Юрий Ильин

Қазақстанда өрттен 29 бала ажал құшты министр

182
Балаларды аз уақытқа жалғыз қалдырудың соңы қайғылы жағдайға соқтыруы мүмкін екенін еске салған министр балалармен түсіндіру жұмысын жиі жүргізу керек деп санайды

НҰР-СҰЛТАН, 21 мамыр – Sputnik. Жыл басынан бері республикада тілсіз жау 29 баланың өмірін қиды. Бұл туралы төтенше жағдайлар министрі Юрий Ильин халыққа есеп беру кездесуінде мәлімдеді, деп хабарлайды Sputnik Қазақстан тілшісі.

Карантин мен балабақшалар жұмысының шектелуіне байланысты бүлдіршіндердің көбі үйде отыратынын атап өткен министр жылыту маусымында балалар арасындағы өлім-жітім ерекше алаңдаушылық туғызатынын айтты.

"Практика көрсетіп отырғандай, көп жағдайда трагедия ата-ана немесе ересектер үйде болмаған кезде орын алады", – деді Ильин.

Оның мәліметінше, жыл басынан бері өрттен 29 бала ажал құшты, оның 13-і ата-анасының қарауынсыз қалған.

Ильин Нұр-Сұлтан мен Түркістан облысында болған қайғылы оқиғаларды еске алды. Тілсіз жау салдарынан бүтін бір отбасы зардап шеккен болатын.

"Барлығы да толық отбасы болған, яғни анасы да, әкесі де бар, жұмыс істейді. Алайда балаларды аз уақытқа жалғыз қалдырудың арты трагедияға әкеп соғуы мүмкін. Сол себепті азаматтарға айтарым: балалармен түсіндіру және тәрбие жұмысын өткізіңіздер. Әрине, әртүрлі жағдай болады, бірақ мүмкіндігінше балаларды қараусыз қалдырмаңыздар", – деді ведомство басшысы.

Оқи отырыңыз: "Бұл еліміздің қасіреті": Тоқаев Жаңатастағы балалар өлімі туралы айтты

182
Кілт сөздер:
балалар өлімі, өрт
Тақырып бойынша
Балқаш көлінің маңында алапат өрт болды – фото, видео
Риддердегі алапат өрт: Тоқаев шұғыл көмек көрсетуді тапсырды
Елордадағы дәмханалардың бірінен өрт шықты – видео
Ақсулық өрт сөндіруші қайтыс болғаннан кейін "Айбын" орденімен марапатталды
Риддердегі өрт: Даниал Ахметов баспана мәселесін күзге дейін шешуге уәде берді
Жайық өзені, архивтегі фото

Қазақстан мен Ресей трансшекаралық өзендерде зерттеу жүргізіп жатыр

2
Бұл жұмыс гидрологиялық режимді және трансшекаралық өзендердің экологиялық жағдайын жақсартуға мүмкіндік береді

АЛМАТЫ, 28 қыркүйек – Sputnik. Қазақстан мен Ресейде өзен су тасқыны параметрлерін және ағынның өзгеру тенденциясын анықтау үшін трансшекаралық өзендер бойынша гидрологиялық және гидрохимиялық мәліметтерді жинау басталды.

Экология министрлігінің трансшекаралық өзендер департаментінің директоры Арсен Жақанбаевтың айтуынша, 2020 жылдың қазанында бекітілген ірі өзендердің бассейндерінде зерттеу жүргізу бойынша ынтымақтастықты кеңейту жол картасы аясында су объектілері зерттеліп жатыр.

"Экология және жасыл даму саласындағы ынтымақтастық" деген тақырыпта өткен Қазақстан мен Ресейдің XVII аймақаралық ынтымақтастық форумы аясындағы "Трансшекаралық су объектілері" панельдік сессиясында Жақанбаев Қазақстан мен Ресей арасындағы ынтымақтастықтың 29 жылдық тәжірибесі   мемлекетаралық су бөлу мен су қоры ресурстарының күрделі мәселелерін табысты шешуге мүмкіндік бергенін айтты.  

