Вакциналау

Коронавирусқа қарсы вакцинаға ағзаны қалай дайындау керек

174
Дәрігер коронавирусқа қарсы екпені жұма күні салғызған жөн деп санайды. Себебі адам вакциналаудан кейін өзін жайсыз сезінсе, үйде тынығып жата алады

 

НҰР-СҰЛТАН, 30 маусым — Sputnik. Терапевт дәрігер Ольга Кашубина коронавирусқа қарсы екпеге және ағзаның вакцинаға реакциясына қалай дайындалу керектігі туралы айтып берді.

Терапевт "Коронавирус: өзіңді қалай қорғау керек?" деген кітап жазып, вакцина дозасын салғызған кезде ағзаның әсері қандай болатынын болжап білу мүмкін емес екені туралы ой толғаған. Сондықтан күтпеген жағдай туындаса, демалып, өз-өзіне келу мүмкіндігін алдын ала ойластыру керек, деп хабарлайды Sputnik радиосы.

"Мен вакцинадан кейін өзімді жақсы сезіндім. Алайда оның әсері жайсыздық алып келген біраз адамды білемін. Коронавирусқа қарсы екпе саған қалай әсер ететінін алдын ала біле алмайсың. Сондықтан дайындалу да мүмкін емес. Алайда бірінші екпеден кейін екіншісіне ағза қандай реакция беретінін пайымдауға болады. Сондықтан мейлінше жұма күні вакцина салғызған дұрыс. Егер қандай да бір жанама әсері болса, онда тынығып алуға болады", - дейді Ольга Кашубина.

Ол аллергияық реакцияны бәсеңдету мақсатында екпе алдында антигистаминді дәрі ішудің қажеті жоқ екенін айтты. Бірақ дене қызуын басатын дәрі вакциналаудан кейін қажет болады.

"Егер вакциналаудан кейін өзіңізді нашар сезіне бастасаңыз, ыстықты басатын дәрі қабылдауға болады. Бұл дене қызуы мен бас ауруын басқанмен, антиденелердің жылдам түзілуіне, ағзаның вакцинаға иммундық әсеріне еш әсер етпейді және оның тиімділігің төмендетпейді", - деді дәрігер.

Коронавирусқа қарсы екпені кімдерге салғызуға болмайды

Кез келген вакциналау кезінде бірқатар себепке байланысты екпеге тыйым салынатын адамдар тобы болады. Сондықтан екпе салғызар алдында дәрігермен кеңесу қажет.

Коронавирусқа қарсы екпені кімге салмайды:

  • КВИ ауыр түрімен ауырып жатқан және коронавирус жұқтырғанын растайтын ПТР-тест нәтижесі бар адамдарға;
  • инфекциялық ауру жұқтырған науқаспен байланыста болған адамдарға, олар карантин уақыты аяқталғаннан кейін екпе алады;
  • КВИ-дің кез келген түрімен ауырып тұрған адамдарға, оларға сауыққаннан кейін 6 айдан соң және вакциналау алдында денсаулығын тексергеннен кейін ғана екпе салынады;
  • өткір инфекциялық ауруы бар, созылмалы ауруы асқынған науқастарға. оларға емдеу аяқталғаннан кейін екі апта өткен соң вакциналауға кеңес беріледі.
174
Кілт сөздер:
коронавирус, вакцина
Тақырып:
COVID-ке қарсы вакцина (319)
 Архивтегі фото

Коронавирус пен пневмония тағы 100 адамның өмірін жалмады

314
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

314
Тақырып:
Коронавирус эпидемиясы
Пробирка с тестом на коронавирус

Денсаулық сақтау министрлігі коронавирусқа қатысты статистиканы жаңартты

54
Нұр-Сұлтанда 1 518, Алматыда 1511, Қарағанды ​​облысында 964 адам коронавирус инфекциясын жұқтырған

НҰР-СҰЛТАН, 31 шілде – Sputnik. Қазақстанда өткен тәулікте 7 691 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 7 778 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1518
  • Алматы қаласы - 1511
  • Шымкент қаласы - 477
  • Ақмола облысы - 253
  • Ақтөбе облысы - 332
  • Алматы облысы - 300
  • Атырау облысы - 417
  • Шығыс Қазақстан облысы – 216
  • Жамбыл облысы - 247
  • Батыс Қазақстан облысы - 159
  • Қарағанды облысы - 964
  • Қостанай облысы - 245
  • Қызылорда облысы - 257
  • Маңғыстау облысы - 236
  • Павлодар облысы - 280
  • Солтүстік Қазақстан облысы - 155
  • Түркістан облысы – 124.

Жалпы ел бойынша ауырғандар саны – 572 576.

54
Кілт сөздер:
статистика, коронавирус
Тақырып:
Коронавирус эпидемиясы
Аэропорт, крыло самолета

Нұр-Сұлтанда рекорд жаңартпақ болған жігіттің ұшақты сүйреуге күші жетпеді  

0
Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды

НҰР -СҰЛТАН, 31 шілде – Sputnik. Елордада Нұрсұлтан Назарбаев атындағы халықаралық әуежайда әлемдік рекордты жаңартпақ болған жігіттің ұшақты сүйреуге шамасы келмеді. 26 тонналық ұшақ ақыры орнынан тапжылған жоқ, деп хабарлады КТК.

Алмат Жұманов ұшақ сүйреуге тыңғылықты дайындалды. Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды.

Жаңа рекордты тамашалауға келген тілшілермен бірге Гиннесс кітабының  өкілдері де сертификатын ұстап әзір тұрған. Алайда қанша тырмысса да, ұшақты сүйрей алмай қойды. Рекорд ел Тәуелсіздігінің 30 жылдығы мен Токиодағы спортшыларымызға арналмақ болған.

Бұған дейінгі рекорд Ресейде тіркелген, рекордшы 13 тонналық ұшақты сүйрепті. Ал 21 жастағы Алмат Жұманов бұған дейін 109 тонналық пойыз тартқан екен. Енді ұшақты қойып, Алматыда 300 тонналық пойызды сүйреп рекорд жаңартпақшы. Қазіргі көрсеткіш 276 тонна.  

"Бір-екі рет тартқан кезде күшім қалған жоқ. Сондықтан менде 4-5 мүмкіндік болды. Соңғысында күшім жетпей қалды. Бірінші, екіншісінде күшім сарқылды. Оның үстіне жері қисық екен. Жоғары шыққан кезде мені артқа лақтырып жіберді. Сондықтан бұл өте қиын болды", - дейді Алмат Жұманов.

0