Алтын жәдігерлер, көрнекі фото

Ақтөбе маңынан құнды жәдігерлер табылды

62
Қасқыр мен құстың бейнесінде жасалған алтын мен қоладан құйылған әшекей бұйымдар бар

НҰР-СҰЛТАН, 30 маусым – Sputnik. Ақтөбелік археологтар қала маңынан құнды жәдігерлер тапты, деп хабарлайды "Хабар 24" телеарнасы.

Арасында қасқыр мен құстың бейнесінде жасалған алтын мен қоладан құйылған әшекей бұйымдар бар.

Мамандар бұл заттар ежелгі сармат дәуірінде қолданылғанын айтады. Бұл бірегей жәдігерлер Ақтөбеге жақын орналасқан Қурайлы елді мекенінің маңындағы бір ежелгі қорымнан табылды. Археологиялық зерттеу жұмыстарын жүргізген мамандардың айтуынша, барлығы да біздің заманымызға дейінгі 5-6 ғасырларда қолданылған. Ең көлемді және құндысы темірден құйылған бір метрге жуық қылыш пен қанжар және қоладан жасалған әртүрлі пішіндегі ат әбзелдерінің әшекей бұйымдары мен садақ жебелері. Ал сырға мен алқа моншағы және шашбаудың алтыннан екені анықталып отыр.   

"Бұл бұйымдарға қарап, сол дәуірдегі мәдениетті, дүниетанымды байқауға болады. Әсіресе металл кен орнын анықтап, оны балқыту арқылы түрлі заттар жасалғанын көреміз. Оның ішінде темір мен мыс, алтынды қолдану жолы және зергерлік өнердің қалыптасқанын білуге болады", - облыстық тарихи-өлкетану музейінің аға ғылыми қызметкері Аслан Мамедов.

Қорымды зерттеу жұмысы бір айға созылған. Себебі оның көлемін анықтау өте күрделі түрде өтіпті. Нәтижесінде қабір ішінен 9, ал айналасынан тағы бірнеше жерлеу орыны анықталған. Зерттеушілер мұнда сармат дәуірінің жауынгерлері мен төрелері жатуы мүмкін деп топшылайды. Себебі елдің батысындағы Елек пен Жайық өзендерінің төңірегін ежелгі темір дәуірінде сол тайпаның мекен еткені және өзіндік мәдениеті қалыптасқаны тарихтан белгілі. Ал табылған құнды заттардың жалпы саны шамамен жүзден асады.  

"Жазба деректерден біз енді қазір анықтап отырмыз Сармат тайпалары осы өңірді біздің заманымызға дейінгі 6-ғасырдың ортасында игерді. Әрбір адамның қасында 4-5 ке дейін заты бар. Себебі бір жауынгердің қорамсабында 100-ге дейін жебенің ұштары сақталады. Қазір біз оны енді лабораториялық жағдайда зерттеп, анықтап, тазартып, нақты инвентарлық номерін қойып, санын анықтаймыз", - деді облыстық тарихи-өлкетану музейінің директоры Мейрам Дүйсенғали.

Оқи отырыңыз: Батыс Қазақстанда сармат жауынгерлерінің сүйегі табылды

Бірегей жәдігерлер анықталған қорым айналасында тағы да бес қорған бар. Оларды зерттеу келесі жылы жүргізіледі. Ал табылған заттар зертханалық өңдеуден өткен соң мұражай қорына тапсырылады.

62
Кілт сөздер:
археология, тарих
ASHYQ қосымшасы

Вакцинадан кейін вирус жұқтырғандардың Ashyq-тағы статусы қалай өзгереді

30
Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады

НҰР-СҰЛТАН, 28 шілде – Sputnik. Вакцинаның екі дозасынан кейін коронавирус жұқтырған адам Ashyq қосымшасында 14 күн бойы "қызыл" статуспен тұрады. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Вакцинаның екі дозасын алғаннан кейін Ashyq-та "жасыл" статус беріледі. Егер вакцина салғызған адам коронавирус жұқтырса, оның статусы қалай өзгереді? Егер статус "қызылға" ауысса, оған "жасыл" статус қалай қайтарылады?", - деп сұрады журналист эпидемиологиялық ахуал туралы баспасөз мәслитында.

"Бізде жүйе интеграцияланған. Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады. "Қызыл" статус 14 күн бойы сақталады. Екі апта өткен соң, ол автоматты түрде "жасылға" ауысады. Өйткені адам бәрібір де вакциналанған болып саналады", - деп жауап берді Айжан Есмағамбетова.

Ол бүгінде вакцина салдырғандар арасында індетке шалдыққандар өте аз екенін атап өтті.

