Маска таққан жолаушылар, архивтегі фото

ЕАЭО-да емін-еркін жүруге мобильді қосымша көмектеседі  

50
(Жаңартылды 15:31 06.07.2021)
"COVID-19-сыз саяхат жасаймын" мобильді қосымшасын Ресей, Армения, Беларусь, Қырғызстан мен Қазақстанда қолдануға болады. ЕАЭО-ға кірмейтін Тәжікстан да оны қолданысқа енгізді

НҰР-СҰЛТАН, 6 шілде – Sputnik. Ресей Федерациясының Қазақстандағы елшілігі "COVID-19-сыз саяхат жасаймын" мобильді қосымшасын қолдану тәртібін жариялады, деп хабарлайды Sputnik Қазақстан.

Елшілік мамандары екі елдің шекарасынан өту ПТР-тесттің теріс нәтижесін көрсету қажеттігін еске салды. Анықтаманың мерзімі үш күннен аспауы шарт. Ал "COVID-19-сыз саяхат жасаймын" мобильді қосымшасының көмегімен бәрін жылдам жасауға болады. Себебі анықтаманың қағаз нұсқасын көрсетудің қажеті жоқ.

"Саяхаттайтын азаматтарға барынша ыңғайлы жағдай жасау үшін "COVID-19-сыз саяхат жасаймын" жүйесі жасалған болатын. Соның көмегімен ПТР-тесттің нәтижесін электронды түрде растауға болады", - дейді мамандар.

Елшілік мобильді қосымшаны қолдану тәртібін де жариялады.

  • Қосымшаны жүктеу;
  • Тест тапсыру (Қосымша адамның қай жерден шығатынын өзі анықтайды. Ал қолданушы баратын елді таңдауы тиіс. Осыдан кейін жақын жерде орналасқан зертханалардың мекенжайы шығады. Соның біреуін таңдап, ыңғайлы уақытта коронавирус инфекциясына ПТР-тест тапсыру қажет);
  • Тест нәтижесін алу ("Жасыл" – тесттің теріс нәтижесі, "қызыл" – тесттің оң нәтижесі. Сондай-ақ, анықтаманың мерзімі өтіп кетсе, "қызыл" түс шығады);
  • Тесттің нәтижесін көрсету (Адам баратын жеріне жеткеннен кейін қосымша арқылы COVID-мәртебесін көрсетеді. Ал бақылаушы оны кіргізуге немесе кіргізбеуге шешім қабылдайды)

Айта кетейік, бұған дейін Қазақстан "COVID-19-сыз саяхат жасаймын" жобасына қосылған болатын.

Соның арқасында ЕАЭО елдерінде кедергісіз жүруге болады. Мобильді қосымшаны Ресей, Армения, Беларусь пен Қырғызстанда қолдануға болады. ЕАЭО-ға кірмейтін Тәжікстан да оны қолданысқа енгізді.

50
Кілт сөздер:
мобильдік қосымша, саяхат, ЕАЭО
солдат

Отставкадағы генерал-лейтенант Құрбан Қаражанов өмірден озды

145
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

145
QazVac вакцинасы

Бас санитар дәрігер QazVac вакцинасына қатысты қаулыға қол қойды

83
(Жаңартылды 20:06 31.07.2021)
Енді QazVac вакцинасының құтысы үш немесе бес адам екпе алуға ниет еткенде ашылады, бұл вакцинаны сақтау талабын орындау үшін қажет

НҰР-СҰЛТАН, 31 шілде – Sputnik. Бас мемлекеттік санитар дәрігер Ерлан Қиясов қаулы шығарып, QazCovid-in (QazVac) вакцинасын шығару формасын өзгертті.

"QazCovid-in вакцинасын шығару формасы: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыға құйылады", - делінген бас санитар дәрігердің қаулысында.

Денсаулық министрлігінің ақпаратына сүйенсек, вакцинаның ашық құтысы асептика жағдайының бұзылу қаупіне байланысты ашылғаннан кейін сақталмайды және бірден пайдаланылады. Сондықтан вакцинаның құйылуын барынша азайту үшін 3 немесе 5 адам болғанда ғана көп дозалы құтыны ашу ұсынылып отыр.

Бұған дейін денсаулық сақтау министрлігі вакцинаны сақтау тәртібінің бұзылмауын бақылауды күшейткені хабарланды.

Оқи отырыңыз: Коронавирусқа қарсы екі түрлі вакцина салдыруға бола ма

 

83
Тақырып:
COVID-ке қарсы вакцина