НҰР-СҰЛТАН, 23 маусым – Sputnik. Қазақстандағы ең төменгі күнкөріс деңгейі 34 мың теңгеден сәл асады. Оның тек 18 886 теңгесі бір айға азық-түлік сатып алуға арналған. "31 арна" қазір бұл ақшаға не сатып алуға болатынын анықтады.
Телеарна тілшісі тұтыну себетінің тізімі бойынша бір адамға 18 866 теңгеге азық-түлік сатып алуға тырысып көрді. Ол бір айға 18 бөлке нанды 80 теңгеден (1440 теңге), бірінші сортты бидай ұнын 480 теңгеден, бір пакет макаронды 160 теңгеден сатып алды.
"Көкөністер. 8 килограмм картоп ең төменгі бағамен 2320 теңгеге түседі. Пиязға 256 теңге, сәбізге 864 теңге қажет. Жалпы көкөністерге 3440 теңге жұмсалды", – дейді журналист. – Бір адам айына 2,8 килограмм ет жейді. Бір килограмын 2170 теңгеден алсаң, 6070 теңге болады. Жарты килограмм құс етін алуға 680 теңге кетеді".
Осы азық-түліктің барлығына 23 919 теңге қажет. 18 866 теңге жұмсау үшін бір-екі килограмм картоптан, еттен және жеміс-жидектен бас тартуға тура келді.