30
Тақырып:
COVID-ке қарсы вакцина
Аэропорт.  Ashyq

Ashyq-тан көк түсті алып тастау мүмкіндігі қарастырылады - денсаулық министрлігі

1066
(Жаңартылды 18:59 28.07.2021)
Елімізде вакцина алған адамдар көбейген соң Ashyq қосымшасынан "көк" мәртебесін алып тастау мүмкіндігі қарастырылады

НҰР-СҰЛТАН, 28 шілде – Sputnik. Ashyq қосымшасынан көк түс алынып тасталуы мүмкін, деді денсаулық министрлігі санитарлық-эпидемиологиялық бақылау комитетінің төрағасы Айжан Есмағамбетова, деп хабарлайды Sputnik Қазақстан тілшісі.

Бүгінде Ashyq бағдарламасында ПТР-тест тапсырмаған және науқаспен байланыста болмаған адамдар көк түспен белгіленеді. Олар вакцина алған "жасылдармен" бірге кәсіпкерлік нысандарға емін-еркін кіре алады.

"Ashyq бағдарламасынан көк түсті алып тастауға әлі ерте деп ойлаймыз. Вакцинаның бірінші компонентін 5 миллион адам салдырды. Демек, қалған 8 миллион адам көк түспен жүр. "Қызыл" мен "сары" мәртебемен жүргендер де бар ", - деді Есмағамбетова орталық коммуникациялар қызметінде өткен онлайн брифингте.

Оның айтуынша, бүгінде Ashyq бағдарламасына жасыл түс бойынша өзгеріс енгізіліп жатыр. Алдағы уақытта вакцинаның бір компонентін алған адамдар да "жасылдар" болып белгіленіп отырады.

"Осылайша, біз адамдарды екпе алуға ынталандырамыз. Сондай-ақ көк түсті біртіндеп азайтамыз. Сондықтан әзірше көк түсті Ashyq-тан алмаймыз. Алайда вакцина алған адамдардың саны көбейгеннен кейін Ashyq-тан көк түсті мүлдем алып тастаймыз деп ойлаймын", - дейді Есмағамбетова.

Оқи отырыңыз: Мектептер Ashyq жобасына қосылуы мүмкін

 

1066
Василий Левит

Олимпиадада нокаутқа түсіп қалған Василий Левит желіде жазба жариялады

0
(Жаңартылды 20:18 28.07.2021)
Боксшы соққыға жалғыз төтеп беру оңай емес екенін, алайда қазақстандықтардың қолдауын сезінгенін атап өтті

АЛМАТЫ, 28 шілде – Sputnik. Токио Олимпиадасында нокаутқа түсіп қалған қазақстандық боксшы Василий Левит қиын сәтте қолдау көрсеткен жанкүйерлеріне алғыс айтты, деп хабарлайды Sputnik Қазақстан.

"Сіздер менімен бірге жеңістен кейінгі қуаныш пен жеңілістен кейінгі қайғыны бөлісіп келесіздер. Спорт – менің өмірім. Боксшылар арасында мынадай даналық бар: төмен құламаған адам жоғары көтерілмейді. Бұл сөз өз мақсатына ұмтылған және алға қарай жүретін кез келген адамның өмірінде қолданылады", - деп жазды Василий Левит.

Посмотреть эту публикацию в Instagram

Публикация от Василий Левит (@vassiliy_levit)

Ол сондай-ақ соққыға жалғыз төтеп беру оңай емес екенін, алайда қазақстандықтардың қолдауын сезінгеннен кейін өзінің жалғыз емес екенін түсінгенін айтты.

"Әрқашан қолдайтын отбасым, жақын адамдарым бар. Сондай-ақ менімен жеңіс пен жеңілісті бөлісуге дайын қымбатты жанкүйерлер, сіздер барсыздар. Сіздер жолдаған хаттарды оқыған кезде өмірдегі ең құнды дүние сені түсініп, саған сенетін адамдар барын білу екенін түсіндім", - деді боксшы.

Айта кетейік, Токио Олимпиадасында қазақстандық боксшы Василий Левит 91 келі салмақ дәрежесінде шықты. Оның қарсыласы испаниялық боксшы Эммануэль Рейес болды.

Токио Олимпиадасы: Левит нокаутқа түсіп қалды – видео

Бірінші раунд испаниялық боксшы пайдасына шешілді. Ал екінші раундтың басында Левит қарсыластың сериялық соққысынан кейін нокаутқа түсіп қалды. Бірақ аяғына тұрды. Төреші оның теңселіп тұрғанын көріп, жекпе-жекті тоқтатты.

Левит Рио Олимпиадасында күміс жүлдені жеңіп алған болатын.

0
Кілт сөздер:
Василий Левит