Пышақ, архивтегі фото

"Пышақпен бір ұрды": Алматыда бөлмені жалға алған әйел үйдің иесін өлтірді 

449
(Жаңартылды 13:33 30.06.2021)
Қылмыс жасаған әйел оқиға орнына қашып кеткен. Бірақ полицейлер оны ұстады

НҰР-СҰЛТАН, 30 маусым – Sputnik. Алматы қалалық полиция департаменті жанжал кезінде жалға алған бөлменің иесін пышақтап өлтірген әйелге қатысты сотқа дейінгі тергеуді бастады, деп хабарлайды Sputnik Қазақстан.

Ресми мәліметке сәйкес, бұл оқиға Алатау ауданындағы жеке үйлердің бірінде болған. 

"Әйел мен ер адам жеке үйдің бөлмесін бір күнге жалға алған. Ал үйдің иесі спирттік ішімдіктерді ішуге және шулауға болмайтынын ескерткен. Бірақ олар тыңдаған жоқ. Жеке өздері қалғанда арақ ішкен", - дейді полицейлер.

Біршама уақыттан кейін бөлмені жалға алғандар шулай бастады. Сол кезде үйдің иесі барып, ескерту айтқан. Олар сөз қайтарып, арты жанжалға ұласқан.

"Сол кезде әйел пышақ алып, 50 жастағы үйдің иесіне сұққан. Ол жедел жәрдем жеткенше көз жұмды. Ал әйел қылмыс жасағанын түсініп, оқиға орнынан қашып кетті. Бірақ көп ұзамай, қолға түсті", - деп атап көрсетті тәртіп сақшылары.

Оқи отырыңыз: Шу ауданында ер адам полицейге бірнеше рет пышақ сұғып алды – оқиғаның мән-жайы

Қазіргі кезде Алатау аудандық полиция басқармасы сотқа дейінгі тергеу шараларын бастап кетті. Сотта әйелдің кінәсі дәлелденсе, оны 8-15 жылға бас бостандығынан айыруы мүмкін.

449
Кілт сөздер:
Алматы, пышақтап тастады, пышақтап өлтірді
Тақырып бойынша
Көршісін 23 жерден пышақтаған: қостанайлық полицейлер күдіктіні атып өлтірді
Қостанайда ер адам бұрынғы әйелін пышақтап өлтірді  
Алматы облысында ауруханаға барған адам полицеймен төбелесті – оқиғаның видеосы
Солтүстік Қазақстанда үйінде қару жасаған қария тұтқындалды
Нұр-Сұлтанда екі спортшы төбелесті – бірі пышақ жарақатымен ауруханаға түсті
 Архивтегі фото

Коронавирус пен пневмония тағы 100 адамның өмірін жалмады

371
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

371
Тақырып:
Коронавирус эпидемиясы
Пробирка с тестом на коронавирус

Денсаулық сақтау министрлігі коронавирусқа қатысты статистиканы жаңартты

55
Нұр-Сұлтанда 1 518, Алматыда 1511, Қарағанды ​​облысында 964 адам коронавирус инфекциясын жұқтырған

НҰР-СҰЛТАН, 31 шілде – Sputnik. Қазақстанда өткен тәулікте 7 691 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 7 778 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1518
  • Алматы қаласы - 1511
  • Шымкент қаласы - 477
  • Ақмола облысы - 253
  • Ақтөбе облысы - 332
  • Алматы облысы - 300
  • Атырау облысы - 417
  • Шығыс Қазақстан облысы – 216
  • Жамбыл облысы - 247
  • Батыс Қазақстан облысы - 159
  • Қарағанды облысы - 964
  • Қостанай облысы - 245
  • Қызылорда облысы - 257
  • Маңғыстау облысы - 236
  • Павлодар облысы - 280
  • Солтүстік Қазақстан облысы - 155
  • Түркістан облысы – 124.

Жалпы ел бойынша ауырғандар саны – 572 576.

55
Кілт сөздер:
статистика, коронавирус
Тақырып:
Коронавирус эпидемиясы
Әуежай, архивтегі фото

Нұр-Сұлтанда рекорд жаңартпақ болған жігіттің ұшақты сүйреуге күші жетпеді  

0
(Жаңартылды 11:36 31.07.2021)
Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды

НҰР -СҰЛТАН, 31 шілде – Sputnik. Елордада Нұрсұлтан Назарбаев атындағы халықаралық әуежайда әлемдік рекордты жаңартпақ болған жігіттің ұшақты сүйреуге шамасы келмеді. 26 тонналық ұшақ ақыры орнынан тапжылған жоқ, деп хабарлады КТК.

Алмат Жұманов ұшақ сүйреуге тыңғылықты дайындалды. Әлемдік рекорд үшін биіктігі 8 жарым метр, ұзындығы 33 метр, қанаттарының ұзындығы 28 жарым метрге жететін "Бомбардиер" ұшағы тұрақтан арнайы шығарылды.

Жаңа рекордты тамашалауға келген тілшілермен бірге Гиннесс кітабының  өкілдері де сертификатын ұстап әзір тұрған. Алайда қанша тырмысса да, ұшақты сүйрей алмай қойды. Рекорд ел Тәуелсіздігінің 30 жылдығы мен Токиодағы спортшыларымызға арналмақ болған.

Бұған дейінгі рекорд Ресейде тіркелген, рекордшы 13 тонналық ұшақты сүйрепті. Ал 21 жастағы Алмат Жұманов бұған дейін 109 тонналық пойыз тартқан екен. Енді ұшақты қойып, Алматыда 300 тонналық пойызды сүйреп рекорд жаңартпақшы. Қазіргі көрсеткіш 276 тонна.  

"Бір-екі рет тартқан кезде күшім қалған жоқ. Сондықтан менде 4-5 мүмкіндік болды. Соңғысында күшім жетпей қалды. Бірінші, екіншісінде күшім сарқылды. Оның үстіне жері қисық екен. Жоғары шыққан кезде мені артқа лақтырып жіберді. Сондықтан бұл өте қиын болды", - дейді Алмат Жұманов.

0