Ұлттық бірыңғай тестілеу орталығы

Қазақстанда тестілеу орталықтарының саны қысқарады

41
(Жаңартылды 16:15 07.07.2021)
Аймағамбетов ұлттық тестілеу орталығын барынша жинақы ету үшін батыл шаралар қабылдау қажет екенін айтты

НҰР-СҰЛТАН, 7 шілде – Sputnik. Қазақстанда ұлттық тестілеу орталығының филиалдары азаяды. Білім және ғылым министрі Асхат Аймағамбетов тиісті тапсырма берді, деп хабарлайды Sputnik Қазақстан.

"Тағы бір мәселе – ұлттық тестілеу орталығының жергілікті филиалдарын азайту бойынша жұмыс жүргізілсін. Олар ең басты, ең маңызды орталықтарда ғана жұмыс істейді. Электронды тестілеуге көшкеннен кейін оларға қажеттілік жоқ", - деді Аймағамбетов министрліктің аппарат жиналысында.  

Ол ұлттық тестілеу орталығын барынша жинақы ету үшін батыл шаралар қабылдау қажет екенін мәлімдеді. Министр ұлттық тестілеу орталығының басшылығы мен вице-министрге осы бағыттағы жұмысты жүргізуді тапсырды.

Айта кетсек, ұлттық тестілеу орталығының филиалдары облыс орталықтары мен ірі қалаларда орналасқан. Десе де оқушылар емтиханды тұрғылықты жерінде ғана емес, кез келген өңірде тапсыра алады. Ұлттық орталықтың филиалдары қысқарған жағдайда ел бюджеті үнемделеді, алайда шалғай өңірлерде тұратын оқушыларға сынама және негізгі ҰБТ-ны тапсыру үшін ұзақ жол жүруге тура келуі мүмкін.

Тағы оқыңыз: ҰБТ-2021: Аймағамбетов кімдердің бейнежазбасы тексерілетінін айтты

Бұған дейін ұлттық тестілеу орталығының басшылығы электронды ҰБТ-ны енгізу бюджет шығындарын едәуір қысқартуға мүмкіндік бергенін мәлімдеді. Егер бұрын Қазақстан ҰБТ-ға бір миллиард теңге жұмсаса, биыл тестілеуге 400 миллион теңге кетті. Ал келесі жылы бюджет одан да аз болады, өйткені электронды ҰБТ үшін инфрақұрылым дайын.

41
Кілт сөздер:
Ұлттық тестілеу орталығы, ҰБТ, Асхат Аймағамбетов
Тақырып бойынша
ҰБТ-2021: орнына басқаны кіргізбек болғандарға қатысты қылмыстық іс қозғалды
ҰБТ тапсырғандардың нәтижесі жойылуы мүмкін - тексеріс жүріп жатыр
ҰБТ-дан шекті балл жинай алмағандар жоғары оқу орнына қалай түсе алады
Биылғы ҰБТ-да бір түлек қана ең жоғары ұпай жинады
 Архивтегі фото

Коронавирус пен пневмония тағы 100 адамның өмірін жалмады

544
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

544
Тақырып:
Коронавирус эпидемиясы
Пробирка с тестом на коронавирус

Денсаулық сақтау министрлігі коронавирусқа қатысты статистиканы жаңартты

58
Нұр-Сұлтанда 1 518, Алматыда 1511, Қарағанды ​​облысында 964 адам коронавирус инфекциясын жұқтырған

НҰР-СҰЛТАН, 31 шілде – Sputnik. Қазақстанда өткен тәулікте 7 691 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 7 778 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1518
  • Алматы қаласы - 1511
  • Шымкент қаласы - 477
  • Ақмола облысы - 253
  • Ақтөбе облысы - 332
  • Алматы облысы - 300
  • Атырау облысы - 417
  • Шығыс Қазақстан облысы – 216
  • Жамбыл облысы - 247
  • Батыс Қазақстан облысы - 159
  • Қарағанды облысы - 964
  • Қостанай облысы - 245
  • Қызылорда облысы - 257
  • Маңғыстау облысы - 236
  • Павлодар облысы - 280
  • Солтүстік Қазақстан облысы - 155
  • Түркістан облысы – 124.

Жалпы ел бойынша ауырғандар саны – 572 576.

58
Кілт сөздер:
статистика, коронавирус
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

0
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

0