Астана LRT

LRT-ны толық аяқтау үшін қосымша 1 миллиард доллар қажет Көлгінов

171
Қазіргі кезде конкурстық процедуралар жүріп жатыр

НҰР-СҰЛТАН, 30 маусым – Sputnik. Нұр-Сұлтан қаласының әкімі Алтай Көлгінов LRT құрылысының қайта жанданғанын растады, деп хабарлайды Sputnik Қазақстан тілшісі.

"Иә, құрылыс маусымына байланысты жұмыс қайта басталды. Бұрынғы шарттар қалды. Соның бәрі келісімшарттарда көрсетілген. Бізде қытайлық және жергілікті серіктестер бар. Барлық жұмыс келісімшарттар бойынша жүргізіліп жатыр", - деді Көлгінов онлайн режимде өткен халыққа есеп беру кездесуінде.

Оның сөзіне қарағанда, қазіргі жұмыс "белсенді басталды" деп айтуға болмайды. Ондай жұмысты бастау үшін қаржы қажет. Ал қаражат түскен сайын құрылыс шаралары да жылдамдай түседі.

"Қазіргі кезде конкурстық процедуралар жүріп жатыр. Банктерді таңдау қажет. Қаржы көздерін шешкеннен кейін белсенді жұмыс басталады", - деп атап көрсетті Көлгінов.  

Әкімнің айтуынша, қазіргі жұмыс қолда бар ақшаға басталып отыр. Ал LRT-ны толығымен аяқтау үшін қосымша 1 миллиард доллар қажет.

"Бас кезінде 2,6 миллиард доллар болған. Біз осы соманы 800 миллионға азайттық, былайша, ақшаны үнемдедік. Енді, вагон мен рельстер, жалпы, барлық инфрақұрылымды аяқтау үшін, шамамен, 1 миллиард доллар керек болып тұр", - дейді Көлгінов.

Оқи отырыңыз: Нұр-Сұлтанда LRT құрылысы қайта жандана бастады

Ал конкурстық процедуралар сыртқы заемды тарту бойынша жарияланады. Оған екінші деңгейлі банктер қатысып жатыр. Сырттан қажетті соманы тартқан ұйым жобаның жаңа инвесторы болады. Әкімнің айтуынша, қазақстандық банк те жаңа инвестор ретінде шығуы да мүмкін.

"Ішкі қаржы нарығында жобаға қатысамын деушілер болса, оларды да қарастырамыз. Бірақ БЖЗҚ қаралып отырған жоқ. Тек екінші деңгейлі банктер ғана", - сказал Алтай Кульгинов.

Инвестор жаздың аяғына дейін анықталады. Алайда Көлгінов LRT құрылысы қай кезде аяқталатынын айта алмады.   

"Бұған дейін осы құрылыстың аяқталу мерзімі жайында талай рет айтқан. Бірақ оны қайта-қайта шегеруге тура келді. Біз қаржы көзін анықтағаннан кейін келісімшартты рәсімдейміз. Сол кезде нақты жол картасы мен атқарылатын жұмыстардың кестесі болады. Сонда айтуға болады", - деді қала басшысы.

171
Кілт сөздер:
Алтай Көлгінов, қаражат, Астана LRT
Тақырып бойынша
"Екі жобаны қатар жүргізе алмаймыз": Сағынтаев LRT құрылысы жайлы айтты
Желіде LRT "бұзылып" жатқаны түсірілген видео талқыланды
LRT-ның тағдыры не болады – Көлгінов пікір білдірді
Қазақстан шет елдерден 2 341 адамды іздестіріп жатыр
LRT құрылысы жалғасып жатыр – видео
Картофельная запеканка

Дәрігер COVID-тен жазылғаннан кейін қалай тамақтану керектігін айтты

6
(Жаңартылды 08:40 29.07.2021)
Рационда сүт, балық, жұмыртқа, ет сияқты ақуыз көзі, сондай-ақ маусымдық жемістер мен көкөністер болуы керек

НҰР-СҰЛТАН, 29 шілде – Sputnik. Диета коронавирус инфекциясынан кейін ағзаны тез қалпына келтіруге көмектеседі.

Ресейлік эндокринолог дәрігер Юргита Вараеваның айтуынша, әркелкі тамақтану COVID-19 індетінен кейін қалыпқа келу процесінде маңызды рөл атқарады. Тағамның калориясы өте жоғары болғаны жөн: тәулігіне дене салмағының килограмына 20-30 килокалория қажет.

