ҰҚК қызметкерлері, көрнекі фото

Қырғызстан мен Өзбекстаннан жеткізіп тұрған: ҰҚК арнайы операция өткізді

99
Қазақстан үшін негізгі есірткі қаупінің бірі "ауған факторы" болып табылады

НҰР-СҰЛТАН, 8 шілде — Sputnik. Ұлттық қауіпсіздік комитетінің қызметкерлері халықаралық есірткі арнасын жойды. ҰҚК баспасөз қызметінің ақпаратынша, Қазақстан үшін негізгі есірткі қаупінің бірі "ауған факторы" болып табылады.

Есірткінің қарқынды және жаппай таратылуы ұлт денсаулығына орасан зиян келтіріп, ел генофондына теріс әсер етуде.

Ауғанстандағы тұрақсыз ахуал Орталық Азия елдері арқылы Ресей мен Еуропаға есірткі ағынының жандануына ықпал етуде.

Осындай жағдайда Қазақстанның Ұлттық қауіпсіздік комитеті 2021 жылдың маусымында шетел серіктестерімен өзара іс-қимылда Қырғызстан мен Өзбекстаннан Қазақстанға апиын есірткісін контрабандалық жеткізу арналарының жолын кесу бойынша 2 халықаралық операцияны іске асырды.

Арнайы операция нәтижесінде 12,3 кг ауыр есірткі құралының Қазақстанға келіп түсуіне жол берілмеді.

Өзбекстан мен Қазақстан аумағында трансұлттық құрылымдардың 4 қатысушысы қылмыс үстінде ұсталды.

Оқи отырыңыз: Атырауда деструктивті діни ағым өкілдерінің арам пиғылы жүзеге аспады

Қырғыз Республикасынан жеткізілген есірткіні жасырын орыннан алу кезінде Тараз қаласының есірткі курьері – бұрын осыған ұқсас есірткі қылмысын жасағаны үшін сотталған Қазақстан Республикасының азаматы ұсталды. Олар кінәларын мойындады, тергеумен ынтымақтастық жасауда.

Бұл қылмыс үшін жоғарғы мерзім 20 жыл не мүлкін тәркілеумен өмір бойына бас бостандығынан айыру қарастырылған.

Есірткі трафигіне қатысы бар өзге де адамдарды анықтау бойынша тергеу-жедел іс-шаралары жалғасып жатыр.

99
Кілт сөздер:
арнайы операция, ҰҚК
Ақтөбе облысының әкімі Оңдасын Оразалин ғалымдармен кездесті

Ақтөбе облысында сармат дәуірінің қорымы табылды

5
Мұғалжар ауданы аумағындағы Жағабұлақ қорымын зерттеу жұмыстары әлі жалғасып жатыр

НҰР-СҰЛТАН, 4 тамыз – Sputnik. Ақтөбе облысының аумағынан сармат дәуірінің қорымы табылды. Онда тастан жасалған құрбан шалынатын орын мен алтынмен қапталған семсер сақталған.

Ақтөбе облысының әкімі Оңдасын Оразалин тарих ғылымдарының докторы, Шығыс елдері сәулеті халықаралық академиясының корреспондент-мүшесі Серік Әжіғалимен, тарих ғылымдарының кандидаты, Ә.Х.Марғұлан атындағы археология институтының бас директоры міндетін атқарушы Талғат Мамыровпен кездесті, деп хабарлайды өңір әкімінің баспасөз қызметі.

Ғалымдар облыс әкіміне Мұғалжар ауданы аумағында Жағабұлақ қорымынан бір ай бұрын табылған бірегей олжа – тастан жасалған құрбан шалынатын орын мен алтынмен қапталған көрнекті семсерді көрсетті.

Каменный жертвенный, найденный на территории могильника в Актюбинской области
© Photo : ПС акимата Актюбинской области
Ақтөбе облысының аумағындағы қорымнан табылған тастан жасалған, құрбан шалынатын орын

Қорымның өзі ерте темір дәуіріне, яғни б.д.д. VI-V ғасырларға жататын ірі кешен екенін айта кеткен жөн. Сондай-ақ мұнда қола айналар, алтын тоға және тағы басқа ежелгі заттар табылды. Археологиялық ескерткішті зерттеу жұмыстары әлі де жалғасуда.

Сонымен бірге, Қарғалы ауданында қола дәуірінің қоныс-мекендері табылды. Сол аумақтан метал пеш табылған. Бұл қазіргі Ақтөбе облысының аумағын қола дәуірінде мекендеген тайпалардың метал өндірісімен айналысқанын дәлелдейді.

Меч, найденный в могильнике Жагабулак в Актюбинской области
© Photo : ПС акимата Актюбинской области
Жағабұлақ қорымынан табылған семсер

Бұдан бөлек, жуырда өңірде Едіге батыр мен Исатай Тайманұлының жерленген орнын іздеу жұмыстары басталады. Құрамына архитекторлар, этнографтар, археологтар мен арабистер кірген этнографиялық экспедицияны атақты ғалым, профессор Серік Әжіғали басқарды.

