Алматы көшелері, көрнекі фото

Рөлде шенеуніктің ұлы болған: Нұр-Сұлтанда жетім баланы көлік қағып кетті  

1278
Зардап шеккен баланың жасы – 17-де. Ол куәгерлерге әке-шешесі жоқ екенін, әжесінің инсульт алып қалғанын айтты   

НҰР-СҰЛТАН, 5 мамыр — Sputnik. Нұр-Сұлтанда жаяу жүргінші жолымен өтіп бара жатқан баланы көлік қағып кетті. Жүргізуші бірден тоқтамаған. Көлігін фитнес-орталықтың алдына апарып қойды. Оны куәгерлер ұстап қалды, деп хабарлайды Sputnik Қазақстан.

Жол оқиғасы қаланың сол жағалауында болған. Куәгерлердің бірі – Sara Bersan өзінің Facebook парақшасында қымбат көліктің баланы қалай қаққанын баяндап берді.

"Сол жағалаудың қақ ортасындағы жол-көлік оқиғасына куә болдым. 1999 жылы туған жас жігіт жаяу жүргінші жолында жасөспірімді қағып, оқиға орнынан қашып кетті. Жай қашып кеткен жоқ. Көлігін фитнес-орталықтың алдына қойды да, түк болмағандай спортпен айналысуды жоспарлады. Абырой болғанда, бұл оқиғаны тағы бір қыз көрді. Екеуіміз жол полициясы мен жедел жәрдем шақырдық", - деп жазды Сара.

Оның айтуынша, зардап шеккен баланың жасы – 17-де. Куәгерлер оның жағдайын және туған-туыстарын сұрағанда жасөспірім бірден жауап бере алмады. Одан кейін көзіне жас алып, әжесіне ештеңе айтпауды өтінді. Сөйтсе, оның әке-шешесі жоқ. Әжесі инсульт алып, сал болып қалған. Жетім бала әжесінің денсаулығы үшін қатты алаңдады. 

"Ал 14 мамырда 22 жасқа толатын жас жігіт өте арсыз адам болып шықты. Өзінен екі есе үлкен әйелдердің аузын жауып, үнемі біреуге қоңырау шалып, сөйлесіп жүрді. Титтей өкініш те білдірген жоқ. "Неге көліктен шығып, кешірім сұрамадыңыз? Неге жедел жәрдем шақырмадыңыз?" деген сұрақтарға, өзін кінәлі сезінбейтінін жеткізді. "Бала аман-есен ғой, жанымызда тұрған жоқ па?" деп, дүңк еткізді. Жол полициясы келсе де, міз бақпады. Маған құжат толтыруға, ал полицейлерге жұмыс істеуге кедергі жасады", - дейді Сара. 

Оқи отырыңыз: Екібастұзда велосипед мінген оқушы таңғажайып жағдайда бір ажалдан аман қалды – видео

Ол Google арқылы қымбат көлік мінген жас жігіттің әкесін анықтады. Ол – Нұрғалиев Дамир Бақытұлы болып шықты. Қаржы министрлігінде істейтін шенеунік мемлекеттік кірістер комитетінде акциздерді әкімшілендіру басқармасына жетекшілік етеді.

"Кінәлі адамның жоғары лауазымды туыстары әрекет жасап, ол жазадан құтылып кетуі де мүмкін. Ал оның тағы адамды қағып кетпеуіне кім кепіл бола алады? Мен екінші куәгермен бірге сотта бәрін айтамын! Балаларды жолаушылар өткелінде қағып, тағдыр тәлкегіне тастап кеткендерге бей-жай қарай алмаймын! Байлар мен шенеуніктердің балалары өз ережелерімен жүрмеуі керек. Оған шыдай алмаймын! Бұл – менің азаматтық ұстанымым", - дейді Сара.

Нұр-Сұлтан қалалық полиция депаратменті жол-оқиғасының болғанын растады. 30 сәуірде Toyota Camry мінген 21 жастағы көлік жүргізушісі Түркістан көшесімен Сығанақ жақтан келе жатқанда №2 үйдің жанында 2004 жылы туған жасөспірімді қағып кетті. Жолаушы белгіленген жерде жолдан өткен. 