Оқи отырыңыз: Адам ерте қартаяды – коронавирустың тағы бір қауіпті әсері анықталды 

Сондай-ақ, маманның айтуынша, бұлшықеттің семуімен күресу үшін рационда ақуыз жеткілікті мөлшерде болуы қажет.

"Рационға бүйректің жай-күйін ескере отырып, бұлшықет тіндерінің семуімен күресу үшін дене салмағының килограмына 1,2-ден екі грамға дейін ақуыз қосу керек. Сүт, ашымал сүт өнімдері, йогурт, сүзбе, балық, жұмыртқа, құс еті, ет  (шұжық өнімдері мен сосиска кірмейді), бұршақ, үрмебұршақ (фасоль), соя өнімдерімен күніне кем дегенде үш-төрт порция мөлшерінде тамақтанған жөн", - деді Вараева Sputnik радиосына берген сұхбатында.

Адамның рационы неғұрлым әркелкі болған сайын, соғұрлым көп қажетті қоректік заттарды ала алады, деп толықтырды дәрігер.

"Соның ішінде маусымдық жемістер мен көкөністерге назар аударған жөн, күн сайын кем дегенде бес порция (бір порцияға шамамен 80 грамм) тұтыну қажет", - деді Вараева.

Дәрігер сонымен қатар тұрақты түрде тамақтану керектігін атап өтті.

"Кем дегенде үш рет толық тамақтанып, бір-үш рет жүрек жалғап алу маңызды. Орташа мөлшерде, бірақ жиі және тұрақты тамақтанған дұрыс", - деп кеңес берді сарапшы.

Әрине, дұрыс тамақтанудың негізгі қағидалары ешқашан өзгермейді: түнде ас ішпеңіз, соңғы рет ұйқыға жатарға дейін екі-төрт сағат бұрын тамақтанған жөн.  

6
Кілт сөздер:
дұрыс тамақтану, тамақ, коронавирус
Архивтегі фото

Қазақстан Қырғызстанға QazVac вакцинасының 25 мың дозасын жеткізді

74
Енді қырғызстандықтар Astra Zeneca, Sputnik V және басқа да шетелдік вакциналармен қатар QazVac салдыра алады

АЛМАТЫ, 28 шілде – Sputnik. Қырғызстанға COVID-19 пандемиясымен күрестегі ынтымақтастық шеңберінде QazVac инактивтендірілген вакцинасының 25 000 дозасы жеткізілді, деп хабарлады Қазақстанның сыртқы істер министрлігі.

Бішкекте көмекті тапсыру рәсіміне Қырғызстан денсаулық сақтау министрі Алымкадыр Бейшеналиев, Қазақстан елшісі Рәпіл Жошыбаев пен медицина ұйымдарының өкілдері қатысты.

Вакцинадан кейін вирус жұқтырғандардың Ashyq-тағы статусы қалай өзгереді

Министр Бейшеналиев елде коронавирус инфекциясының одан әрі таралуына қарсы іс-қимылда маңызды қолдау көрсеткені үшін Қазақстан тарапына ризашылығын білдірді.

"Енді қырғызстандықтар Astra Zeneca, Sputnik V және басқа да шетелдік вакциналармен қатар QazVac салдыра алады", - деп атап өтті ол.  

Оның айтуынша, қазақстандық вакцина халықты вакциналау пункттеріне жедел таратылады.

Қазақстан елшісі Рәпіл Жошыбаев вакцина Қазақстан президенті Қасым-Жомарт Тоқаевтың тапсырмасына сәйкес жеткізілгенін айтты.

"Қырғызстан біздің достарымыз бен халықаралық серіктестеріміздің арасында бірінші болып коронавирусқа қарсы қазақстандық вакцинаны алады, бұл елдеріміз арасындағы достық пен тату көршілестік қатынастарын тағы да растайды", – деді елші.

Ол сондай-ақ Қазақстанның ізгілік көмегі көптеген адам өмірін құтқаруға және Қырғызстандағы санитарлық-эпидемиологиялық жағдайды жақсартуға көмектесетініне сенім білдірді.

Айта кетейік, QazVac вакцинасын Қазақстанның білім және ғылым министрлігінің Биологиялық қауіпсіздік проблемаларының ғылыми-зерттеу институты өндірген.

2021 жылдың басынан бері ол ресейлік және қытайлық мамандар әзірлеген препараттармен қатар қазақстандықтарды вакциналау үшін қолданылады. QazVac 18 жастан асқан адамдарға салынады.

74
Кілт сөздер:
коронавирус, вакцина
Тақырып:
COVID-ке қарсы вакцина