Пернетақта

Қазақстанда мемлекеттік органдардың сайтына кибершабуыл жасалды

79
Зиянды бағдарламалық жасақтамасы бар хаттар ведомстволардың электронды поштасына танымал брендтер атынан жолданып отырған

НҰР-СҰЛТАН, 4 мамыр – Sputnik. "МТҚ" АҚ KZ-CERT компьютерлік жағдайларға әрекет ету қызметі мемлекеттік органдардың сайтына жасалған кибершабуылдар жайлы мәліметпен бөлісті. Мұндай шабуылдар "First Heartland Jýsan Bank" АҚ атынан келген хаттар түрінде болған.

KZ-CERT ақпараты бойынша, хакерлер хат жолдаушының мекенжайын өзгерту (email-spoofing) көмегімен хат жолдау әдісін қолданған. Сондай-ақ мұндай хаттарды танымал брендтердің атынан жолдап отырған.

"Бұл жағдайда банктің жалған қызметкері атынан хат келіп, онда банк қызметтерді сатып алуға арналған коммерциялық ұсыныстарды сұратып отырғаны жазылған. Олар техникалық сипаттаманы қоса тіркеген"¸ – дейді KZ-CERT мамандары.

Файлды тексергеннен кейін мамандар оның LOKIBOT секілді зиянды бағдарламалық жасақтама түріне жататынын анықтаған. Бұл процесті іске қосқаннан кейін қаскөйдің серверіне пайдаланушының компьютеріндегі түрлі мәлімет жолданады. Көбіне бұл жеке мәліметтер мен құпия ақпарат, сондай-ақ сақтаулы құпиясөздер.

Мамандар мемлекеттік органдарға қатысты зиянды хаттар жолдамаларын "Мемлекеттік техникалық қызмет" АҚ-ның электронды поштасының бірыңғай шлюзы арқылы анықтаған. Қазір зиянды жасақтамасы бар хаттар залалсыздандырылды.

Мекеменің желісіне зиянды бағдарлама енгенін қалай анықтауға болады

  • Tender.doc.exe процесінің бар-жоғын анықтау үшін іске қосылған-қосылмаған процестер тізімін тексеру керек, сондай-ақ "C:\Users\admin\AppData\Local\Temp\OrypwQoZAVfVbUNeVeZreUowcWAXopLuuztTZrTcHwcTZwOKdyXeZNTTciiorr.exe" жолы арқылы файлдың бар-жоғын анықтау қажет.
  • Мекеме желісінің хакерлердің басқарушы серверлерімен (51.195.53.221, 199.101.134.238, 192.124.249.24) біріккенін тексеру керек.
  • Антивирусты бағдарламалық жасақтама көмегімен ЗБЖ бар-жоғын анықтау үшін хосттарды сканерлеген жөн.

Егер сіз ақпараттық қауіпсіздік саласындағы шабуыл құрбанына айналсаңыз, 1400 тегін нөміріне хабарласып (тәулік бойы) немесе https://t.me/kzcert Telegram-чатында өтінім қалдырсаңыз болады.

Еске салсақ, бұл ведомстволар басқаруындағы сайттарға жасалып отырған бірінші шабуыл емес. 2020 жылдың қыркүйегінде kundelik.kz пен bilimland.kz білім беру платформаларына бірқатар DDoS-шабуыл тіркелді. Хакерлер қашықтықтан оқу кезінде порталдардың жұмысына зиян келтіргісі келді.

Хакерлік шабуылдар көбеюде

Бір жылдың ішінде Қазақстанда хакерлік шабуылдар саны екі есе артты. 2020 жыл қорытындысы бойынша компьютерлік жағдайларға қатысты әрекет ету қызметі осындай мәлімет ұсынды.

"2019 жылдың сәйкес кезеңімен салыстырғанда фишингтік шабуылдар саны 83%-ке артты, ал тіркелген зиянды бағдарламалық жасақтамалар саны 93%-ке өсті. Егер 2019 жылдың қарашасында фишингтік шабуылдар саны 19 болса, 2020 жылы бұл көрсеткіш 115-ке дейін ұлғайды. Ал анықталған зиянды БЖ саны 2020 жылы 145 болса, 2019 жылы небәрі 10 болған", – деді техникалық қызмет мамандары.

Оқи отырыңыз: Қазақстанда интернет істемей қалды

79
Кілт сөздер:
интернет-ресурстар, хакерлік шабуыл
Тақырып бойынша
Ауылды жерлерге интернет жеткізетіндерге субсидия бөлінеді – министр
Тоқаев байланыс операторларын нашар интернет үшін жауапқа тартуды ұсынды
ЕАЭО елдері интернет-пираттармен қалай күреседі
Мемлекеттер кибершабуыл мәселесін қалай шешіп жатыр
Қазақстан интернет жылдамдығы бойынша 103-орында тұр
Ақтоты Райымқұлова

Министр Райымқұлова орынбасарының ұсталуына қатысты: оставкаға кетуге дайынмын

160
Министр өзінің қызметтен кетуі үшін алдымен өз орынбасарының кінәсі толық дәлелденуі тиіс деп санайды

НҰР-СҰЛТАН, 14 мамыр – Sputnik. Мәдениет және спорт министрі Ақтоты Райымқұлова пара алды деп айыпталған орынбасарының кінәсі дәлелденсе, оставкаға кетуге дайын екенін мәлімдеді, деп хабарлайды Sputnik Қазақстан тілшісі.

"Пара алды деген күдікпен ұсталған вице-министр Сәкен Мұсайбековтің кінәсі дәлелденсе, сіз отставкаға кетуге дайынсыз ба?", деп сұрады журналист мәдениет министрінің халыққа есеп беру кездесуінің қорытындысы бойынша өткен брифингте.

"Ең алдымен, Конституция бойынша кінәсіздік презумпциясы бар екенін еске салғым келеді және ең бірінші кінә дәлелденуі керек. Егер оның кінәсі дәлелденсе әрине, мен заңға сәйкес отставкаға кету туралы өтініш беремін. Кінәсі дәлелденген жағдайда", – деп қайталады Райымқұлова.

Айта кетейік, биыл ақпан айында мәдениет және спорт министрінің орынбасары Сәкен Мұсайбековтің ұсталғаны хабарланды. Шенеунікке букмекерлік қызмет саласындағы заңды тұлғаның өкілдерінен пара алды деген айып тағылды.

Оқи отырыңыз: Мәдениет министрі жаңа норма туралы: әншілер дөрекі мінезі үшін жазаланады

160
Кілт сөздер:
отставка, Ақтоты Райымқұлова
Тақырып бойынша
Мөлдір Әуелбекованың орамал туралы әңгімесі: мәдениет министрі пікір білдірді
Әліпбиді латынға көшіру жұмыстарын басқа министрлік жалғастырады – Райымқұлова
Жаңа мәдениет министрі: Ақтоты Райымқұлова туралы не білеміз?
Райымқұлова ұлттық киноны қолдау орталығы басшысының ұсталуына қатысты пікір білдірді
Мәдениет министрі "Жошы хан" тарихи-мәдени кешеніне қатысты ақпаратпен бөлісті
Документы

Нұр-Сұлтан мен Алматыда құжатты үйге жеткізу қызметі іске қосылды

2028
(Жаңартылды 14:11 14.05.2021)
Мемлекеттік корпорация жаңа қызмет қазақстандықтардың уақыты мен қаржысын үнемдейтінін айтты

АЛМАТЫ, 14 мамыр – Sputnik. "Азаматтарға арналған үкімет" мемлекеттік корпорациясы дайын құжаттарды клиенттің үйіне жеткізу қызметін іске қосты.

Оған 144 мемлекеттік қызмет қосылды. Оның ішінде жылжымайтын мүлікке құқықты (ауыртпалықты) мемлекеттік тіркеу, жер учаскесінің актісі, білім туралы құжатты апостильдеу, мұрағат анықтамалары, әскери билеттің телнұсқасын беру секілді құжаттар бар.

Жақында жүргізуші куәлігін, жеке куәлікті, паспорт секілді құжаттарды үйге дейін тапсырыспен жеткізу қызметі іске қосылады. 

"Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл клиенттердің мемлекеттік қызмет алуын жеңілдетіп, қаржысы мен уақытын айтарлықтай үнемдейді. Қазір сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алады", - деді  "Азаматтарға арналған үкіметтің" басқарма төрағасы Әділ Қожықов.

Құжаттарды үйге жеткізуге қалай тапсырыс беруге болады

Құжаттар дайын болғаннан кейін клиенттің қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS жолданады.

Қызмет ақылы, қала бойынша жеткізу құны – 970 теңге.

Құжаттарды жеткізу бойынша пилоттық жоба бір ай бұрын астаналық халыққа қызмет көрсету орталығының бірінде іске қосылды. Курьерлік қызмет арқылы 50-ден астам құжат жеткізілді.

Оқи отырыңыз: Еңбек министрлігі декреттік жәрдемақыны рәсімдеуге қатысты жаңа мәлімет таратты

2020 жылдың қазанында еgov.kz электронды үкімет порталында осыған ұқсас қызмет пайда болды – ол кезде автокөліктің мемлекеттік нөмірі мен дайын техникалық паспортты үйге жеткізу сервисі іске қосылған болатын.

2028
Кілт сөздер:
Азаматтарға арналған үкімет, құжат, төлқұжат
Тақырып бойынша
Қазақстанда мемлекеттік жәрдемақыны төлеу тәртібі өзгереді
Кәсіпкерлерге мобильді қосымша арқылы аударылатын ақшаға салық салынады – Смайылов
Қазақстанда мамандандырылған ХҚКО істен шықты: басшылық себебін түсіндірді
Жаңа өзгерістер енгізілді: қазақстандық жүргізушілер нені білуге тиіс
Жолдағы көлік қозғалысы

Шымкентте туысының көлігін ұрлап мінген жасөспірім сұмдық жол апатын жасады видео

0
(Жаңартылды 14:19 14.05.2021)
Жүйткіген көліктің соққысынан ауыр жарақат алған 21 жастағы бойжеткен аурухана реанимациясына жатқызылды

НҰР-СҰЛТАН, 14 мамыр – Sputnik. Кәмелет жасқа толмаған жасөспірім Шымкентте көлікті ұрлап мініп, бойжеткенді қағып кетті, деп хабарлайды жергілікті "Отырар" телеарнасы.

Жантүршігерлік жол апаты бейнебақылау камерасына түсіп қалған. 

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

"Бойжеткен жолдың арғы бетіне өтіп жатқанда жоғары жылдамдықпен келген жеңіл көлік оны қағып кетті", – делінген ақпаратта.

Кейбір деректер бойынша, зардап шеккен қыз автобуста бейресми кондуктор болып жұмыс істеген және сол күні құрбысының жұмысына уақытша шыққан көрінеді.

Ал жаяу жүргіншіні қаққан көлік тізгінінде кәмелетке толмаған жас жігіт болып шықты. Ол туысының көлігін ұрлап мініп, қала көшесінде жүйткіген.

Қатты соққы нәтижесінде 21 жастағы қыз ауыр жағдайда реанимацияға жеткізілді. Дәрігерлер мидың 1-2 дәрежелі контузиясын, сондай-ақ кеуде қуысының жарақаттарын және жамбас сүйектерінің сынғанын анықтады.

"2000 жылы туған науқас үшінші дәрежелі травматикалық шокпен ауруханаға жеткізілді. Ауыр жағдайдағы оған шокқа қарсы және симптоматикалық терапия жүргізілді. Қазіргі кезде жағдайы ептеп түзеле бастады", – деп хабарлады қалалық денсаулық сақтау басқармасының баспасөз қызметі.

Оқи отырыңыз: Рөлде шенеуніктің ұлы болған: Нұр-Сұлтанда жетім баланы көлік қағып кетті

0
Кілт сөздер:
Шымкент, жол апаты
Тақырып бойынша
Мектептен келе жатқан: Ақмола облысында баланы пойыз қағып кетті
Алматы облысында жантүршігерлік жол апаты екі адамның өмірін қиды – фото
Алматыда автобус бойжеткенді қағып кетті
Ақтөбе облысында жантүршігерлік жол апаты болды: екі адам көз жұмды
Денесі әр жерде шашылып жатыр: Таразда жантүршігерлік жол апаты болды