Тұрмыстық зорлық-зомбылық, иллюстративті фото

Күйеуі өзіне де, баласына да күн бермей ұрып-соққан алматылық әйел: "18 жыл шыдадым"

1310
Шыдамның шегі күйеуі өз қызын өлімші етіп сабаған кезде ғана таусылса керек

НҰР-СҰЛТАН, 30 маусым — Sputnik. Елімізде отбасыдағы тұрмыстық қатынастарға қатысты әкімшілік құқық бұзушылықтар дерегі азаймай тұр, деп хабарлайды "Алматы" телеарнасы.

Мәселен, Алматы облысына қарайтын бір ғана Қарасай ауданында жыл басынан бері 322 әйелді өз күйеуінен қорғау туралы нұсқама шығарылған. Ал жергілікті полиция қызметі бұл жағдайлардың алдын алу үшін нендей шаралар жасайды? Бұл жөнінде Almaty.tv телеарнасы арнайы сюжет жасады.

Есімін жасыруды сұраған бір әйел жолдасының қорлығына 18 жыл бойы шыдап келген. Кейіпкердің әңгімесінен жан түршігеді. Сөзінше отағасы өзіне де, балаларына да күн бермей ұрып-соғатын көрінеді. Тіпті жүкті кезінде де талай таяқтың астына алған. Бірақ  бір күні "әлі де өзгерер, түзелер" деген үмітпен өткіздім дейді ол. Шыдамның шегі күйеуі өз қызын өлімші етіп сабаған кезде ғана таусылса керек.

"Ұрып тастадым деді. Кімді десем ‒ Кәусарды деді. Бөлмесі бөлек болатын. Жүгіріп барсам, баланың дене қызуы көтеріліп қолын көтере алмай қалған. Мен айттым: қыз бала ғой, соншалықты сөз де қайтармайды, қорқады. Сен қырықтасың, ол он жаста. Сонша не болды? Деп айтсам, ‒ жоқ, түсінер емес. Төсекке секірме десе, қызым секіре беріпті. Он жастағы бала еркелеп, ойнағысы келеді ғой енді. Немен ұрдың десем, ‒ өзінің үлкен аяғымен тебе берген ғой тоқтамай. Кіп-кішкентай қызды қалай аяғымен тебеді,түсінбеймін", ‒ деді жылап, есімін жасырған әйел.

Қанша жаман болса да балаларымның әкесі деген ол полицияға арыз түсірмеген. Ерлі-зайыпты 2017 жылы ажырасып кеткенімен уақыт өте келе қайта табысыпты. Бірақ бұл жолы да бақыттары баянды болмай, кезекті жанжалдан кейін әйел бала-шағасымен дағдарыс орталығынан бір-ақ шыққан. Қазір көпбалалы анаға құқық қорғау қызметкерлері көмек қолын созуда.

"Бүгінде біздің орталықта "Әйел отбасы шырағы" сияқты акциялар жүргізіліп отырады. Осының нәтижесінде былтырғы жылмен салыстырғанда әйелдердің жеке тұлғасына қатысты жасалатын қылмыстың саны төмендеді. Дегенмен де отбасы тұрмыстық қатынастар саласында жасалатын құқық бұзуышылықтар әлі де фактілері тіркелуде. Сондықтан осындай фактілерді болдырмау үшін полицейлер халық арасында зорлық-зомбылыққа қарсы насихат шараларын, сауалнамалар мен тәжірибелер ұйымдастырады. Қазір республика бойынша "Зорлық-зомбылықсыз отбасы" атты науқан жүріп жатыр", ‒ деді Қарасай аудандық полиция қызметі әйелдерді зорлық-зомбылықтан қорғау тобының аға инспекторы Эльмира Есенбаева.

Оқи отырыңыз: Оралда ер адам сүйіктісін кәмелет жасқа толмаған қызының көзінше пышақтап тастады – видео

Тәртіп сақшылары шағын әлеуметтік эксперимент жасап көрмен. Көшенің дәл ортасында қыз бен жігіт арасында жанжал туып, ер адам әйелге қол көтеруге дейін барады. Осы кезде айналадағы адамдар бұл жағдайға қалай әсер етеді? Нендей әрекет жасаған? 

