Мектеп, архивтегі сурет

Білім министрлігі аттестация қашан басталатынын хабарлады

2592
Сарапшылар тексерісті қашықтан жасайды. Ол үшін білім беру ұйымдары құжаттардың электронды нұсқасын жіберіп отырады

НҰР-СҰЛТАН, 7 шілде – Sputnik. 2021 жылы қыркүйек айында барлық мектепке дейінгі білім беру ұйымында, мектептерде, колледждерде, арнайы және әскери жоғары оқу орындарында мемлекеттік аттестация басталады, деп хабарлайды Sputnik Қазақстан.

Мемлекеттік аттестация бес жылда бір рет ұйымдастырылады. Соның аясында меншік формасына қарамастан, барлық білім беру ұйымы толығымен тексеріледі.

"Мемлекеттік аттестация профилактикалық бақылау үлгісінде өткізіледі. Негізгі мақсат – жалпыға міндетті мемлекеттік білім беру стандартының талаптарын орындау шараларын қадағалау. Сондай-ақ, білім беру ұйымдарына әдістемелік көмек беріледі", - деді білім саласындағы сапаны қамтамасыз ету департаментінің басшысы Гүлнәр Ермекбаева арнайы брифингте.

Аттестациялық комиссия бірыңғай республикалық реестрге кіретін сарапшылардың тізімі негізінде жасақталады. Ал тексерістің өзі қашықтан өтеді. Сарапшылар білім беру ұйымына бармайды. Олар білім беру ұйымдары жіберген құжаттардың электронды нұсқасы негізінде өз бағасын береді.

Атап айтқанда, оқушылардың білім деңгейі бағаланады, кешенді тестілеу өткізіледі. Ата-аналар арасында сауалнама ұйымдастырылады. Сондай-ақ, білім беру ұйымдарына өз-өзіне баға беруге мүмкіндік жасалады.

"Бұл - халықаралық тәжірибе. Ол да бақылаудың бір механизмі, ондай шара білім беру ұйымның дербестігін ынталандыруға, сондай-ақ, білім беру жұмысын жетілдіруге бағытталған", - деп атап көрсетті Ермекбаева.

Ал оқушылардың білімін бағалау аясында тестілеу жүргізіледі. Бастауыш сыныптарда – екі пән, негізгі орташа білім үшін – үш пән, ал жалпы орта білім алушылар төрт пән бойынша тест тапсырады.

Кәсіби-техникалық білім беру ұйымдарында екі салалық пән бойынша тестілеу ұйымдастырылады. Ал мектепке дейінгі білім беру және тәрбиелеу аясында ата-аналар арасында сауалнама жүргізіледі.

Бес жылдың ішінде барлық білім беру ұйымы – балабақша, мектеп, колледж, арнайы және әскери жоғары оқу орындары да мемлекеттік аттестациядан өтеді деген жоспар бар.

2592
Кілт сөздер:
білім және ғылым министрлігі
Тақырып бойынша
"Жоғары көрсеткішке жетуге тырыстым": павлодарлық түлек ҰБТ-да 140 балл жинады
ҰБТ тапсырғандардың нәтижесі жойылуы мүмкін - тексеріс жүріп жатыр
ҰБТ-дан шекті балл жинай алмағандар жоғары оқу орнына қалай түсе алады
Wi-Fi мен камерасы бар "шоколад": ҰБТ-да тағы тыйым салынған заттар анықталды
ҰБТ-2021: Аймағамбетов кімдердің бейнежазбасы тексерілетінін айтты
солдат

Отставкадағы генерал-лейтенант Құрбан Қаражанов өмірден озды

145
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

145
QazVac вакцинасы

Бас санитар дәрігер QazVac вакцинасына қатысты қаулыға қол қойды

80
(Жаңартылды 20:06 31.07.2021)
Енді QazVac вакцинасының құтысы үш немесе бес адам екпе алуға ниет еткенде ашылады, бұл вакцинаны сақтау талабын орындау үшін қажет

НҰР-СҰЛТАН, 31 шілде – Sputnik. Бас мемлекеттік санитар дәрігер Ерлан Қиясов қаулы шығарып, QazCovid-in (QazVac) вакцинасын шығару формасын өзгертті.

"QazCovid-in вакцинасын шығару формасы: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыға құйылады", - делінген бас санитар дәрігердің қаулысында.

Денсаулық министрлігінің ақпаратына сүйенсек, вакцинаның ашық құтысы асептика жағдайының бұзылу қаупіне байланысты ашылғаннан кейін сақталмайды және бірден пайдаланылады. Сондықтан вакцинаның құйылуын барынша азайту үшін 3 немесе 5 адам болғанда ғана көп дозалы құтыны ашу ұсынылып отыр.

Бұған дейін денсаулық сақтау министрлігі вакцинаны сақтау тәртібінің бұзылмауын бақылауды күшейткені хабарланды.

Оқи отырыңыз: Коронавирусқа қарсы екі түрлі вакцина салдыруға бола ма

 

80
Тақырып:
COVID-ке қарсы вакцина