Әли Оқапов

"Анамның пікірімен келіспеймін": Роза Рымбаеваның ұлы мәлімдеме жасады

4432
(Жаңартылды 19:11 07.07.2021)
Әли Оқапов анасы мен Иманбектің айналасындағы дауға ешқандай қатысы жоқ екенін атап өтті, дегенмен жауапкершілікті мойнына алып, бұл жағдай жанын жабырқатқан адамдардан кешірім сұрауға дайын екенін мәлімдеді

НҰР-СҰЛТАН, 7 шілде – Sputnik. Халық әртісі Роза Рымбаеваның ұлы Әли Оқапов өзінің Instagram парақшасында анасының Иманбек жайлы айтқан сөзіне қатысты пікір білдірді, деп хабарлайды Sputnik Қазақстан.   

Посмотреть эту публикацию в Instagram

Публикация от Али Окапов (@aliokapov)

"Шынымды айтсам, анамның пікірімен келіспеймін. Мен оны сол күні таңертең видеоны көрген кезде-ақ айттым, оған барып, қателескенін жеткіздім. Неліктен? Себебі, біріншіден, анам сөз еткен музыкалық сауаттылыққа қатысты айтсақ, меніңше Грэмми адамның музыкалық білімі бар-жоғын елең қылмайды. Барлық уақытта талант ең маңызды болып қала бермек", - деді Әли Оқапов.

Оның пікірінше, талант қана адамдарды Грэммиге жетелейді, олардың дипломы емес, тек таланты ескеріледі. Иманбектің жағдайында бұл факт.  

"Оның Грэмми алуға тағы қандай мүмкіндігі болып еді? Тек таланты арқылы жетті ғой. Сәттілікке келетін болсақ, менің ойымша, сәттілік кез келгеніміз үшін үлкен рөл атқарады", - деді халық әртісінің ұлы.

Ол өзінің бұл жағдайға ешқандай қатысы жоқ екенін атап өтті, дегенмен отбасындағы үлкен ер азамат болғандықтан, жауапкершілікті мойнына алып, бұл жағдай жанын жабырқатқан адамдардан кешірім сұрауға дайын екенін мәлімдеді.

"Мен оның пікірімен келіспеймін, бірақ оның пікір білдіруге толық құқығы бар, бұл талғамға қатысты мәселе, басқа ештеңе емес", - деп толықтырды Оқапов.

Ол қолданушыларды шектен шықпауға шақырды, өйткені халық әртісінің сөзінде жаман ештеңе болған жоқ.

Еске сала кетейік, Роза Рымбаева Грэмми сыйлығын иеленген қазақстандық диджей Иманбектің шығармашылығын сынға алған болатын.

"Ол кәсіби музыкант емес. Оның жай ғана жолы болды. Ырғағын, стилистикасын өзгертті, мұның бәрі компьютерде жасалады. Оны автор, орындаушы немесе автор-аранжировщик ретінде емес, remix ретінде бағалады. Ол тек жылдамдығын күшейтті, сөйтіп ырғағы өзгерді", - деді Рымбаева.

Оқи отырыңыз: Imanbek Роза Рымбаеваның сынына жауап берді

Әлеуметтік желідегі тікелей эфир кезінде Иманбектен Роза Рымбаеваның сөзі туралы не ойлайтынын сұрады.

"Мен оған ересек адам ретінде қараймын. Олар аға буын, мен ешқашан оларды сынамаймын. Дауласпаймын да, бұл оның пікірі, мен тыңдадым, түсіндім", - деп жауап берді диджей.

Иманбек Зейкенов (Imanbek) – Grammy музыкалық сыйлығын иеленген алғашқы қазақ. Диджей сыйлықты танымал "Roses" әнінің ремиксі үшін алды.

4432
Кілт сөздер:
Әли Оқапов, Роза Рымбаева, Иманбек Зейкенов
мектеп формасы

Кәсіпкерлер министр Аймағамбетовтің шешіміне наразылық білдірді

20
(Жаңартылды 10:55 04.08.2021)
Елдегі эпидемиологиялық жағдайға байланысты білім министрлігі жаңа оқу жылында балаларға классикалық стильдегі киім киюге рұқсат бермек

НҰР-СҰЛТАН, 4 тамыз – Sputnik. Жаңа оқу жылында мектеп формасына талап қойылмайды. Оқушылар классикалық үлгідегі киіммен мектепке бара алады. Алайда кәсіпкерлер министрдің осы бір шешіміне үзілді-кесілді қарсы, деп хабарлайды КТК арнасы.

