Дәрігер коронавирусқа қарсы екпе салып жатыр, көрнекі фото

"Вакцина салдырғандар ауруханаға түсіп жатыр": денсаулық министрлігі түсініктеме берді

14945
Денсаулық сақтау министрлігі желіде тараған мәліметтің шындыққа жанаспайтынын мәлімдеді

НҰР-СҰЛТАН, 30 маусым – Sputnik. Денсаулық сақтау министрлігі Telegram арқылы тараған ақпаратты жоққа шығарды. Онда вакцина салдырған адамдардың ауруханаға көптеп түсіп жатқаны жайында айтылады, деп хабарлайды Sputnik Қазақстан Stopfake.kz сайтына сілтеме жасап.

"Міне, екпе деп осыны айт. Менің кіндік апам ковидтік госпитальде жұмы істейді. Қазіргі кезде ауыр, орташа ауыр жағдайда және өлім аузында жатқандар – 100 процент вакцина салдырғандар. Медицина мамандары науқастардан екпе салдырғанын я салдырмағанын сұрай бастады", - делінген Telegram арналарының бірінде тараған ақпаратта.

Денсаулық сақтау министрлігі ол мәліметтің шындыққа жанаспайтынын мәлімдеді. Бірақ вакцина салдырғандар арасында COVID-19 жұқтыру жағдайларының бар екенін растады.

"Олардың саны өте аз. Осы уақытқа дейін Қазақстанда вакцина алған 3 246 795 адамның 0,05%-ы COVID-19-мен ауырған. Сосын індетті жұқтыру жағдайларының басым бөлігі препараттың тек бір ғана дозасын алуға үлгергендер арасында ғана тіркелген. Себебі КВИ-ге қарсы иммунитет әлі толық қалыптаспаған", - дейді министрлік мамандары.

Айта кетейік, бұған дейін вакцина салдырған адамдар арасында КВИ жұқтыру жағдайлары шетелде тіркелген. Мысалы, АҚШ-та ауруларды бақылау және алдын алу орталығының деректері бойынша биылғы жылдың 21 маусымында вакцина алған адамдар арасында індетті жұқтырудың 4 115 жағдайы тіркелген. Бұл сол кезде егілген адамдардың жалпы санының 0,002% құрайды.

Оқи отырыңыз: "Антиденелер көмектеспейді": Алмаз Шарман коронавирустан қорғанудың жолын атады

Бұл көрсеткіштер вакциналардың тиімділігіне қатысты ақпаратқа сәйкес келеді. Мәселен, Pfizer/BioNTech препараты - 91%, Moderna – 94%, AstraZeneca – 74%, Спутник V – 92%, ал Синофарм шығарған вакцинаның (Hayat-Vax) тиімділігі 73% болып тұр.

14945
Кілт сөздер:
коронавирус, вакцина
Тақырып:
COVID-ке қарсы вакцина (315)
Тақырып бойынша
Қазақстан "қызыл" аймақта: Цой вирус жұқтырғандар көбейіп бара жатқанын айтты
Вакцина салғызғаннан кейін күнге күюге бола ма - дәрігер жауабы
Министрлік коронавирус пен пневмониядан қайтыс болғандар статистикасын жаңартты
Коронавирусқа қарсы вакцинаға ағзаны қалай дайындау керек
Жаппай локдаун енгізілуі мүмкін – ДДҰ
Архивтегі фото

Мектептер Ashyq жобасына қосылуы мүмкін

12
Балаларды қыркүйектен бастап оффлайн оқыту мәселесі пысықталып жатыр, деді Айжан Есмағамбетова

НҰР-СҰЛТАН, 28 шілде – Sputnik. Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мектептерде Ashyq қосымшасы енгізілуі мүмкін екенін айтты, деп хабарлайды Sputnik Қазақстан тілшісі.

"Балаларды қыркүйектен бастап оффлайн оқыту мәселесі пысықталып жатыр. Бүгінде мектептерде оқитын балалар саны үш миллионнан асады. Біз оқушылардың мектепте вирус жұқтыруы немесе вирус әкелуі мүмкін екенін түсінеміз. Сол себепті мектептерді, балабақшаларды, жоғары оқу орындарын Ashyq жобасына міндетті түрде қосу мәселесі қарастырылып жатыр", - деді Есмағамбетова баспасөз мәслихатында.

Айтуынша, 12 жасқа дейінгі балалар қоғамдық орындарға көп жағдайда ата-анасымен бірге барады. Сол себепті кіреберісте ата-ананың статусы қауіпсіз екені расталса, балалар солармен бірге өте алады.

Ал ересектерсіз қыдыратын 12 жастан асқан балалар үшін ерікті тестілеу қарастырылған.

12
Ashyq в аэропорту Алматы

Екінші тамыздан бастап қандай нысандар Ashyq-сыз жұмыс істейді

23
Ведомствоаралық комиссияның шешіміне байланысты 2 тамыздан бастап қосымша шектеу шаралары күшіне енеді

НҰР-СҰЛТАН, 28 шілде – Sputnik. 2 тамыздан бастап Ashyq жобасына қосылмаған кәсіпорындар мен ұйымдардың қызметі тоқтатылады. Денсаулық сақтау министрі Алексей Цой қандай нысандар Ashyq қосымшасына қосылмай-ақ жұмысын жалғастыратынын айтты, деп хабарлайды Sputnik Қазақстан тілшісі.

Ashyq-сыз жұмыс істейтіндер:

  • құрылыс жұмыстарын жүргізу;
  • өнеркәсіптік кәсіпорындар қызметі;
  • көлік жуу; автокөлік, тұрмыстық техника, сағат, телефон, компьютер, аяқ киім жөндеу; тігін ательесі, кір жуатын орын; химиялық тазарту; кілт жасау, гүл сататын дүкендер, фотосалондар:
  • туристік компаниялардың қызметі, бизнес орталықтардағы жекелеген қызмет түрлері: сақтандыру компаниялары, адвокат, нотариус, есепші мен консанлтинг қызметі, жылдымайтын мүлік агенттігі, сот орындаушылар, айырбастау пунктері, ломбардтар және тағы басқа.

Қоғамдық тамақтану орындары тек жеткізу және алып кету форматында істейді.

Цой Ashyq жобасына қосылмаған барлық кәсіпорын мен ұйымның қызметі уақытша тоқтатылатынын атап өтті. Бұл талап орталық мемлекеттік органдарға, әкімдіктерге, құқық қорғау органдарына, денсаулық сақтау ұйымдарына, БАҚ, азық-түлік дүкендеріне, дәріханалар мен тіршілікті қамтамасыз ету ұйымдарына қатысты емес.

Бұған қоса бұқаралық, спорттық, отбасылық, еске алу және тағы басқа шараларды өткізуге тыйым салынған.

Мемлекеттік органдарда, кеңселерде, ұлттық компаниялар мен өзге де ұйымдарда қызметкерлердің 80%-і қашықтан жұмыс істейді. Вакцина салдырғандар мен соңғы үш айда коронавируспен ауырып шыққандарға жұмысқа баруға рұқсат етіледі.

23