"Жол-көлік оқиғасы тәртіп бойынша Нұр-Сұлтан полиция департаментінде тіркелді. Зардап шеккен бала емделіп жатыр. Сот-медициналық сараптаманың нәтижесі бойынша дене жарақаттарының қаншалықты ауыр екені анықталады", - дейді полицейлер.

1278
Кілт сөздер:
көлік, Нұр-Сұлтан
астрология, гороскоп

Астролог қандай зодиак белгісіндегі әйелдер ең ақылды екенін айтты

5507
(Жаңартылды 15:54 24.10.2021)
Бұл белгілердегі әйелдердің бәрі алған бетінен қайтпайтын еңбекқор келеді. Әрқашан дамуға, жаңа биіктерге ұмтылады

НҰР-СҰЛТАН, 24 қазан – Sputnik. Астролог қандай зодиак белгісіндегі әйелдер ең ақылды екенін айтты. Олар өмірде жетістікке оңай жетеді. Өйткені интеллект туа бітеді, деп жазады Times of India басылымы.

Сарышаян — ең ақылдылардың бірі. Бұл белгінің өкілдері өз идеясын жүзеге асыру жолында тыным таппайды.  Сарышаяндар әрдайым табандылық танытады. Олар өзгелерге жұмбаққа толы, тұйық адам болып көрінеді.

Балықтар табиғатынан ақылды. Жаңа әрі түрлі көзқарасты оңай талдап, қабылдай алатын керемет қабілетке ие. Балықтар әрқашан өсуге және дамуға дайын, бұл олардың ақылды болуына көмектесетін маңызды қасиеттердің бірі. Балықтар эмоционалдық тұрғыдан да ересек.

Тауешкі әйелдер өте ақылды және өз ісіне адал. Олар қажетсіз нәрсеге уақыт жұмсауды ұнатпайды. Тауешкі тынбай еңбектенеді.

Суқұйғыш өзінің шығармашылық қабілетін мақтан тұтуы мүмкін. Олар мұндай жұмысты оңай орындайтынын жақсы біледі, сондықтан әдетте көп мақтанады. Бұл белгінің өкілдері суыққанды болады.

Таразы, әдетте, білімді және таразыны қалай теңестіру керектігін біледі. Олардың тапқырлығы, расында да, таңғалдырады. Өйткені  бар жұмысты  өте жақсы орындайды. Бұл белгінің өкілдері сирек қателеседі.

5507
Кілт сөздер:
астролог, әйелдер, ақыл
Тақырып бойынша
Қазақстандық маман қараша айында не істеуге болмайтынын айтты
Астролог интуициясы жақсы дамыған зодиак белгілерін атады
Саясаттағы ықпалды қазақстандық әйелдер туралы не білеміз
Әлемдегі ең ұзын әйелдер – 10 таңғажайып фото
Жас ғалым әйелдер үшін арнайы квота енгізіледі – БҒМ
Архивтегі сурет

Сегіз жасар оқушы Қазақстанның Шекара қызметіне қабылданды

138
Ұлан айына кемінде үш рет теңізге келеді. Күні бойы сарбаздарға көмектесіп,  түрлі тапсырманы орындайды

НҰР-СҰЛТАН, 24 қазан – Sputnik. Ақтаулық сегіз жасар оқушы Ұлан Төлеуханов еліміздегі "ең жас шекарашы" атанды.

Жуырда жеткіншекті Ұлттық қауіпсіздік комитеті төрағасының орынбасары, генерал-лейтенант Дархан Ділманов "Шекара қызметінің үздігі" төсбелгісімен марапаттады.

Бүгінде жас өрен Каспий теңізінің аумағын күзетуге үлес қосып жүр. Құрдастары телефонда ойын ойнаса, жас шекарашы қызығушылығын күнделікті ісіне айналдырған, деп хабарлайды "Хабар 24" телеарнасы.

"Кемеде командирдің қызметі қиын деп ойлаймын, ол теңізшілерге тапсырма  береді, қателік болып қалса, ойланады, қайтадан айтып, істетеді. Қателік болмау керек. Ауа-райы жаман болуы мүмкін, шайқалып жатуы мүмкін. Достарым да көрді, суреттеріме қарап қызығады, медаліме, формама қызығады", - дейді шекара қызметінің үздігі Ұлан Төлеухан.

