Судья үстелі

Біртановтың адвокаты Тоқаевты куәгер ретінде шақыруды сұрады - сот не шешті

662
(Жаңартылды 14:02 09.06.2021)
Сот шешімімен аса ірі көлемде бюджет қаражатын жымқырды деген күдікпен ұсталған бұрынғы денсаулық сақтау министрінің үй қамауында болу мерзімі тағы бір айға созылды. Тергеу амалдары жалғасып жатыр

НҰР-СҰЛТАН, 9 маусым – Sputnik. Елорданың мамандандырылған ауданаралық тергеу сотының судьясы Ақмарал Исаева іс бойынша куәгер ретінде Қазақстан президенті Қасым-Жомарт Тоқаевты куәгер ретінде қатыстыру туралы бұрынғы денсаулық сақтау министрі Елжан Біртановтың өтінішін қанағаттандырусыз қалдырды.

8 маусымда өткен сот отырысы кезінде Дмитрий Куряченко сотқа Тоқаевты куәгер ретінде шақыруды сұрады. Қорғаушы мемлекет басшысы Біртановқа қатысты кейбір айыптау тармақтарының қанағаттандырылмайтынын растайтыны туралы пікір білдірді.

Алайда судья Ақмарал Исаева сот шешімімен таныстыру кезінде Біртанов қорғаушысының талап арызы қанағаттандырылмайтынын хабарлады.

"Адвокаттардың Тоқаевты сотқа куәгер ретінде шақыру туралы талап арызын қабылдамау туралы шешім ығарды. Себебі тергеу соты күдіктіге қатысты кінәлі немесе кінәсіздік мәселесін қарастыруға құзырлы емес", – деді судья.

Сондай-ақ сот Біртановтың үй қамауында болу мерзімін ұзарту туралы талап арызын қанағаттандырып, экс-министрдің үй қамауындағы мерзімін 2021 жылдың 14 шілдесіне дейін созды. Осылайша Елжан Біртанов өткен жылдың қарашасынан бері тоғыз ай бойы үй қамауында отыр.

Мерзім ұзарып, үйінен шығуға рұқсат берілді

Осы жылдың 21 сәуірінде судья Елжан Біртановтың үйқамаудағы мерзімін 14 мамырға дейін ұзарту туралы шешім қабылдаған болатын. Сол кезде сот бұрынғы денсаулық сақтау министріне "өмірлік маңызы бар әрекеттерді орындау үшін" таңғы 8.00-ден кешкі 19.00-ге дейін үйінен шығуға рұқсат берген. Ал 6 мамырда өткен сот отырысында экс-министрдің үй қамауындағы мерзімі 14 шілдеге дейін созылды.

Сотта сөйлеген Біртанов денсаулық сақтау министрі қызметін атқарған кезде қандай да бір сыбайлас жемқорлық іс-әрекетіне қатысы жоқ екенін мәлімдеді. Сондай-ақ ол соттан тергеу органының әрекеттеріне құқықтық баға беруді сұрады.

Экс-министр не үшін айыпталуда

Біраз бұрын тергеу соты кезінде прокурор бұрынғы денсаулық сақтау министріне қатысты айыптаумен таныстырды. Мемлекеттік айыптаушының айтуынша, сотқа дейінгі тергеу 2015 жылы денсаулық сақтау министрлігі Ericsson Nikola Tesla Хорват фирмасымен 17,8 миллион долларға "Денсаулық сақтау саласының ақпараттық жүйелерін ақпараттандыру және өзара әрекеттесу платформасы" автоматтандырылған ақпараттық жүйесін жеткізуге келісімшарт жасағанын анықтады.

Прокурор Төлеген Жараспаев денсаулық сақтау министрі Елжан Біртанов "платформаның жұмыс істемейтінін алдын ала білгенін", "Олжас Әбішевпен (бұрынғы денсаулық сақтау вице-министрі) алдын ала сөз байласу арқылы 2018 жылдың қазанында Нұр-Сұлтан, Батыс Қазақстан мен Шығыс Қазақстан облысындағы 17 емдеу мекемесінде платформаны пилоттық үлгіде пайдалану туралы бұйрыққа қол қойды".

Оқи отырыңыз: Экс-министр Біртановтың үйқамақта болу мерзімі ұзартылды

Прокурордың айтуынша, Біртанов осы әрекеттерімен бюджет қаражатын талан-таражға түсуіне ықпал етіп, мемлекетке 1,5 миллиард теңге көлемінде материалдық шығын келтірді. Біртановтың адвокаттары оның толық кінәсіз екенін айтуда.

662
Кілт сөздер:
сот, Елжан Біртанов
Тақырып бойынша
Денсаулық министрі Елжан Біртанов коронавирус жұқтырды
Петропавлда науқастардың өлімінен кейін қылмыстық іс қозғалды
Экс-министр Біртанов сотта мәлімдеме жасады
Ауруханада жатқан министр Біртанов желіде дәрігерлер туралы жазба жариялады
Екі мың адам жиналған: Алматыда фестиваль өткізгендерге қатысты іс қозғалып жатыр
Экс-министр Біртанов тағы бір іс бойынша күдікті деп танылды
портфель ұстаған адам

"Айына 643 мың теңге алады": сенатор мәслихат басшыларының жалақасын жариялады

16
(Жаңартылды 11:36 23.09.2021)
Сондай-ақ сенат депутаттары тексеру комиссия мүшелерінің жалақысын көтеру керек деп санайды

НҰР-СҰЛТАН, 23 қыркүйек – Sputnik. Сенаторлар жергілікті мәслихат хатшылары мен тексеру комиссияларының мәртебесін ғана емес, жалақысын да көтеруді талап етті, деп хабарлайды Sputnik Қазақстан тілшісі.

