Кешкі Алматы

"Екі жобаны қатар жүргізе алмаймыз": Сағынтаев LRT құрылысы жайлы айтты

48
Талғар, Қаскелең мен Алматыны электричкамен жалғау үшін жұмыс істеп жатырмыз, деді Сағынтаев

АЛМАТЫ, 25 маусым – Sputnik. Алматы билігі Алматыдан Талғарға дейін электричканы іске қосуға қаржы құятын жеке инвесторды шақырды. Бұл туралы қала әкімі брифинг кезінде мәлімдеді, деп хабарлайды Sputnik Қазақстан.

Сондай-ақ бұл электричканың Қаскелеңнен Талғарға дейін Алматы арқылы өтуі туралы айтты.

"Талғар, Қаскелең мен Алматыны электричкамен жалғау үшін жұмыс істеп жатырмыз. Бұл үшін жеке инвесторларды шақырдық. Қазір қала мен облысты байланыстыратын Алматы-Талғар бағыты пысықталып жатыр. Бұл автокөлік ағынын азайтып, адамдарды электр пойызы секілді экологиялық көлікке ауыстыру үшін жасалып жатыр", - деді Алматы әкімі.

Сонымен қатар ол Алматыда жеңіл рельсті трамвай (LRT) салу мәселесіне қатысты жұмыстың қалай жүріп жатқанын айтты. Сағынтаев қала әкімшілігі құрылысқа қажетті қаржыландыру таба алмай отырғанын жеткізді. Оның айтуынша, жобаны бастамас бұрын, оның тоқтамайтынына сенімді болу керек.

"Оны тұрғыза аламыз, бірақ қандай ақшаға саламыз? Жоба аяқталғаннан кейін құны миллиард долларға жуықтайды, біз бұл ақшаны қалай қайтарамыз?", - деді Алматы әкімі.

Оқи отырыңыз: Алматыда LRT және BRT құрылысы қашан аяқталады

Қала басшысы бұл мәселені үкіметпен бірге талқылайтынын жеткізді.

"Олардың көзқарасы бойынша біз метро және LRT секілді екі ірі жобаны қатар жүргізе алмаймыз. Біз жарты жолда LRT құрылысын тастап кете алмаймыз, сондықтан құрылысын бастамас бұрын сенімді болу керек. Бірінші орында жобаны қаржыландыру тұр", - деп түсіндірді Сағынтаев.

48
Кілт сөздер:
Бақытжан Сағынтаев, Алматы, Алматы метрополитені, метро, жаяужол, жолаушы, жолдар, жол
 Архивтегі фото

Коронавирус пен пневмония тағы 100 адамның өмірін жалмады

455
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

455
Тақырып:
Коронавирус эпидемиясы
Пробирка с тестом на коронавирус

Денсаулық сақтау министрлігі коронавирусқа қатысты статистиканы жаңартты

58
Нұр-Сұлтанда 1 518, Алматыда 1511, Қарағанды ​​облысында 964 адам коронавирус инфекциясын жұқтырған

НҰР-СҰЛТАН, 31 шілде – Sputnik. Қазақстанда өткен тәулікте 7 691 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 7 778 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1518
  • Алматы қаласы - 1511
  • Шымкент қаласы - 477
  • Ақмола облысы - 253
  • Ақтөбе облысы - 332
  • Алматы облысы - 300
  • Атырау облысы - 417
  • Шығыс Қазақстан облысы – 216
  • Жамбыл облысы - 247
  • Батыс Қазақстан облысы - 159
  • Қарағанды облысы - 964
  • Қостанай облысы - 245
  • Қызылорда облысы - 257
  • Маңғыстау облысы - 236
  • Павлодар облысы - 280
  • Солтүстік Қазақстан облысы - 155
  • Түркістан облысы – 124.

Жалпы ел бойынша ауырғандар саны – 572 576.

58
Кілт сөздер:
статистика, коронавирус
Тақырып:
Коронавирус эпидемиясы
Әуежай, архивтегі фото

Нұр-Сұлтанда рекорд жаңартпақ болған жігіттің ұшақты сүйреуге күші жетпеді  

0
(Жаңартылды 11:36 31.07.2021)
Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды

НҰР -СҰЛТАН, 31 шілде – Sputnik. Елордада Нұрсұлтан Назарбаев атындағы халықаралық әуежайда әлемдік рекордты жаңартпақ болған жігіттің ұшақты сүйреуге шамасы келмеді. 26 тонналық ұшақ ақыры орнынан тапжылған жоқ, деп хабарлады КТК.

Алмат Жұманов ұшақ сүйреуге тыңғылықты дайындалды. Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды.

Жаңа рекордты тамашалауға келген тілшілермен бірге Гиннесс кітабының  өкілдері де сертификатын ұстап әзір тұрған. Алайда қанша тырмысса да, ұшақты сүйрей алмай қойды. Рекорд ел Тәуелсіздігінің 30 жылдығы мен Токиодағы спортшыларымызға арналмақ болған.

Бұған дейінгі рекорд Ресейде тіркелген, рекордшы 13 тонналық ұшақты сүйрепті. Ал 21 жастағы Алмат Жұманов бұған дейін 109 тонналық пойыз тартқан екен. Енді ұшақты қойып, Алматыда 300 тонналық пойызды сүйреп рекорд жаңартпақшы. Қазіргі көрсеткіш 276 тонна.  

"Бір-екі рет тартқан кезде күшім қалған жоқ. Сондықтан менде 4-5 мүмкіндік болды. Соңғысында күшім жетпей қалды. Бірінші, екіншісінде күшім сарқылды. Оның үстіне жері қисық екен. Жоғары шыққан кезде мені артқа лақтырып жіберді. Сондықтан бұл өте қиын болды", - дейді Алмат Жұманов.

0