шаруашылығы жерлерін шетелдіктерге және шетелдік компанияларға, шетелдік үлесі бар қазақстандық компанияларға, азаматтығы жоқ адамдарға, халықаралық қатысу үлесі бар ғылыми орталықтарға, сондай-ақ қандастарға беруге толықтай тыйым салынған.

Сонымен қатар мораторийге дейін ауыл шаруашылығы жерлерін жалға алған шетелдіктер және шетелдік үлесі бар қазақстандық компаниялар үшін жерді жалдау мерзімі ұзартылмайды. Осы заң күшіне енгеннен кейін жер шетелдіктерден қайтарып алынады.

Ал қандастарға жер учаскесі жеке қосалқы шаруашылық, бақ өсіру және саяжай құрылысы үшін беріледі. Олар ауыл шаруашылығы жерлерін Қазақстан азаматтығын алғаннан кейін ғана жалға ала алады.

Тағы оқыңыз: Министр Омаров шетелдіктер қанша гектар жерді жалға алып отырғанын айтты  

13 наурызда мемлекет басшысы шетелдіктерге жерді сатуға және жалға беруге тыйым салатын заң жобасын парламентке жолдады. Тоқаев өзінің президент ретінде заң шығаруға бастамашылық ету құқығын пайдаланған.

Бұған дейін Қасым-Жомарт Тоқаев ауыл шаруашылығы жерлері шетелдіктерге сатылмайтынын бірнеше мәрте мәлімдеген болатын.

Жер туралы заңның атышулы баптарына қатысты жарияланған мораторийдің мерзімі 2021 жылдың желтоқсанында аяқталады.

1140
Кілт сөздер:
жер, ауыл шаруашылығы, Қасым-Жомарт Тоқаев
Тақырып бойынша
Тоқаев жерді сатуға немесе жалдауға тыйым салатын заң жобасын мәжіліске жолдады
Шетелдіктерге жерді сатуға тыйым салатын заң жобасы сенатқа жолданды
Мәжіліс жерді шетелдіктерге сатуға тыйым салатын заң жобасын талқылайды
Жерді сатуға тыйым салатын заң президентке жолданды
Нұр-Астана мешіті

Халық сыймай кетті: Нұр-Сұлтанда айт намазы қалай өтті фото

220
(Жаңартылды 10:12 13.05.2021)
Мешіт қызметкерлері намаз оқитын кілемдерді төсеп, ара қашықтықты сақтауға арналған белгілер орнатқан

НҰР-СҰЛТАН, 13 мамыр – Sputnik. Бүгін барлық мешітте Ораза айт намазы оқылды. Эпидемиологиялық жағдай толығымен түзелмесе де, биыл жамағатпен бірге мұсылмандық парызды орындауға рұқсат беріліп отыр. Sputnik Қазақстан тілшісі Нұр-Астана мешітіне барып, Ораза айт намазына қатысып қайтты.

Айт намаз во дворе мечети
© Sputnik / Абзал Калиев
Мешіт маңындағы адамдар

Бүгін таңмен таласқан астаналықтар пандемияны бір сәтке ұмытып, бұрынғы өмірге оралғандай болды. Мешітке жақындаған сайын халықтың қарасы көбейіп, барлығы бір сапқа тұруға асықты. Бұрынғыдай көліктерін жолдың жиегіне тастап, мешітке тезірек жетуге тырысты.

Айт намаз во дворе мечети
© Sputnik / Абзал Калиев
Мешіт сыртында дұға еткен жамағат

Ал сапқа қосылған адамдар бір-біріне жақын тұруды қалады. Бірақ имам дауыс зорайтқыш арқылы үнемі санитарлық талаптарды еске салып отырды. Осы жолы мешіт қызметкерлері намаз оқитын кілемдерді төсеп, арақашықтықты сақтауға арналған ағаш белгілерін де орнатты. Сөйтіп бір кілемшенің үстінде екі-үш адам ғана намаз оқыды.

Айт намаз во дворе мечети
© Sputnik / Абзал Калиев
Нұр-Астана мешітінің ауласы

Дегенмен аулаға сыймай, ағаштардың арасына кіріп кеткен адамдар бір-біріне жақын тұруға тырысты. Нұр-Астана мешітінде бас мүфтидің орынбасары Ершат Оңғар да жамағатпен бірге намаз оқыды.

Айт намаз во дворе мечети
© Sputnik / Абзал Калиев
Мешіт сыртында намаз оқып отырған адамдар

"Аллаға шүкір, елімізде мешіттердің сыртында жұма намазын оқуға рұқсат берілді. Міне, бүгін Ораза айт намазын оқып жатырмыз. Пандемия жағдайында біз өмірді басқа қырынан таныдық. Әсіресе арақашықтықты сақтай отырып, қайырымдылық іс-шараларын көп өткіздік. Алла тағала осы қайырымдылық шараларымызға атсалысқан барша иманды жандардың тілеуін берсін. Ғибадат-құлшылықтарын, ізгі амалдарын сауаптан жазсын. Халқымызға мына жұқпалы індеттен аман-есен шығуымызды нәсіп етсін. Алла тағала бізді қалыпты өмірге қайтарып, мішеттеріміз толып, қайтадан жамағатпен бірге намаз оқуға көп дұға қылуымыз қажет", – деді Оңғар Sputnik Қазақстан тілшісіне берген сұхбатында. 