Оның пікірінше, Жайық өзені суының азаю мәселесін бірлесіп шешу жемісті ынтымақтастықтың дәлелі болмақ. Соңғы жылдары Жайық трансшекаралық өзені ағынының азаюы мен су ресурстары және экожүйелер жай-күйінің нашарлау тенденциясы алаңдаушылық туғызып отыр, деп толықтырды спикер.

"Ірі өзендердің бассейндеріндегі бірлескен зерттеулер нәтижесінде трансшекаралық өзендердің гидрологиялық режимі мен экологиялық жағдайын жақсартуға бағытталған мақсаттар мен міндеттерге қол жеткізілетініне сенімдімін", - деп атап өтті спикер.

Қазақстан Ресей Федерациясымен алты негізгі трансшекаралық бассейн бойынша ынтымақтасады: Жайық, Ертіс, Есіл, Тобыл, Қараөзен мен Сарыөзен, Қиғаш, деп нақтылады Жақанбаев.

Тараптар 2000-2015 жылдар аралығында бұрынғы Павлодар қаласының солтүстік өнеркәсіптік аумағындағы сынаппен ластану ошағындағы жер асты және жер үсті суларына бірлескен мониторинг жүргізді. Орындалған жұмыстардың нәтижесінде "топырақтағы қабырға" әдісімен жылыстауға қарсы перденің құрылысы аяқталды, ластану ошағынан Ертіс өзенінің шетіне дейін 30 бақылау ұңғымасы бұрғыланды.

Аймақаралық ынтымақтастық форумы 28-30 қыркүйекте онлайн режимінде өтеді.  

2
Мотоциклші, архивтегі сурет

Алматыда мотоциклдердің жүруіне тыйым салынуы мүмкін

18
(Жаңартылды 17:53 28.09.2021)
Қаулы жобасы Алматының шекарасы шегінде жол қозғалысын арнайы ұйымдастыру аймағын құруды көздейді

НҰР-СҰЛТАН, 28 қыркүйек – Sputnik. Алматы қаласында кешкі сағат оннан  таңғы тоғызға дейінгі аралықта мотоциклдердің жүруіне тыйым салу жоспарланып отыр.

Қала әкімдігі Алматыда жол жүрісін арнайы ұйымдастыру аймағын белгілеу туралы қаулы жобасын әзірледі.

"Алматы қаласының шекарасы шегінде жол қозғалысын арнайы ұйымдастыру аймағы құрылсын. Жол жүрісін арнайы ұйымдастыру аймағында сағат 22.00-ден 09.00-ге дейін мотоциклдердің жүруіне тыйым салынсын", - делінген "Ашық НҚА" порталында жарияланған құжатта.

Алайда бұл тыйымның мына көліктерге қатысы жоқ:

  • электр қозғалтқышпен қозғалысқа келтірілетін мотоциклдер;
  • түсті графикалық схемалар, тану белгілері, жазулар, арнайы жарық және дыбыс сигналдары бар жедел және арнайы қызмет көліктері.

Заңға сәйкес, мотоцикл деп уәкілетті органда мемлекеттік тіркелуге жататын, мемлекеттік тіркеу нөмірі белгілері бар, ең жоғары конструктивтік жылдамдығы сағатына елу шақырымнан асатын мотоциклдерді атайды.

"Қаулы жобасы түнгі уақытта қала тұрғындарына шу жүктемесін азайту мақсатында әзірленді. Мотоциклдер қозғалысын ұйымдастыру мәселесін шешудің қажеттілігі мен тиімділігі Көлік және коммуникация ғылыми-зерттеу институтының зерттеулерімен негізделген және халықтың шағымдарымен расталады", - делінген түсіндірме жазбада.

Құжатты қоғамдық талқылау мерзімі 12 қазанға дейін созылады.

Оқи отырыңыз: 

18
Кілт сөздер:
мотоцикл, Алматы, шектеу, жол