Депутат Мұрат Бақтиярұлының айтуынша, бұл мәселе көптен бері көтеріліп келеді. Бірақ әлі күнге дейін шешілген жоқ.

"Біз өңірлерге іс-сапармен шыққанда жергілікті мәслихаттардың мәртебесін көтеру бойынша әлі де шешімін таппаған мәселелердің бар екеніне куә болдық. Атап айтқанда, үкіметтің 2021 жылғы маусымдағы қаулысына орай, жергілікті деңгейде қызмет атқаратын мемлекеттік қызметшілердің жалақысы екі еседен артық көтерілген. Алайда барлық деңгейдегі мәслихат хатшыларының еңбекақысы сол бұрынғы қалпында қалып қойды. Ондай жағдай 2016 жылы да болған", - деді Бақтиярұлы сенаттың жалпы отырысында.

Осы орайда ол мәслихат хатшыларының жалақысын да жариялады.

Оның айтуынша, аудандық деңгейдегі мәслихат хатшысы аудандық мәслихат аппарат басшысынан екі есе, ал бөлім басшысынан 50 процентке төмен жалақы алады.

"Мысалы, Қызылорда облысында аудандық деңгейде мәслихат хатшысы 200 мың теңге, ал мәслихаттың аппарат басшысы 453 мың теңге, бөлім басшысы 302 мың теңге алады. Ал облыстық деңгейде мәслихат хатшысы 467 мың теңге, мәслихаттың аппарат басшысы 634 мың теңге, ал бөлім басшысы 400 мың теңге жалақы алады. Мәслихат хатшыларының аппарат қызметкерлерінен төмен жалақы алуы лауазымдық иерархия қағидаларының сақталмауына әкеліп соғуда", - деп атап өтті Бақтиярұлы.

Сондай-ақ сенат депутаттары тексеру комиссия мүшелерінің жалақысын көтеру керек деп санайды.

"Тексеру комиссиялары төрағаларының жалақысы тек 33 процентке, тексеру комиссиясы мүшелерінің жалақысы 17 процентке ғана көбейді. Ал басқа мемлекеттік қызметшілердің жалақысы екі немесе одан көп есеге өсті. Бұл ретте тексеру комиссиясының мүшелері өз өкілеттіліктеріне сәйкес, жергілікті атқарушы органдарының жұмысына баға беріп, тиімділігінің тәуелсіз қорытындысын әзірлейтінін атап өткен жөн", - дейді Бақтиярұлы.

Бұдан бөлек, сенаторлар мәслихаттарға қол жинау және петиция жасау құзіретін беруді ұсынды.

Олар үкімет басшысына депутаттық сауал жолдап, мәслихат хатшылары мен тексеру комиссияларының мәртебесін ғана емес, жалақысын да көтеруді сұрады.

Оқи отырыңыз: 

16
Кілт сөздер:
жалақы, сенатор, мәслихат
Тақырып бойынша
Аймағамбетов мектеп директорларына жалақы төлеу жүйесі өзгеретінін мәлімдеді
Министр қай өңірде орташа жалақы 321 мың теңгеге дейін өсетінін айтты
Ең төменгі жалақы 60 мың теңгеге дейін көтеріледі – жолдау
2022 жылы зейнетақы мен ең төменгі жалақы қанша болады
Архивтегі сурет

Нұр-Сұлтанға қарай жолға шыққан қызылордалық он күннен бері табылмай жатыр

67
(Жаңартылды 18:04 22.09.2021)
Жігітті туыстары, полиция мен еріктілер іздестіріп жатыр. Бірақ әзірге еш нәтиже жоқ

НҰР-СҰЛТАН, 22 қыркүйек – Sputnik. Жеке көлігімен Қызылорда қаласынан Нұр-Сұлтанға кеткен 25 жастағы жігіт он күн бойы туыстарымен байланысқа шықпаған. Полиция іздеу жұмыстарын бастады.

Пропавший житель Кызылорды Самат Бегимбай
© Photo : ОФ "Волонтеры Кызылорды"
Хабар-ошарсыз кеткен Қызылорда тұрғыны Самат Бегімбай

"Қызылорда еріктілері" қоғамдық қоры қазақстандықтардан жоғалған адам туралы ақпаратты өңірлерде барынша таратуды сұрады. Туыстары жолға шыққан жас жігіттен он күн бойы хабар ала алмай отыр.

"Самат Бегімбай 12 қыркүйек таңғы он шамасында қара түсті Subaru Legacy көлігіне отырып Жезқазған тас жолымен Қызылордадан Нұр-Сұлтанға кеткен. Содан бері байланысқа шыққан жоқ", - деп мәлімдеді қордағылар.

Жігіт 25 жаста, өзімен бірге ноутбугы мен жеке заттары болған. Жоғалған күні үстіне сұр түсті спорт киімін киген.

Қала полициясы кез келген ақпарат іздеу жұмыстары үшін маңызды екенін айтты.

"Жас жігіт іздестіріліп жатыр, барлық ресурс жұмылдырылды. Ол жайлы кез келген ақпарат үшін ризашылығымызды білдіреміз, - деді полициядағылар.

Із-түзсіз кеткен ер адамды көрген-білгендер болса, "102" нөміріне хабарласуына болады.

Оқи отырыңыз: 

67
Кілт сөздер:
Қызылорда, полиция, жас жігіт