Тұрғын үй, архивтегі фото

"Арнайы тұрғын үй бағдарламасы болады": Көлгінов жағымды жаңалықты бөлісті 

87
Биыл қалада 10 мың әлеуметтік пәтер салынады

НҰР-СҰЛТАН, 6 шілде – Sputnik. Нұр-Сұлтанда қала күніне орай 400 отбасыға пәтер кілті табысталды, деп хабарлайды Sputnik Қазақстан.  

Елорда әкімі Алтай Көлгіновтың айтуынша, пәтер алғандардың барлығы – баспана кезегінде тұрған азаматтар. Олар жетім балалар, ерекше қажеттілігі бар балаларды тәрбиелеп отырған отбасылар, толық емес отбасылар, зейнеткерлер және тағы басқа әлеуметтік осал топтар.

"Әлеуметтік тұрғын үй қаланың барлық ауданында салынуда. Бүгін пәтер кілті Есіл ауданындағы (Пригородный елді-мекені) және Алматы ауданындағы (Қошқарбаев көшесі мен А 104 қиылысы) тұрғын үй кешенінен берілді", - деп жазды Көлгінов әлеуметтік желіде.

Оның айтуынша, биыл қалада 10 мың әлеуметтік пәтер салынады. Осы санаттағы баспананың көлемі жыл сайын артып келеді. Бұдан бөлек, тұрғын үй сертификатының сомасы 1 млн теңгеден 1,5 млн теңгеге дейін ұлғайтылды.

"Қазақстандық тұрғын үй компаниясының (ҚИК) бағдарламасы бойынша қатысушылар санатын кеңейттік. Енді, медициналық қызметкерлер, педагогтар, әлеуметтік қызметкерлер, өрт сөндірушілер, тәртіп сақшылары, мәдениет және спорт қайраткерлері қатыса алады", - деп атап көрсетті қала басшысы.

Оқи отырыңыз: Қалай баспана алуға болады: Қазақстанда іске асып жатқан тұрғын үй бағдарламалары

Сондай-ақ, жұмыс істейтін жастарға жалға берілетін баспана бағдарламасы да жалғаса береді. Соның аясында жыл соңына дейін тағы 1 мыңнан астам жас баспаналы болады.

"Осы мың пәтерден бөлек, биыл жыл басында 350 жасқа пәтер кілті тапсырылған болатын. Сол сияқты 2021 жылы жастар үшін арнайы тұрғын үй бағдарламасын (әлеуметтік несиелеу) іске қосуды жоспарлап отырмыз", - дейді Көлгінов.

87
Кілт сөздер:
Алтай Көлгінов, тұрғын үй бағдарламасы, тұрғын үй
Тақырып бойынша
Депутаттар жаңа тұрғын үй бағдарламасын іске асыруды ұсынды
Министр кезекте тұрған азаматтарға баспана беру тәртібін түсіндірді
Нұр-Сұлтанда жастарға арналған тұрғын үй бағдарламасы іске қосылады
Елімізде "7-20-25" және "Баспана хит" бағдарламаларын қаржыландыру тоқтатылады
Қазақстанда баспана қымбаттауы мүмкін: шұғыл жиналыс өтті
Архивтегі фото

Мектептер Ashyq жобасына қосылуы мүмкін

13
Балаларды қыркүйектен бастап оффлайн оқыту мәселесі пысықталып жатыр, деді Айжан Есмағамбетова

НҰР-СҰЛТАН, 28 шілде – Sputnik. Денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мектептерде Ashyq қосымшасы енгізілуі мүмкін екенін айтты, деп хабарлайды Sputnik Қазақстан тілшісі.

"Балаларды қыркүйектен бастап оффлайн оқыту мәселесі пысықталып жатыр. Бүгінде мектептерде оқитын балалар саны үш миллионнан асады. Біз оқушылардың мектепте вирус жұқтыруы немесе вирус әкелуі мүмкін екенін түсінеміз. Сол себепті мектептерді, балабақшаларды, жоғары оқу орындарын Ashyq жобасына міндетті түрде қосу мәселесі қарастырылып жатыр", - деді Есмағамбетова баспасөз мәслихатында.

Айтуынша, 12 жасқа дейінгі балалар қоғамдық орындарға көп жағдайда ата-анасымен бірге барады. Сол себепті кіреберісте ата-ананың статусы қауіпсіз екені расталса, балалар солармен бірге өте алады.

Ал ересектерсіз қыдыратын 12 жастан асқан балалар үшін ерікті тестілеу қарастырылған.

13
Ashyq в аэропорту Алматы

Екінші тамыздан бастап қандай нысандар Ashyq-сыз жұмыс істейді

23
Ведомствоаралық комиссияның шешіміне байланысты 2 тамыздан бастап қосымша шектеу шаралары күшіне енеді

НҰР-СҰЛТАН, 28 шілде – Sputnik. 2 тамыздан бастап Ashyq жобасына қосылмаған кәсіпорындар мен ұйымдардың қызметі тоқтатылады. Денсаулық сақтау министрі Алексей Цой қандай нысандар Ashyq қосымшасына қосылмай-ақ жұмысын жалғастыратынын айтты, деп хабарлайды Sputnik Қазақстан тілшісі.

Ashyq-сыз жұмыс істейтіндер:

  • құрылыс жұмыстарын жүргізу;
  • өнеркәсіптік кәсіпорындар қызметі;
  • көлік жуу; автокөлік, тұрмыстық техника, сағат, телефон, компьютер, аяқ киім жөндеу; тігін ательесі, кір жуатын орын; химиялық тазарту; кілт жасау, гүл сататын дүкендер, фотосалондар:
  • туристік компаниялардың қызметі, бизнес орталықтардағы жекелеген қызмет түрлері: сақтандыру компаниялары, адвокат, нотариус, есепші мен консанлтинг қызметі, жылдымайтын мүлік агенттігі, сот орындаушылар, айырбастау пунктері, ломбардтар және тағы басқа.

Қоғамдық тамақтану орындары тек жеткізу және алып кету форматында істейді.

Цой Ashyq жобасына қосылмаған барлық кәсіпорын мен ұйымның қызметі уақытша тоқтатылатынын атап өтті. Бұл талап орталық мемлекеттік органдарға, әкімдіктерге, құқық қорғау органдарына, денсаулық сақтау ұйымдарына, БАҚ, азық-түлік дүкендеріне, дәріханалар мен тіршілікті қамтамасыз ету ұйымдарына қатысты емес.

Бұған қоса бұқаралық, спорттық, отбасылық, еске алу және тағы басқа шараларды өткізуге тыйым салынған.

Мемлекеттік органдарда, кеңселерде, ұлттық компаниялар мен өзге де ұйымдарда қызметкерлердің 80%-і қашықтан жұмыс істейді. Вакцина салдырғандар мен соңғы үш айда коронавируспен ауырып шыққандарға жұмысқа баруға рұқсат етіледі.

23