Архивтегі фото

Аптап ыстық, өткінші жаңбыр: 8 шілдеде ауа райы қандай болады

2656
(Жаңартылды 20:48 07.07.2021)
Кей жерлерде шаңды дауыл тұрып, жел күшейеді, республиканың батысында, солтүстік-батысында және шығысында бұршақ жаууы мүмкін

НҰР-СҰЛТАН, 7 шілде – Sputnik. Қазақстанның басым бөлігінде ауа райы құбылмалы, жаңбырлы болады, елдің солтүстік-батысында және батысында нөсер жауын жауады. Тек елдің солтүстігінде күн ашық, деп хабарлады Қазгидромет.

Өңірлердегі ауа райы

Ақмола облысында кей жерлерде бұршақ жаууы мүмкін, секундына 15-25 метр жылдамдықпен жел соғып, шаңды дауыл тұрады.

Батыс Қазақстан, Ақтөбе облыстарында кей жерлерде бұршақ жауып, дауыл тұрады, жел секундына 15-25 метрге дейін күшейеді.

Маңғыстау, Атырау облыстарында шаңды дауыл көтеріліп, секундына 15-20 метр жылдамдықпен жел соғады.

Түркістан облысында дауыл тұрады, секундына 15-20 метр жылдамдықпен жел соғады, екпіні секундына 25 метрге жетеді.

Оқи отырыңыз: Биыл жаз қандай болады – синоптиктер болжам жасады 

Қызылорда облысында қатты ыстық болады, желдің жылдамдығы – секундына 15-25 метр, кей жерлерде шаңды дауыл тұрады.

Қостанай облысында секундына 15-25 метр жылдамдықпен жел тұрады, кей жерлерде бұршақ жауады, дауыл тұрады.

Жамбыл, Қарағанды, күндіз Солтүстік Қазақстан, Павлодар облыстарында жел секундына 15-20 метрге күшейеді.

Күндіз Қостанай, Шығыс Қазақстан облыстарының оңтүстігінде қатты ыстық болады, Қарағанды ​​облысының оңтүстігінде аптап ыстық сақталады.

Алматы, Жамбыл, Түркістан облыстарында қатты ыстық болады.

Мегаполистердегі ауа райы

Нұр-Сұлтанда сынап бағанасы күндіз +26 .. + 28 ° C, түнде +13 .. + 15 ° C көрсетеді. Күндіз жаңбыр жауады. Желдің жылдамдығы – 9-14 м/с.

Алматыда күн ыстық болады: күндіз ауа температурасы +36 .. + 38 ° C дейін ысиды, түнде сынап бағанасы +23 .. + 25 ° C көрсетеді.

Шымкентте синоптиктер көшпелі бұлт шығады деп болжап отыр, күндіз +40 .. + 42 ° C-қа дейін ыстық, түнде +24 .. + 26 ° C жылы болады.

   

2656
Кілт сөздер:
ауа райы, ыстық
Оқушылар

Жаңа оқу жылындағы каникул: оқушылар қанша күн демалады

21
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

21
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды
мектеп формасы

Кәсіпкерлер министр Аймағамбетовтің шешіміне наразылық білдірді

32
(Жаңартылды 10:55 04.08.2021)
Елдегі эпидемиологиялық жағдайға байланысты білім министрлігі жаңа оқу жылында балаларға классикалық стильдегі киім киюге рұқсат бермек

НҰР-СҰЛТАН, 4 тамыз – Sputnik. Жаңа оқу жылында мектеп формасына талап қойылмайды. Оқушылар классикалық үлгідегі киіммен мектепке бара алады. Алайда кәсіпкерлер министрдің осы бір шешіміне үзілді-кесілді қарсы, деп хабарлайды КТК арнасы.

Күні кеше білім және ғылым министрі Асхат Аймағамбетов жаңа оқу жылында балаларға тағы классикалық стильдегі киім киюге рұқсат берілетінін мәлімдеді. Негізгі себеп – елдегі эпидемиологиялық жағдай. Министрдің айтуынша, қазіргі кезде дүкендер белгілі бір уақытта, ал кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезектер болып, Covid-19 жұқтыру қаупі күшейеді. Оған қоса, уақытша экономикалық қиындықтарға байланысты мектеп формасы кейбір отбасылардың қалтасына салмақ салуы мүмкін. Пандемиядан кейін оқушылар қайтадан мектеп формасын киюге міндетті болады.

Алайда мектеп формасын шығаратын кәсіпкерлер министрдің шешімімен келіспей отыр. Себебі олар жарты жыл бұрын дайындық жұмыстарына кіріскен. Ал министр мырза формаға қатысты жаңалықты енді ғана жариялады. Кәсіпкерлер болса, қажетті материалды сатып алып, форма үлгілерін де жасап қойған.

"Былтыр ол жеңіл өнеркәсіптің бір бөлігін жойып жіберді. Биыл қалғанын құртуға шешім қабылдапты. Келесі жылы не болатынын ешкім білмейді. Біз 20-шы жылдан әрең дегенде шықтық. Ал келесі жылы ол формамен не істейміз? Бұның барлығы – миллиондаған шығын. Биыл біз және басқа әріптестеріміз қалдықтарды сатса, келесі жылы жаңа маталарды сатып алу қажет. Бірақ қандай мата аламыз? Кімге? Не үшін? Министр тағы бес минут қалғанда ештеңе керек емес деп айтып жүрмей ме?", - дейді кәсіпкер Сергей Сокирко.

Ал ата-аналар арасында министрліктің шешіміне қатысты екіұдай пікір бар. Біреулер қолдаса, енді біреулер жаңа форманы таңдап жүр.

Оқи отырыңыз: Мектеп формасы міндетті бола ма – Аймағамбетов мәлімдеме жасады

 

32
Кілт сөздер:
Асхат Аймағамбетов, жеке кәсіпкерлер