Ерлан Тұрғымбаев

Тұрғымбаев мектептердің қауіпсіздігі туралы: кемшіліктер бар

44
Мектептердің 30%-інде дабыл жүйесі жоқ, турникеттер мен металл іздегіштер тек 5 процентінде, күзет ұйымдары 6 процентінде ғана бар, деді министр

НҰР-СҰЛТАН, 21 маусым – Sputnik. Ішкі істер министрлігі Ерлан Тұрғымбаев жыл соңына дейін мектептердің қауіпсіздігіне қатысты кемшіліктер жойылатынын мәлімдеді, деп хабарлайды Sputnik Қазақстан тілшісі.

Айтуынша, ІІМ білім министрлігімен бірлесіп 7,5 мыңнан аса мектепті тексеріп шыққан. Олардың 100 пайызы бейнебақылау камераларымен қамтылғанымен, 45%-і ғана техникалық стандарттарға сай келеді.

"Басқа да кемшіліктер бар. Мектептердің 30%-інде дабыл жүйесі жоқ, турникеттер мен металл іздегіштер тек 5%-інде ғана, күзет ұйымдары 6%-інде ғана бар", - деді Тұрғымбаев парламент палаталарының бірлескен отырысында.

Ол қазір ІІМ білім министрлігі, әкімдіктермен бірлесіп тиісті жұмыстарды атқарып жатқанын атап өтті.

"Қазір қаржы бөлінеді. Жыл соңына дейін осы кемшіліктердің бәрін жоямыз деп ойлаймын", - деді министр.

Оқи отырыңыз: Аймағамбетов Қазандағы қанды оқиғадан кейін басшыларға шұғыл тапсырма берді 

Еске салсақ, 11 мамырда Татарстанның Қазан қаласында мектепте қайғылы оқиға болды. Таңертең 19 жастағы Ильназ Галявиев №175 гимназияда оқ жаудырды. Мектепте 700 адам болған. Жеті бала мен екі мұғалім көз жұмды. Тағы 20 адам ауруханаға жатқызылды.

Татарстан басшысы 12 мамырды аза тұту күні деп жариялады.

44
Тақырып бойынша
Қазандағы трагедия: қазақстандық оқушылардың қауіпсіздігі қалай қамтамасыз етіледі
Мектепке әкелуге тыйым салынған заттардың тізімі жасалды
Мектеп қауіпсіздігі көңілден шыға ма: Павлодар облысында білім ошақтары тексерілді
Оқушылар

Жаңа оқу жылындағы каникул: оқушылар қанша күн демалады

23
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

23
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды
мектеп формасы

Кәсіпкерлер министр Аймағамбетовтің шешіміне наразылық білдірді

33
(Жаңартылды 10:55 04.08.2021)
Елдегі эпидемиологиялық жағдайға байланысты білім министрлігі жаңа оқу жылында балаларға классикалық стильдегі киім киюге рұқсат бермек

НҰР-СҰЛТАН, 4 тамыз – Sputnik. Жаңа оқу жылында мектеп формасына талап қойылмайды. Оқушылар классикалық үлгідегі киіммен мектепке бара алады. Алайда кәсіпкерлер министрдің осы бір шешіміне үзілді-кесілді қарсы, деп хабарлайды КТК арнасы.

Күні кеше білім және ғылым министрі Асхат Аймағамбетов жаңа оқу жылында балаларға тағы классикалық стильдегі киім киюге рұқсат берілетінін мәлімдеді. Негізгі себеп – елдегі эпидемиологиялық жағдай. Министрдің айтуынша, қазіргі кезде дүкендер белгілі бір уақытта, ал кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезектер болып, Covid-19 жұқтыру қаупі күшейеді. Оған қоса, уақытша экономикалық қиындықтарға байланысты мектеп формасы кейбір отбасылардың қалтасына салмақ салуы мүмкін. Пандемиядан кейін оқушылар қайтадан мектеп формасын киюге міндетті болады.

Алайда мектеп формасын шығаратын кәсіпкерлер министрдің шешімімен келіспей отыр. Себебі олар жарты жыл бұрын дайындық жұмыстарына кіріскен. Ал министр мырза формаға қатысты жаңалықты енді ғана жариялады. Кәсіпкерлер болса, қажетті материалды сатып алып, форма үлгілерін де жасап қойған.

"Былтыр ол жеңіл өнеркәсіптің бір бөлігін жойып жіберді. Биыл қалғанын құртуға шешім қабылдапты. Келесі жылы не болатынын ешкім білмейді. Біз 20-шы жылдан әрең дегенде шықтық. Ал келесі жылы ол формамен не істейміз? Бұның барлығы – миллиондаған шығын. Биыл біз және басқа әріптестеріміз қалдықтарды сатса, келесі жылы жаңа маталарды сатып алу қажет. Бірақ қандай мата аламыз? Кімге? Не үшін? Министр тағы бес минут қалғанда ештеңе керек емес деп айтып жүрмей ме?", - дейді кәсіпкер Сергей Сокирко.

Ал ата-аналар арасында министрліктің шешіміне қатысты екіұдай пікір бар. Біреулер қолдаса, енді біреулер жаңа форманы таңдап жүр.

Оқи отырыңыз: Мектеп формасы міндетті бола ма – Аймағамбетов мәлімдеме жасады

 

33
Кілт сөздер:
Асхат Аймағамбетов, жеке кәсіпкерлер