Күні кеше білім және ғылым министрі Асхат Аймағамбетов жаңа оқу жылында балаларға тағы классикалық стильдегі киім киюге рұқсат берілетінін мәлімдеді. Негізгі себеп – елдегі эпидемиологиялық жағдай. Министрдің айтуынша, қазіргі кезде дүкендер белгілі бір уақытта, ал кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезектер болып, Covid-19 жұқтыру қаупі күшейеді. Оған қоса, уақытша экономикалық қиындықтарға байланысты мектеп формасы кейбір отбасылардың қалтасына салмақ салуы мүмкін. Пандемиядан кейін оқушылар қайтадан мектеп формасын киюге міндетті болады.

Алайда мектеп формасын шығаратын кәсіпкерлер министрдің шешімімен келіспей отыр. Себебі олар жарты жыл бұрын дайындық жұмыстарына кіріскен. Ал министр мырза формаға қатысты жаңалықты енді ғана жариялады. Кәсіпкерлер болса, қажетті материалды сатып алып, форма үлгілерін де жасап қойған.

"Былтыр ол жеңіл өнеркәсіптің бір бөлігін жойып жіберді. Биыл қалғанын құртуға шешім қабылдапты. Келесі жылы не болатынын ешкім білмейді. Біз 20-шы жылдан әрең дегенде шықтық. Ал келесі жылы ол формамен не істейміз? Бұның барлығы – миллиондаған шығын. Биыл біз және басқа әріптестеріміз қалдықтарды сатса, келесі жылы жаңа маталарды сатып алу қажет. Бірақ қандай мата аламыз? Кімге? Не үшін? Министр тағы бес минут қалғанда ештеңе керек емес деп айтып жүрмей ме?", - дейді кәсіпкер Сергей Сокирко.

Ал ата-аналар арасында министрліктің шешіміне қатысты екіұдай пікір бар. Біреулер қолдаса, енді біреулер жаңа форманы таңдап жүр.

Оқи отырыңыз: Мектеп формасы міндетті бола ма – Аймағамбетов мәлімдеме жасады

 

20
Кілт сөздер:
Асхат Аймағамбетов, жеке кәсіпкерлер
Ұялы телефон

Телефон қасыңызда тұрғанда не жайлы сөйлесуге болмайды

973
(Жаңартылды 10:20 04.08.2021)
Адамның сөзін тыңдауға арналған қосымшалар мен бағдарламалар ақпаратты әлеуметтік желілерге ғана емес, алаяқтарға да берілуі мүмкін

НҰР-СҰЛТАН, 4 тамыз — Sputnik. Қазіргі уақытта ресми түрде жарияланбаса да, заманауи телефондар адамдарды тыңдайтынын бәрі түсінді. Әзірге айтарлықтай қауіпті емес. Алайда ақпаратты жарнама ұсынушылар ғана емес, қылмыскер, алаяқтар да қолдануы мүмкін.

"Сондықтан кейбір тақырыптарды телефон қасыңызда болғанда талқыламаған дұрыс. Жеке ақпаратты айтпау керек", - деді "Прайм" агенттігіне B&C коммуникативтік агенттігінің басқарушысы Марк Шерман.

Оның айтуынша, телефонды тәулік бойы тыңдайды деген ақпарат дәлелденбеген. Маман кибер қылмыскерлерге алданып қалмау үшін ақшаға қатысты,жеке мәліметтер туралы мағлұматты айтпау керек деп отыр. Олар банк есепшотындағы қаражатты алып қоюы мүмкін.

Сондай-ақ, өнеркәсіптік тыңшылық жасалады деген де болжам бар. Сондықтан клиент пен орындаушы маңызды жайттарды телефонмен емес, жеке кездесу кезінде талқылауы тиіс. Бәсекелестер әңгімені тыңдауы мүмкін.

973
Тақырып бойынша
"Біз не болғанын түсінбедік": Блогердің ұлы телефонның кесірінен көз жұмды
Ақорда "Тоқаевты телефон арқылы аңдып жүр" деген ақпаратқа ресми түсініктеме берді
Тыңшылық дауы: тізімнен тағы үш танымал қазақстандық табылды
Қалмұханбет Қасымов қызметінен босатылды
Телефон қоңырауына жауап берген Сарыағаш тұрғыны 500 мың теңгеден айырылды