Бастапқыда екі жастың ісіне араласып, қызға араша түскен ешкім болмаған. Бірақ бойжеткенді жұлқылап, қол тигізген жігітті көрген кезде бейжай қарамайтын адамдар табылған.

Мысалы, эксперимент кезінде егде жастағы апаға "Барыңыз, өзіміз шешеміз, араласпаңыз!" ‒ дегенде, апамыз бей-жай қарамай "Қазір полиция шақырамын" ‒ деген. Тағы бірнеше адам сабырға шақырып, ұрғызбаған.

"Еркек адам әйелге қол көтергеннен жаман ешнәрсе жоқ. Өйткені әйел ‒  бала-шағамыздың анасы, бүгін болмаса ертең ана, әже болады. Сондықтан қол көтерген мүлде дұрыс емес", ‒ деді қала тұрғыны Бекзат Омаров.

Жалпы мамандар әйелдерге қатысты ауыр санаттағы қылмыстар жыл басынан бері тіркелмегенін айтады. Ал орташа деңгейде бағаланатын қылмыстар былтырмен салыстырғанда 50 пайызға азайған. Бірақ, әйелдерге әлімжеттік көрсетіп, әкімшілік жауапкершілікке тартылған ер-азаматтардың саны соңғы алты айда 322-ге жетіпті. Былтыр 303 жағдай тіркелген.

1310
Кілт сөздер:
ұрып-соғу, тұрмыстық жанжал, Алматы
Архивтегі сурет

Қазақстанның он тоғыз миллионыншы тұрғыны туралы жаңа дерек шықты

30
Қазақстанның он тоғыз миллионыншы тұрғыны ретінде тіркелген Жания Азаматқызы Алматы қаласында дүниеге келді

НҰР-СҰЛТАН, 4 тамыз – Sputnik. Қазақстанның он тоғыз миллионыншы азаматы 20 маусымда Алматы қаласында туды. Бұл туралы ұлттық статистика бюросы хабарлайды.

Халықтың ағымдағы есебі деректеріне сәйкес 2021 жылдың 20 маусымында Қазақстан Республикасының 19 миллионыншы тұрғыны дүниеге келді.

"Еліміздің он тоғыз миллионыншы тұрғыны ретінде Жания Азаматқызы анықталды. Ол Алматы қаласында туған, отбасында төртінші бала", - делінген хабарламада.

Туу туралы актісіне сәйкес, нәрестенің ата-анасы Алматы облысы Іле ауданы Чапаево ауылында тұрады. Анасы – 1986 жылғы Назгүл Көбентаева, әкесі – 1982 жылғы Азамат Нұрғалиев.

Бұл ретте Ұлттық статистика бюросы он тоғыз миллионыншы тұрғын қалай анықталғанын түсіндірді. Оны анықтау кезінде табиғи қозғалыс өсімі (белгілі бір кезеңде дүниеге келгендер мен қайтыс болғандар арасындағы айырма) және халықтың көші-қон айырымы (ел аумағына белгілі бір кезеңде келгендер саны және оның шегінен тыс кеткендер саны арасындағы айырма) ескерілген. Кандидатура жалпы республика бойынша, тұратын жеріне тәуелсіз анықталды.

Тағы оқыңыз: Алматы облысында еліміздің он тоғыз миллионыншы азаматы дүниеге келді – Тоқаев

Тәуелсіздік жылдары ішінде Қазақстан халқының саны 2 557,9 мың адамға (15,5%) өсіп, биыл 1 шілдеде 19 009,6 мың адамды құрады.

3 тамыз күні президент Қасым-Жомарт Тоқаев Twitter-де Қазақстан халқы 19 миллион адамға жеткенін хабарлады. Мемлекет басшысы он тоғыз миллионыншы азаматтың ата-анасы мен қазақстандықтарды осы қуанышпен құттықтады.

30
Кілт сөздер:
Қазақстан халқы, статистика
Оқушылар

Жаңа оқу жылындағы каникул: оқушылар қанша күн демалады

440
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

440
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды