НҰР-СҰЛТАН, 7 маусым – Sputnik. Қазгидромет алдағы үш күнге ауа райы болжамын ұсынды.
"Алдағы үш тәулікте Қазақстан аумағының басым бөлігінде жауын жауады, 10 маусымда елдің орталығы мен оңтүстік-шығысында найзағай ойнап, нөсер жаңбыр жауады, қатты жел соғады, бұршақ түсуі мүмкін. Оңтүстік өңірлерде шаңды дауыл сақталады", - делінген хабарламада.
Синоптиктердің болжамынша, кезекті солтүстік-батыс суық антициклонының әсерінен республиканың солтүстік жартысында ауа температурасы түнде 3-8, кей жерлерде 12 градусқа дейін төмендейді, күндіз 17-22, кей жерлерде 25 градус жылы болады.
Елдің қалған аумағында температура фонында айтарлықтай өзгерістер күтіліп отырған жоқ.
Мегаполистердегі ауа райы
Нұр-Сұлтан
- 8 маусым: күн ала бұлтты, ауа температурасы түнде +14°C, күндіз +26°C;
- 9 маусым: күн ашық, түнде +16°C, күндіз +24°C;
- 10 маусым: да күн ашық, түнде +16°C, күндіз +21°C.
Алматы
- 8 маусым: күн бұлтты, найзағай ойнайды, жел күшейеді, түнде +22°C, күндіз +32°C ыстық;
- 9 маусым: күн ала бұлтты, жауын-шашынсыз, түнде +23°C, күндіз +31°C;
- 10 маусым: күн ашық, түнде +22°C, күндіз +29°C.
Шымкент
- 8 маусым: күн ашық, сынап бағанасы түнде +28°C, күндіз +34°C көрсетеді;
- 9 маусым: күн ала бұлтты, түнде +22°C, күндіз +32°C;
- 10 маусым: күн ашық, түнде +22°C, күндіз +31°C ыстық.