Облыс әкімі Оңдасын Оразалин жүргізіліп жатқан ғылыми-зерттеу жұмыстарының маңыздылығын атап өтіп, жергілікті атқарушы органдар өңірдің тарихи-мәдени мұрасын зерттеуге, сақтауға және дәріптеуге жан-жақты қолдау көрсетуді жалғастыратынын айтты.

5
Кілт сөздер:
Ақтөбе облысы, археология
Архивтегі сурет

Қазақстанның он тоғыз миллионыншы тұрғыны туралы жаңа дерек шықты

46
Қазақстанның он тоғыз миллионыншы тұрғыны ретінде тіркелген Жания Азаматқызы Алматы қаласында дүниеге келді

НҰР-СҰЛТАН, 4 тамыз – Sputnik. Қазақстанның он тоғыз миллионыншы азаматы 20 маусымда Алматы қаласында туды. Бұл туралы ұлттық статистика бюросы хабарлайды.

Халықтың ағымдағы есебі деректеріне сәйкес 2021 жылдың 20 маусымында Қазақстан Республикасының 19 миллионыншы тұрғыны дүниеге келді.

"Еліміздің он тоғыз миллионыншы тұрғыны ретінде Жания Азаматқызы анықталды. Ол Алматы қаласында туған, отбасында төртінші бала", - делінген хабарламада.

Туу туралы актісіне сәйкес, нәрестенің ата-анасы Алматы облысы Іле ауданы Чапаево ауылында тұрады. Анасы – 1986 жылғы Назгүл Көбентаева, әкесі – 1982 жылғы Азамат Нұрғалиев.

Бұл ретте Ұлттық статистика бюросы он тоғыз миллионыншы тұрғын қалай анықталғанын түсіндірді. Оны анықтау кезінде табиғи қозғалыс өсімі (белгілі бір кезеңде дүниеге келгендер мен қайтыс болғандар арасындағы айырма) және халықтың көші-қон айырымы (ел аумағына белгілі бір кезеңде келгендер саны және оның шегінен тыс кеткендер саны арасындағы айырма) ескерілген. Кандидатура жалпы республика бойынша, тұратын жеріне тәуелсіз анықталды.

Тағы оқыңыз: Алматы облысында еліміздің он тоғыз миллионыншы азаматы дүниеге келді – Тоқаев

Тәуелсіздік жылдары ішінде Қазақстан халқының саны 2 557,9 мың адамға (15,5%) өсіп, биыл 1 шілдеде 19 009,6 мың адамды құрады.

3 тамыз күні президент Қасым-Жомарт Тоқаев Twitter-де Қазақстан халқы 19 миллион адамға жеткенін хабарлады. Мемлекет басшысы он тоғыз миллионыншы азаматтың ата-анасы мен қазақстандықтарды осы қуанышпен құттықтады.

46
Кілт сөздер:
Қазақстан халқы, статистика
Қамшыбек Қоңқабаев

Қоңқабаев Олимпиада финалына шыға алмады

0
(Жаңартылды 12:46 04.08.2021)
Токио Олимпиадасында бір қазақстандық боксшы жарыс жолынан шықпай келеді. Кеше Сәкен Бибосынов испаниялық Эскобар Маскунаноны жеңіп, жартылай финалға шықты

НҰР-СҰЛТАН, 4 тамыз – Sputnik. Қазақстандық боксшы Қамшыбек Қоңқабаев Токио Олимпидасының финалына шыға алмады, деп хабарлайды Sputnik Қазақстан тілшісі. 

Жартылай финалда жерлесіміз америкалық боксшы Ричард Торреспен кездесті. Бас кезінде Қоңқабаев қашып бокстасты. Жойқын соққыларын шебер орындай білді. Қарсыласы да қарап қалған жоқ. Бірінші раундта бес төрешінің төртеуі америкалық боксшыға жоғары ұпай берді. Ал екінші раундтың соңында Қоңқабаев нокдаунға түсіп қалды.

Үшінші раундта екеуі ашық бокстасты. Бірақ қазақстандық спортшы ештеңе өзгерте алмады. Ауыр жарақат алып қалды. Содан дәрігер жекпе-жекті тоқтатуға шешім қабылдады. Осылайша Қоңқабаев қола жүлдені қанағат тұтты. 

Айта кетері, алғашқы жекпе-жекте Қоңқабаев мысырлық Есри Мостафа Резкты 5:0 есебімен жеңген болатын. Одан кейін ширек финалда ресейлік боксшы Иван Верясовтан басым түсіп, жартылай финалға шықты. 

Токио Олимпиадасында бір қазақстандық боксшы жарыс жолынан шықпай келеді. Кеше Сәкен Бибосынов (52 келі) испаниялық Эскобар Маскунаноны жеңіп, жартылай финалға шықты.

 

0