Ұлан айына кемінде 3 рет осында келеді. Мұнда күні бойы сарбаздарға көмектесіп,  түрлі тапсырманы орындайды. Әскери көлікте өзін еркін сезініп, кәдуілгі теңізшілердей әрекет етеді. Ата-анасы да ұлын қолдайды.

"Үйінде жүргендей сезініп жүреді. Жас сарбаздармен тіл табысып алған, командирлердің бәрін біледі. Ұланның шекара қызметінде туылғаннан бастап, менімен бірге шекара қызметінде шекара заставаларына шығып жүрді. Әскери киім кигісі келді. Жұмыстан келген уақытта фурашкамды, көйлегімді киіп жүреді, төсбелгілерімді тағып жүреді", - дейді әкесі, ҚР ҰҚК ШҚ Маңғыстау облысы департаменті әскери-патриоттық басқармасының аға офицері Ерсін Қайбуллин.

Ұлан "Жас шекарашы" әскери патриоттық үйірмесінің мүшесі. Осында әскери қызметтің алғашқы әліпбиін таныған. Түрлі шараларға атсалысып, департамент ұйымдастырған патриоттық конкурстарға қатысады. Сондықтан да арнайы төсбелгі алып, экипаж мүшесі болуға мүмкіндік алған.

Оқи отырыңыз: Шекарашылар күні: ел шебін күзетіп жүргендердің тыныс-тіршілігі – фото

"Ұлан таудай талабымен Маңғыстау облысы бойынша шекара қызметі департаментінің беделін көтеруге атсалысуда. Клубтың басты мақсаты – жастарымызды әскери-патриоттық рухта тәрбиелеу. Іс шара бойынша ардагерлермен кездесу, сұхбаттар өткізу, сонымен қатар әскери бөлімшелерге барып, қару-жарақ, техника түрлерімен танысу, ашық есік аясында бір күндік әскери қызметшілерің, шекарашылардың өмірімен танысу жоспарлануда", - деді ҚР ҰҚК ШҚ МО департаменті тәрбие-идеологиялық жұмыстар бөлімінің аға офицері Рамиль Жексенбаев.

Ақтауда әзірге бір үйірме бар. Алдағы уақытта тағы екеуін ашу жоспарланған. Осылайша, Ұлан сияқты жас патриоттарды дайындау көзделіп отыр. 

Айта кетері, шекара қызметі тек жағалауды күзетпей, браконьерлерді де қолға түсіреді. Ұлан да болашағын осы мамандықпен байланыстырады.

138
Кілт сөздер:
шекарашы, теңіз, Ақтау
Түрікменстан президенті Тоқаевқа арғымақ аттарын көрсетті

Түрікменстан президенті Тоқаевқа арғымақ аттарын көрсетті

149
(Жаңартылды 21:03 24.10.2021)
Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

НҰР-СҰЛТАН, 24 қазан – Sputnik. Түрікменстанға мемлекеттік сапармен келген Қасым-Жомарт Тоқаев Президент Гурбангулы Бердімұхамедовпен бірге Ахалтеке жылқысына арналған кешеннің ипподромын аралап көрді, деп хабарлайды Ақорда.

Түрікменстан президенті Тоқаевқа арғымақ аттарын көрсетті
Іс-шара барысында президенттер шабандоздардың өнерін тамашалады

Мемлекет басшысына Түрікменстан президенті арғымақ аттарын көрсетті. 

Іс-шара барысында олар шабандоздардың өнерін тамашалады.

Түрікменстан президенті Тоқаевқа арғымақ аттарын көрсетті
Мемлекет басшысына Түрікменстан президенті арғымақ аттарын көрсетті

Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды.

Сапар барысында екі ел делегациясының шағын және кеңейтілген құрамдағы келіссөздері өтеді, деп жазды президенттің баспасөз хатшысы Берік Уәли әлеуметтік желідегі парақшасында.

Токаев прибыл в Ашхабад с государственным визитом
Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

Тараптар қазақ-түрікмен стратегиялық серіктестігінің жағдайы мен даму перспективаларын, сондай-ақ күн тәртібіндегі өңірлік және халықаралық мәселелерді қарастырады.

149