НҰР-СҰЛТАН, 23 маусым – Sputnik. Қазақстанда алдағы үш күнде бірнеше өңірде күн салқындайды, деп хабарлады Қазгидромет.
Синоптиктердің болжамына сәйкес, 24-26 маусым күндері күн салқындайды.
Атмосфералық фронталды бөліктердің әсерінен еліміздің басым бөлігінде найзағай ойнап, бұршақ жауады.
"24 мамырда Павлодар облысында, 24-25 мамырда Шығыс Қазақстан облысында, 25 мамырда Алматы облысында нөсер жаңбыр жауады", - делінген хабарламада.
Тек еліміздің батыс өңірінде жауын-шашынсыз ыстық ауа райы сақталады. Республика бойынша желдің күшейіп, оңтүстік өңірлерде шаңды дауыл тұруы мүмкін.
Оқи отырыңыз: Қатты құрғақшылық болады – Қазгидрометтің маусым айына болжамы
Күндіз солтүстікте 17-28 градусқа дейін, орталықта 20-35-ке дейін, солтүстік-батыста 25-40 градусқа дейін ауа температурасының біртіндеп көтерілуі күтіледі.