Айт намаз во дворе мечети
© Sputnik / Абзал Калиев
Айт намазына жиналған жамағат

Астаналықтар да жамағатпен бірге намаз оқып жатқанына қуанып жатыр. 

"Мына пандемия сияқты қиын жағдайды ептеп еңсеріп, жамағатпен бірге намаз оқуға рұқсат беріліп отыр. Алла қаласа осы індеттен құтылып, қалыпты өмірге ораламыз. Халқымыз аман болсын", – дейді олар.  

Нұр-Астана мешітінде өткен Ораза айт намазында өзге елдің азаматтары да болды.

220
Кілт сөздер:
мешіт, ораза айт, айт намазы
Тақырып бойынша
Мүфтият Ораза айт намазына қатысты мәлімдеме жасады
Ертең Ораза айт мерекесі басталады: бұл күні не істеуге болмайды
Құрбан айт күні иесінен қашқан бұқаның әрекеті жұртты таңғалдырды – видео   
Бас мүфти қазақстандықтарды Ораза айт мерекесімен құттықтады
Президент қазақстандықтарды Ораза айт мерекесімен құттықтады
Биыл мешіттерде Ораза айт намазы оқылмайды – ҚМДБ
Сұлулық салонында маска киген әйел

Оралда шашын салонда боятқан әйел жансақтау бөлімінен бір-ақ шықты

0
(Жаңартылды 11:03 13.05.2021)
Әйел оған бояу жақпастан бұрын сынама жасалмағанын, өзін жаман сезінгенде қызметкерлер жедел жәрдем шақырмағанын айтады

НҰР-СҰЛТАН, 13 мамыр — Sputnik. Оралда әйел сұлулық салонында шашын боятқаннан кейін жансақтау бөліміне түскен. Дәрігерлер анафилаксиялық шок болғанын айтады, деп хабарлайды Мой город порталы.

38 жастағы Зүлфия Длимбетова 10 мамыр күні Zama салонына модель ретінде шаш боятуға барады. Бояуды маманның бақылауымен стажер жасап, клиент тек пайдаланылған материал үшін ақы төлеуі керек болған. Әйел дәл осы салонға бірінші рет келгенін айтты.

"Мен қаланың әр түрлі салондарында шашымды боятатынмын, алайда ол жерлерде талапқа сәйкес сынама жүргізетін. Zаmа салонында Супру оксидантын араластырды да, екі стажер шашымды бояды. Қасымызда отырған маман бақылап отырды. Осы арада тағы бір клиент келіп, ол шаш қиюға кетіп қалды. Сондай-ақ ол жерде басқа бір клиенттің шашын қиып жатқан салон иесі де бар еді", - дейді жәбірленуші.

Зүлфия оксидантты қолданғаннан кейін 20 минуттан соң оның алақаны мен беті қатты қыши бастағанын, кейін бүкіл денесінде қышу пайда болғанын жеткізді. Осы арада ол стажерден бояуды жуып тастап, маманды шақыруды өтінеді.

Алайда Оксана есімді шебердің "Бәрінде болады, 20 минут күтсін, кейін жуып тастаймыз", - дегенін еске алады Зүлфия.   

15 минуттан кейін әйелге ауа жетпей, тұншығып, құлап түскен. Осы кезде стажер жедел жәрдем шақыруға талпынғанмен салондағылар тыйым салды.

Салонның иесі Хадиша есімді әйел өзінің дәрігеріне хабарласып кеңес алады.

Оқи отырыңыз: Нұр-Сұлтандағы шаштаразда болған атышулы оқиға: полиция түсініктеме берді

"Дәрігермен сөйлескеннен кейін олар маған валерьянка беруге тырысты, бірақ менің тіпті су жұтуға әлім болмады, ісініп кеттім. Тырнақтарыма дейін көгеріп кетті", - дейді зардап шеккен әйел.

Кейін жедел жәрдем келіп, әйелді ауруханаға алып кеткен. Квинке ісігі мен анафилаксиялық шок диагнозы қойылды. Зүлфия бір тәулік бойы жансақтау бөлімінде жатқанын, дәрігерлердің көмегімен аман қалғанын алға тартты.  

Оның айтуынша, осы уақыт аралығында оған салоннан ешкім қоңырау шалмаған, кешірім де сұрамаған.

Осы оқиғадан кейін ағасы салон иесінен жарты миллион көлемінде шығын өтеуін сұраған. Салон иесі саудаласып, маусымға дейін 300 мың теңге ғана беретінін айтқан.

"Маған бұл ақша керек емес, заңға сәйкес әрекет етемін. Егер мен өліп кетсем, 500 мың теңге менің кәмелетке толмаған үш баламды құтқара алмас еді", - деп баса айтты Зүлфия.

Әйелдің айтуынша, салондағылар бұл оқиғаны жарияламауды өтінген. Салон иесі тіпті оны және ағасын алаяқтар деп айыптап, олардың ақша бопсалаумен айналысатынын айтқан.

Батыс Қазақстан облысы денсаулық сақтау басқармасының баспасөз қызметі әйелдің анафилаксиялық шок диагнозымен қалалық көпсалалы ауруханаға түскенін растады.

Облыстық полиция департаментінің баспасөз қызметі бұл факт бойынша сот-медициналық сараптама тағайындалып, оның нәтижесі бойынша тиісті шешім қабылданатынын атап өтті.

0
Кілт сөздер:
Орал, шаш бояуы, шаштараз, сұлулық